2017年10月7日星期六

辣雞煲 @ 阿 MI 屋企 ( 7-OCT-2017 )

辣雞煲 - 今次要中辣   超級好味道呀   阿 mi 記得要分開配料   咁樣真係好味好多呢   諗起都想食 ~~~~~~



墨魚滑



水餃 / 蝦腐皮卷 - 呢兩樣嘢一定有   因為阿喂同阿 mi 記得里奧大人鍾意食呢   33



我同里奧大人輪住斟酒嘛   衰喂丫   話喝死啦   乜妳個啤酒妹斟咁耐架 ?!   嘩哈哈哈哈哈



( 7-OCT-2017  SAT )

感恩一覺瞓天光呀   其實 9 點醒咗   但起身果下暈暈地咁   所以再瞓番   瞓到 10 點就真係精神喇 ~~~~

咁我有 d 餓   所以沖埋涼就去食早餐   同里奧大人 share 一份早餐就啱啱好   叫嘢飲嘅時候   里奧大人話要凍咖啡   我好奇怪佢好少飲凍咖啡   原來佢記得我話想飲凍咖啡   感動感動 ~

好黃色嘅炒蛋   我覺得好吸引架





諗住出門口   點知廚房 d 磚甩咗   所以要痴番好去   搞咗成大半個鐘   搞掂哂即出門口   差唔多 12 點半先到荃灣呀 ~

講好去食酸辣米線呢    但我地唔識路    因為里奧大人無睇阿 mi 教佢行嘅位置囉   最後都係由阿喂帶路   哈哈 ~

我嘅豬潤+蘿蔔酸辣米線 (中小辣) - 好在跟阿 mi 叫多青少米線咋   不過份量都好多   同埋好多豬潤呀   夠哂補血喇   哈哈



里奧大人嘅豬腩肉+生菜酸辣米線 (中小辣) - 都唔記得豬腩肉係咩味道添   



阿 mi 嘅午餐肉+芽菜酸辣米線 (中小辣多酸) - 我同 mi 講   點解妳多青會有咁多芽菜嘅 ?!   佢話係叫咗 1 份芽菜呀   唔怪得咁多啦   哈哈



阿喂嘅午餐肉+豬扒酸辣米線 - 兩樣都煎得好靚呀    下次我會叫呢兩樣   呵呵   



今日一定要請食 Lunch   因為阿喂餐生日飯都未請   今次 cheap cheap 地就由我請啦   哈   但好似係里奧大人比咗 ~~~~

阿 mi 搞笑   話佢又漁人得利   我話實會請埋妳啦   之後佢好平靜咁話: 唔係架   上次有人話唔請架 !!   嘩哈哈   衰   我先記得上次佢好開心話佢都有份   我即刻話: 無妳份   之後佢話: 咁呀   叫阿喂請   哈哈 ~~~~ 

食完就一路行一路睇嘢啦   首先行去一田   因為里奧大人想買個環保袋   不過無囉   之後阿 mi 又同我講靈異洋娃娃嘅節目   仲話一陣開比我睇   想嚇死我咩 @@

阿喂哥係咁嗌口渴   所以去 Aeon Lounge 抖下   又傾下   今日我地把口真係無停過 ~

無啦啦講起象拔蚌刺身   我勁想食囉   但出面食就驚 d   咁阿 mi 整就放心好多啦   所以阿 mi 話整比我食   之後里奧大人又話我麻麻煩煩   咁又係幾煩嘅   哈哈 ~~~~~~~~

之後去街市買象拔蚪   不過阿 mi 話得番 2 條   所以唔買   留番下次先食   又要阿 mi 記住了   33 ~~

差唔多 3 點幾再去拎雞煲   我問阿喂駛唔駛幫手拎   佢諗都唔駛諗話好呀   之後我話佢對阿表唔係咁嘅   點解對我咁 ?!   佢話我扮得太假喇   嘩哈哈哈哈 ~   

行多陣   到我好想飲珍珠奶茶喇   所以就去 Come Buy 買嘢飲   再去埋 Aeon 買生果就番屋企喇 ~

阿 mi 話我同佢行得好快喎   兩個男人居然喺我地後面   之後我問番里奧大人做咩行咁慢   佢話慢慢行傾下計好舒服喎   阿 mi 話我行咁快都無喘氣呀   佢唔講真係唔覺   但我話上樓梯同上斜仍然會喘囉 ~ 

今日食完又行   行完又抖   抖完再行   雖然有 d 熱   但咁樣行程又好 ok 喎   起碼食完要郁下丫嘛   係阿喂辛苦 d   要拎住碗雞煲   阿 mi 就拎其他餸   里奧大人就拎唔知咩   我就兩手 fing fing   所以比阿喂話我成日扮嘢都係啱嘅   哈哈 ~

