吉野家 @ 九龍灣 ( 8-AUG-2016 )

( 8-AUG-2016  MON )

感恩一覺瞓天光呀   但都有啲眼瞓喎   真係要校番 11 點好瞓   晚晚瞓少半個鐘   真係有排補番咯 ~

唔餓   但真係唔想食三文治   所以食豬扒包喇 ~

菇場忙呀   忙到差唔多 12 點先搞掂 ~

Lunch Time 出去行陣   焗鬼到呢   行咗 15 分鐘都買芝士沙律包同菠蘿叉燒包番菇場食喇   好熱呢 ~

買完又唔想食   最後留番個叉燒包聽日食啦 ~

又 Hea 等放工   咁里奧大人 3 點去太子見客   再買埋 3 碗芝麻糊留屋企   其實好奇怪囉   應該一係買 2 碗一係買 4 碗嘛   唔通佢諗住番到屋企即食一碗 ?!

4 點幾好鬼餓   但唔食包喇   寧願今晚早啲食   拿拿聲食幾十粒紅莓乾頂肚   再飲啖水   都應該頂到 6 點嘅 ~

里奧大人話要瞓半個鐘   出咗成身汗喎   所以好鬼眼瞓   咁我叫佢瞓醒先 Call 我啦   咁啱我落車   佢就打比我   我話想打邊爐   所以去吉野家 ~

去到未夠 6 點   睇住人食嘢真係慘   因為我餓到顛喇 ~

里奧大人食飯   我都要食佢幾啖飯先囉   之後佢咪話囉   又話餓   但叫打邊爐又要等   哈哈   比佢咁講   仲覺得更加餓 ~   

食到半路   佢出去聽電話   之後喺 Fairy Kiss 買杯雪糕   話 $6 好平呀   我問點解咁平 ?!   佢話好似喺吉野家食嘢就可以呢個價錢 ~

食完番屋企喇   我熨埋 2 機衫先沖涼   里奧大人就食碗芝麻糊   駛唔駛食咁多嘢呀   好恐怖囉 ~

8 點幾佢去徑步   我就唔去喇   食下零食   里奧大人啲同事配給比佢㗎   佢就一定留番比我食   咁我一睇到黃心梅   問佢同事係咪去台灣 ?!   佢問我點解知   我話啲糖係台灣出家嘛   之後佢好串話食嘢呃唔到我喎   邊粒係旗鑑店買   邊粒係幫導遊買都知喎   講成分鐘先捨得出門口   哈哈 ~

今晚一齊睇 "歡樂頌"   想快啲睇哂呀   之後再睇多次 "榔琊榜" 呢 ~

無啦啦勁眼瞓   所以 11 點唔夠即自己入房瞓喇   好難得咁鬼眼瞓嘛   哈哈 ~