金坊泰國美食 @ 荃灣 (PART 1/2) ( 26-MAR-2016 )

( 26-MAR-2016  SAT )

今朝 9 點半起身   刷牙洗臉落樓食早餐 ~ 

食完再去買麻糬同支裝茶   費事一陣匆匆忙忙唔記得呢 ~

阿 mi 話要 2-3粒   我以為係佢自己食   點知佢話係同阿喂 Share 食   又會食咁少嘢嘅   真係聽見都餓呀   哈哈   因為 $17/5個   所以唔理喇   比夠 5 個佢哋呢         

番到屋企再執好啲嘢就出發喇   本來約咗阿 mi 喂 11 點 45 分喺黃大仙巴士站等   但最後都遲咗 5 分鐘   最衰里奧大人啦   計錯時間   哈哈 ~

好喇   會合就即跟阿喂領隊喇   唔記得坐 37M 定 18 小巴   之後去到邊度落車   總知佢叫做乜就做乜啦 ~   

問番阿 mi   我哋係喺沙田拗上山   再行麥理浩徑 4 & 5 段呢 ~

今次我唔掂呀   上斜路 10 分鐘就要抖一抖   真係好驚影響阿 mi 喂行山速度   但最衰我又唔快得   唉   下次再行多幾次勁嘢   先好約佢哋行   真係唔想拖慢佢哋囉 ~

11:57am 落車 

上斜

12:03 pm   睇相我仲以為自己要抖下添   原來係阿 mi 話有隻無尾蜥蝪   我想影相   但佢走得好快   可能我嚇驚咗佢呢 

繼續上斜

12:11pm 我又要抖喇   睇佢哋啲企姿   真係 Hea 住等我抖   呵呵   咁我哋又飲啖水咁嘛   阿喂開阿 mi 背囊拎水杯出嚟   好鬼粗魯咁將阿 mi 條馬尾 Fing 左邊   之後阿 mi 話一陣又會 Fing 多次   果然真係 Fing 多次   好搞笑   呢下我覺得里奧大人原來對我好溫柔   佢唔會大力整我啲頭髮㗎   因為我會鬧佢  哈哈   大佬呀   我頭髮已經唔多啦   整多兩整無埋㗎喇   

我哋無上去睇呀

所以繼續上去   阿 mi 個姿勢好搞笑   好似好攰咁   我睇見佢披件褸就覺得熱喇   哈哈   

行咗半個鐘終於到平地喇   勁開心   去埋個洗手間就正式行山喇喂   

我話呢部車好勁呀   阿喂話有乜咁勁 ?!   因為我以為呢個係車頭嚟   全黑喎   係咪型先 ?!   但之後再望真啲   原來係車尾   哈哈   肯定上斜上到黐咗線   哈哈 

呢日都熱熱哋   但間唔中就有風吹埋喇   冰冰凍凍咁   勁正㗎

影完指示牌   但其實都唔知自己去邊   因為全程跟住阿喂行   哈哈   

上樓梯喇   阿喂成日問甘唔甘   唉   做駛講嘅   哈哈

1 點喇   又搵個地方比我抖下   哈哈

望到鑽石山同九龍灣   好有親切感

阿 mi 同阿喂講   話介紹邊個地方呢   係要話比人知喺天橋或者馬路附近邊度   人地先清楚嘛   因為棟棟樓差唔多   阿 mi 咁講   我突然間覺得佢真係好仔細呀

行呀行   成程真係講好多次唔好意思   始終今日咁好天   如果佢哋兩個自己行   應該可以好快行哂   但我蝸速又要抖   唉 ~

阿 mi 都安慰我   話佢依家行山都係慢慢行囉   但阿喂就話我真係行得仲慢過佢爸爸   哈哈哈哈 ~

傾傾下   里奧大人喺度摸下條頸   之後唧住隻唔知咩昆蟲慢慢睇係咩   嚇死人咩大佬   我見到好似係一間間咁嘅昆蟲   嚇到我同阿 mi 即走啦   我哋長頭髮   最驚黐住喺啲頭髮度囉   所以我不停咁 Fing 個頭   有咩聲音就即撥走去呢 ~ 

呢啲 路算好好行   

影咗又點   都唔知去邊   哈哈哈哈    

有唔小狗出沒   不過呢兩隻係有狗帶呢

我行呢啲絕對無問題   仲可以邊行邊傾添   哈哈

上獅子山頭   唔好搞我

閃

機槍堡遺跡   石屎嘅左上角有幾個長方型洞口   就係機槍口喇

機槍堡簡介

2 點半喇   又影下積木 

咁應該係去筆架山 lu 

繼續上上上   辛苦過行黃山   哈哈哈哈

落後了

行呀行   阿喂行得好快   完全唔見佢踪影呀   咁阿 mi 話阿喂一定特登行快啲   之後就玩電話   講到阿喂好似細路仔咁   哈哈 ~

我哋以為阿喂喺度等我哋   點知我哋抖咗陣   我再叫幾聲阿喂都無人應   佢應該真係走得好遠   之後我哋都走喇   

行咗差唔多好似 15 分鐘左右   都唔見阿喂    之後見到佢覆群組谷   咁即係佢無碌落山啦   放心放心 ~ 

終於見到阿喂喇   阿 mi 即話佢啦   話又要擔心前面嘅你   但佢又唔可以上前搵你   因為又要擔心後面嘅我   好感動阿衰 mi   哈哈 ~

行得越嚟越高 lu

今次真係要上好多樓梯呀   我其實 OK 嘅   但就唔可以快   因為真係唔夠氣 ~

我叫阿 mi 唔好行我後面   我驚一陣無力向後跌   佢話佢會一手托住我個籮 Pat 再推番我上前  好勁咁喎   哈哈   不過有啲人真係喺緊急關頭   可以力大無窮㗎

呢張相   好似反影緊阿 mi 唔上又唔落   哈哈   因為佢真係顧前又顧後   我勁唔好意思呢

阿 mi 捉住阿喂 "訓話"   呢個時間我就會乖乖墮後 (笑) 呢   哈哈哈哈

有個亭   不過都無坐低抖呀   想快啲行呢

呢張相   我覺得完全表達到我喺度想講 : 仲要上幾多級樓梯呀 ?!

如果我全日行呢啲路真係無問題喎   呵呵

呢日未完㗎 ^^