阿喂去買啤酒   所以我地番屋企先 ~

阿 mi 就即刻處理煲雞煲同火鍋料   里奧大人就拎定 Laptop 出黎睇有咩網劇   阿喂番到黎   又即 dl 聽歌 apps   個個忙到爆   哈哈 ~

我最鍾意睇阿 mi 個零食兜   次次都唔同架   不過大部份都係餅乾   所以佢次次都會比 d 我試下架   名副其實有食有拎 ~~~~ 

今晚嘅晚餐好簡單呀   因為我覺得自己無咩點企喺廚房   同埋阿 mi 做嘢好快手快腳   一拎一放就搞掂   話時話   我真係完全無咩印象有幫到手添啊 @@

差唔多 7 點食嘢喇   雖然中午食完米線   又飲埋杯珍珠奶茶   但都有 d 餓呀    正   今日由朝食到晚嘅嘢    我都好鍾意呢   開心開心 ~

食下傾下又睇下電視   d 時間過得超級快 ~

咁阿 mi 飲咗啖啤酒之後話無咁頭痛   嘩   嚇呀   原來佢今日一路頭痛架 ?!   又唔同我地講喎   今日我地仲周圍行添   仲要整埋晚餐   今勻真係唔好意思咯   sorry ~~~~~~~~

差唔多 9 點就食生果   最鍾意跟阿 mi 買生果   佢教我點揀係最好   如果住佢附近就好啦   可以一齊去買   有好嘢又可以即時同佢分享   一齊食真係開心好多呢 ~       

韓國網紋蜜瓜 + 韓國梨 - 蜜瓜好甜呀   

 
食完生果   大半個鐘之後又話食大菜糕   所以次次喺阿 mi 屋企食嘢   真係飽到上頭穀頂   好在我地會 say no   唔係真係仲有排食   哈哈 ~

大菜糕 - 今次無咁甜呀   但今次好飽呢   食得唔多   嘩哈哈哈哈  



今日係咁食食食   傾傾傾   好盡慶呀   勁開心   里奧大人話唔係睇到播晚間新聞   都唔知原來已經 11 點半咁夜   哈哈 ~

咁打的番屋企 lu   差唔多 12 點 20 分番到屋企   沖埋涼又抖多陣   都差唔多 2 點先瞓呢 ~

4 則留言:

  1. 一大笠..我又黎啦! 食ing lunch啦你..慢慢食呀吓
    wow! 一個星期頭尾見左2日啦..哈哈! 其實2次都好hea
    依日仲唔駛特別預備~食完街完街先再去拎外賣..好輕鬆咁
    同埋最鐘意隨意時間,又唔駛攪到大家好趕好緊張咁囉

    估唔到你咁早餓~以前阿喂又係咁架..起身要即食野
    依家跟左我習慣,可以hea到好晏先叫食野都唔錯
    依日開心又hea啦~食完行街又好消化咁~個雞煲正呀
    米線又正~依家睇相都想食囉..衰
    hey..小奧一向都好細心架啦~阿喂有佢咁細心就好啦
    衰喂係咁衰架~對你同對我依家一樣..不過對你已經叫好好啦(哈哈)
    對我仲衰添架~你都知佢平時有幾衰幾咁like蝦老婆啦

    回覆刪除
    回覆
    1. 早啦 一隻手指摔笠妳丫嗱 哈哈 好肉緊呀我~~~~
      係啦 話咁快又見面 但其實真係兩次都好hea
      始終依家小奧好忙 想比佢瞓晏d呢~
      呢日唔駛預備晚餐 真係多時間用好多架
      其實我地呢日食完行..行完買 真係每一個地方都有d嘢做咁
      hea得黎又充實咁架喎 但又唔話好攰喎 唔錯唔錯~
      我係怕妳地早起肚餓咋 所以點都會有d緊張呢 嘩哈哈哈哈~

      咁呢日朝早有d餓 同埋我想要去廁所呀 所以要食嘢呢~
      我都記得妳話阿喂餓到會發脾氣 好搞笑啦 細路仔咁~
      Yeah 呢日堅開心又hea 好有旅行feel咁呀~~~~
      米線同雞煲真係正 妳就好啦 想幾時食都得 仲話我衰 嗚嗚~~~~
      阿喂其實係咪搞錯咗d嘢呀?! 居然當我係兄弟 當小奧係姐妹 哈哈~
      衰喂真係成日蝦妳架 但聽佢咁對妳 又覺得好搞笑
      妳寵得佢太犀利了 佢已經習慣咗
      不過佢都會主動拎嘢買嘢 都好好丫 4個當中係我最懶 哈哈~
      係咁..拜拜妳條海參尾~~~~~~~~

      刪除
  2. Wow...幸福聚餐。mi神厨房住家饭万岁����

    回覆刪除
    回覆
    1. 哈哈 真的好幸福呢 去mi屋企永遠捧住個肚走架~~~~

      刪除