2017年10月31日星期二

元氣壽司 @ APM ( 31-OCT-2017 )

有 2 層嘅高速列車車軌   最多運送 4 碟   一次送哂來就要快快手拎啦   最慘張枱又細   咁我地又同時 order 8 碟壽司   放低碟壽司無耐又要再拎另一碟   感覺好急趕   因為 d 壽司一到就會"必必"聲響   咁隔離左右都有人落 order 家嘛   幾乎全程係咁 "必必"   我覺得好煩囉 ~          



炸蝦天婦羅壽司 X 2 - 乾到呢     



醋鯖魚壽司 - 好味呀   




芥辣八爪魚軍艦 - 我好鍾意食架  

 
飛魚子軍艦 - 呢碟都鍾意食   




海鹽赤海蝦壽司 - 呢期好想食蝦   




炸蝦卷 - 里奧大人食嘅 



牛油果軟殼蟹卷 - 都係里奧大人食嘅   佢話唔食生冷嘢喎  



"必必" 



炙燒黑椒蠔壽司 X 4 



迷你泡芙 - 凍食來架   都幾好味   因為唔甜



( 31-OCT-2017  TUE )

尋晚無開冷氣瞓   就咁開風扇   估唔到又 ok 喎   無熱醒 ~

早餐食芝腿治   其實依家唔想食咁多醃制嘢   但又唔想食咁多蛋喎 ~~~~



菇場忙到爆肺   真係做到手震震   好鬼攰呀   哈哈 ~

Lunch time 出去食水餃米   我真係好鍾意食架    因為我鍾意食木耳絲   但又唔鍾意食一隻隻嘅木耳   好怪呀呢   等如我唔鍾意食肉絲雞絲   但豬扒雞扒又 ok 喎 ~~~~



菇場仍然忙   不過今日應該會做哂 d 嘢架喇   正 ~

要幫糟糟睇相機   所以放工去 APM   無啦啦好想食炒栗子   所以去買黎食   依家 $40/磅都好貴咯   所以我買半磅   過下口癮就算了   同埋真係粒粒都熱辣辣   咁我又凍喎   即刻食咗 8 粒   當堂成身暖哂呀   正   食剩半包留番聽晚   始終栗子好鬼飽肚   唔可以一下子食咁多呢 ~

咁里奧大人 6 點 15 分放工   我地食完先睇 lu   今晚一定要去食壽司呀   因為勁想食好耐   所以揀咗元氣喇 ~   

我話買咗炒栗子   里奧大人問我喺邊度買 ?!   我話喺佐敦果邊   佢碌大對眼話去到佐敦買 ?!?!?!   我話係去坐佐敦小巴果度買呀   嘩哈哈哈   諗住佢會記得果邊有栗子買嘛   想慳番幾隻字都唔得添 ~~~~

食完就去睇相機   試玩咗一陣   再同糟糟傾咗陣就番屋企喇 ~ 

番到屋企抖到 8 點就出去徑步   我話最少要徑半個鐘   因為今晚我食咗栗子同飯   里奧大人好疑惑咁問點解食栗子就要徑步 ?!   我話食栗子好肥咁嘛   所以咪要徑囉   佢成日覺得我 d logic 好怪   不過我自己都覺   哈哈 ~

呢個天氣做運動真係好舒服   不過就無汗出   始終我唔係跑步   但我最主要係比自己郁下   因為我實在太懶   所以依家難得自己肯徑步   希望會堅持落去呢 ~

徑完半個鐘就番屋企喇   沖埋涼就休息 ~

里奧大人諗住聽日上大陸   同同事交接同  say bye   點知阿水又串串共   有嘢唔做係咁點里奧大人做   真係彩佢都傻   同埋里奧大人都走啦   仲有咩理由叫里奧大人跟新嘢呀   真係好有問題 ~~~~~~~~

今晚勁喇   10 點瞓覺喇   woo ~~~~~~      

沒有留言:

發佈留言