蠔油燜冬菇節瓜雞翼 + 蒜蓉金菇 ( 19-OCT-2017 )

食剩 3 隻雞翼   咁唯有帶 Lunch Box 啦 





( 19-OCT-2017  THU )

咁我開冷氣瞓嘛   臨瞓之前放個暖包入被竇   但熱得滯   碌咗成 15 分鐘先瞓到呀   感恩一連瞓到 7 個鐘   最衰要去廁所啦   唔係瞓到鬧鐘響就好 lu ~

今朝起身即去浸咗幾隻冬菇   好在記得咋   咁今晚唔駛燜咁耐呢   呵呵 ~

一開電話   見到里奧大人話 12 點幾先開完會   感恩係大家都解決咗個問題   但開到咁夜   真係令到我好心痛啦 ~

早餐食飽啲   因為 Lunch 食健康餐 ~



菇場勁勁勁忙呀   真係做到眼殘 ~

之前做長命 Report 做得太急   又做錯咗喇   將 $35 打成 $350   但我再 Check 嘅時候   居然剔喎   我都頂自己唔順呀 ~

Lunch Time 食健康餐   今次又食番 Special K    因為無咁甜   但好快腍囉   其實 Nissan 好味啲   口感好似食緊米通咁   但就覺得比較甜同熱氣囉 ~ 



仍然忙爆   所以時間過得好快好快 ~

放工即走   今晚里奧大人番香港   所以我要早啲預備晚餐呢 ~

6 點 45 分去徑步   雖然好攰   但堅持徑半個鐘   同埋依家天氣好清涼   所以徑步都好開心呢 ~

里奧大人 7 點幾到落馬洲   話食埋嘢番來   我話我煮咗飯喎    原來佢無睇 Wechat   好在我講咋   唔係佢真係食埋嘢番嚟呢 ~

依家上大陸真係麻鬼煩   收唔到 Whatsapp 同 Line   但因為里奧大人同同事主要用 Wechat   咁我就唔想同佢 Wechat 囉   一陣佢 Send 錯嘢比同事就麻煩 ~

抖多陣就預備晚餐   等埋里奧大人番來就淥個福麵比佢食   依家啲福麵真係唔好食嘅   成日有陣 "益" 味咁 ~

是日懶餐 - 蠔油燜冬菇節瓜雞翼 + 蒜蓉金菇 

蠔油燜冬菇節瓜雞翼 - 之前買咗 2 個節瓜   點都要煮啦   本來諗住清蒸算㗎喇   但突然比我醒起可以煮呢個餸   所以即整喇   呵呵 ~

蒜蓉金菇 - 之前買咗 4 包   今晚食 2 包   下星期再清埋佢 ~

洗埋碗就沖涼   之後開機洗衫   里奧大人 10 點都瞓喇   佢真係好攰呢 ~

唉   無啦啦搞肚痛呀   去咗 3 次廁所   差啲虛脫咁滯   個肚成日扯住扯住   所以我本來 10 點半已經想瞓   但都等到 11 點幾先瞓囉   起碼無扯住先敢瞓呀 ~