栢檔極品海南雞飯 @ 九龍灣 ( 13-AUG-2016 )

極品海南雞飯套餐

香煎手剁魚香肉餅飯套餐 

( 13-AUG-2016  SAT )

今朝 7 點半起身喇   拿拿聲沖埋涼就出門口   一落車就去百佳買 4 支金鈁   尋晚睇到張 Receipt 寫住買滿 $50 減 $8 嘛   所以好抵   點知過唔到機   原來 19/8 先可以用   哈哈   咁照買啦   之後同家姐講話買咗 4 支比佢   但無得用張減 $8 Receipt   點知佢話原來尋晚想講話 19/8 開始   但唔記得講   好在點計都係平啫   唔係真係嘥我時間   我會話佢㗎 ~

買完就食嘢   都仲有半個鐘比我慢慢嘆 ~

菇場忙咗個幾鐘   之後又做自己嘢啦 ~

諗住今日唔出街   但里奧大人要去大眾買書   咁我話順便去 Ikea 食嘢啦   唔知點解好想去 Ikea 食嘢   佢食完早餐去剪髮   咁之後佢都番屋企抖陣   好在佢抖陣咋   可以幫我拎件長外套   呵呵 ~

放工搭巴士去 mega BOX   咁去大眾搵里奧大人   無耐就話去 Ikea 食嘢   咁之得直接去 Ikea 啦 ~

賣相嚇鬼死人   唔知以為幾碟食剩放埋一碟   個職員 "北" 到咁樣

薯格好味

藍莓紅莓芝士餅   以 $19 黎講都算抵   我覺得味道好味過 Starbucks 添呀  

食完都差唔多 3 點   去番大眾書局買書喇   咁各有各睇   我多數睇食譜嘅   咁我專心睇啦   隔離果 2 個女仔係咁傾偈   唔係細聲嗰隻喎   傾成 5 分鐘   最後我頂唔順行開 ~

我依家手機 Ringtone 係 Minions 呢 Part 嘅 Sound Track   所以里奧大人一打嚟   而我又知佢會望到我   我就會好似佢哋咁打橫跳住出嚟㗎   笑到佢肚痛呀   佢話無諗過我會夠膽做   咁我又大份   再做埋呢個打橫跳住嘅動作   都咪話唔得人驚   哈哈

買完就走 lu   再去埋 AEON 超市同 Ikea 就走喇 ~

好攰呀   所以坐 Shuttle Bus 番九龍灣   之後再行陣德福就番屋企 lu ~

番到屋企都 4 點半   里奧大人即入房瞓   我就唔喇   真係唔慣未沖涼瞓上床   不過我其實都好攰下   好似 5 點 15 分開始瞓   瞓咗半個鐘   之後都 OK 精神   哈哈 ~

之後家姐打嚟話拎嘢   咁就好啦   佢有 2 大袋 + 1 個麵包機要拎走呀   同埋我之前買咗啲餅同糖比媽咪工人   佢哋聽日見面就可以比佢   我唔駛成日心掛掛呢 ~

約佢喺停車場交收   之後佢都番屋企 lu ~

同里奧大人去食海南雞飯   等咗 15 分鐘先有位呢 ~

食完已經 7 點幾   咁行多陣就番屋企喇 ~

執埋書房就沖涼   里奧大人就去徑步 ~

等埋佢沖涼就一齊食龍眼同睇歡樂頌   睇到 11 點幾都瞓 lu ~