2017年10月3日星期二

雜丸出前一丁 + 菜心苗 ( 3-OCT-2017 )






( 3-OCT-2017  TUE )

前排無咩點煮飯   又加上有假期   感覺好似放咗好耐假咁   開心開心 ~

呢排真係瞓得唔太好   點解呢 ?!   諗住徑步會瞓得更好   點知唔係嘅 ~~~~~~

尋晚諗定今朝一定要食芝腿治呀   因為呢幾朝都食麵餐   想食番 d 三文治呀   哈 ~



菇場超級超級勁忙   不過我都預咗 ~

Lunch 出去超市買嘢   之後買燒賣粉果番菇場食   因為我叫人留粉果比我   費事 2 隻咁少啦   所以要 3 隻   但食埋今次   我決定要停一停   大嫂呀大嫂   我食到好驚呀   加埋燒賣   真係好鬼滯囉 ~



仍然忙爆   不過都係做唔哂   留番聽日做啦 ~

放工即走   今晚搭遲一班車呀   遲咗好多先番到屋企   咁 6 點鬆 d   里奧大人打黎話放工   所以都即刻浸菜   解凍 d 丸呀 ~

里奧大人 6 點 40 分番到屋企   淥埋個丁就可以開餐 lu   今晚 share 一個丁算喇   咁就可以食哂 d 菜呢 ~

是日懶餐 - 雜丸出前一丁 + 菜心苗  

雜丸出前一丁 - 里奧大人見到碗嘢   就問 d 麵呢 ?!   我話比 d 丸遮住咗啫 ~

菜心苗 - 我整咗一大碗蔥   之前買魚送架   咁唔好嘥嘛   里奧大人見到碗蔥   就話妳一定好鍾意食蔥喇   哈哈   但我不嬲都係好鍾意食蔥架噃   唔係依家先發現呀嘛 ?!   如果我咁話佢   佢一定會話: 因此妳實在太多鍾意食嘅嘢   所以記唔到咁多 @@

洗埋碗就開機洗衫   之後我自己去徑步   又係徑半個鐘   無計啦   放工煮飯洗埋碗   其實都有 d 攰   但我唔會再比自己有藉口唔徑步囉   出一身汗真係好舒服架 ~~~~

沖埋涼就休息   里奧大人 9 點半都瞓喇   我就 11 點幾先瞓 ~~~~

沒有留言:

發佈留言