2017年10月14日星期六

魚肉春卷 + 菜肉雲吞米粉 ( 14-OCT-2017 )




( 14-OCT-2017  SAT )

感恩一覺瞓天光呀   所以 9 點左右自然醒咗都唔瞓 lu   梳洗之後就去食早餐喇 ~



沖埋涼就即去旺角 LG 維修中心   我明明記得點行   比里奧大人講多兩講   搞到我都好似真係行錯咁   之後佢仲話信我一成   但其實我真係無行錯囉   所以我話佢呢啲簡直係妖言惑眾呀 ~

11 點 20 分去到   差唔多 12 點就搞掂   叫好快好快㗎喇 ~

今次覺得 LG 售後服務係極之差   啲職員會引導你去答問題   即係搵其他問題去証明唔係部手機本身問題   超賤格呀   係咁問里奧大人有無叉電過夜 ?!   有無一路叉電一路玩手機 ?!   講到係用家問題咁   但佢搵錯人啦   呢兩樣嘢里奧大人都一定唔會做囉   我次次叉電打機   都會比佢鬧爆㗎 ~

之後職員拎部機比師傅睇   居然問里奧大人部手機有無浸過水 ?!   真係不知所謂   好似係都要屈人自己整壞部機咁   最後話係底板燒咗   鬼唔知阿媽係女人咩   完全浪費時間 ~

今次仲衰   之前喺銀城拎機家嘛   依家話要黎番呢度拎   咁就煩啦   呢度啲 Counter 開得好少咋   人又多喎   唉 ~

咁我聽到另一個女人整電話嘅時候又係好勞氣   個職員係咁話係對方叉電有問題   個女人就話用原裝叉電線   同埋其他 2 部手機都係 LG   仍都係咁樣叉電   點解今次會咁   佢應該都係燒咗底板   因為佢聽到職員話要原裝設定就好大反應呢 ~

搞掂哂就去 Innisfree 去買 Mask   再去花園街行下   買咗件厚身嘅風褸比家姐   只係一百蚊咋   啲料好正㗎   我之前都買咗件呢   嗰時話清貨   清到依家   講緊係起碼 2 年呀   哈哈 ~

買埋紅豆燒餅就去南記   原來都已經 2 點 lu ~   


依家已經要 $5/件喇   好記得初初食只係 $2   講緊幾年前咋   真係通貨膨脹得勁犀利咯 



我今次唔食春卷喇   因為呢度嘅辣豬肉份量都好多呢   



食完又行陣旺中   里奧大人買咗件迷彩風褸 ($299)   再半價 ($200) 買咗件長袖 Casual 裇衫   因為有迷彩 Pattern 呀   所以叫佢買埋啦   同埋質料都厚身   唔錯唔錯   呢間嘅 Sales 非常之好禮貌   所以買得好開心 ~

買埋杯嘢飲就搭小巴番屋企喇   番到屋企都 4 點半   今日好開心呀   可能太耐無行街   感覺好 Relax 咁 ~

食咗咁多嘢   係時間要郁下   咁熨 3 機衫啦   但好似熨極都唔完咁嘅   同埋我條腰又開始痛痛哋   所以叫里奧大人幫手熨呀   咁我抖多陣   7 點半開餐 ~

是日懶餐 - 魚肉春卷 + 菜肉雲吞米粉

魚肉春卷 + 菜肉雲吞米粉 - 6 條春卷 + 12 隻菜肉雲吞 + 1 個冬蔭功米粉 Share 食   真係超級飽呀   但菜肉雲吞唔好食囉 ~

食完抖陣就去徑步   不過只係徑咗 20 分鐘左右咋   今日行咗好多路   唔想徑咁耐   哈哈 ~

沖涼之後就開機洗衫   睇多陣電視   11 點幾都瞓 lu   唉   聽朝掛 8 號風球   又係星期日先來打風 ~


$240 (30 塊送 20 塊)   30 塊係自己揀味道   20 塊係指定送嘅味道  



Green Tea 同 Aleo (20塊) 係指定送嘅味道   話最暢銷嘅味道喎 



買滿 $300 做會員   里奧大人話買多 $60 啦   



4 則留言: