焗海鮮卷 ( 14-NOV-2020 )

( 14-NOV-2020  SAT )

今朝我沖完涼出嚟   里奧大人話陪我食早餐   我叫佢瞓陣   之後當我想出門口嘅時候   佢直頭起身話陪我食早餐   仲即刻去買早餐   真搞笑 ~

一路食一路傾   差唔多 8 點 45 分先出門口番工 ~

諗住菇場唔忙   但突然間又忙咗個幾鐘   好在 12 點就搞掂 ~

準時放工   今日搭小巴   感恩好快有車 ~

同家姐 姐夫食下午茶   食完再去廣良興買嘢   之後都番屋企喇 ~

爽口魚片麻酸辣湯米線 ($33) - 同家姐 Share 食   食完有麻辣嘅感覺呀   唔錯唔錯   哈哈

皇牌公司三文治 ($45) - 好味呀   我同家姐每人 1 件   食完當堂飽哂

今日好攰咁   所以只係同 Berry 玩   其實佢都唔係點理我   哈哈 ~

叫佢 Hand Hand   佢隻手好敷衍咁擺上嚟

其實 Hand Hand 就係家姐拎住佢隻手   哈哈哈哈

無我哋咁好氣

又望下妳

比佢又唔食   個樣仲串串共

拎比佢聞下

仍然唔多想食咁嘅   但家姐話佢好鍾意食㗎喎

我哋入咗房   佢先食呀   家姐話呢包牛仔骨要 $72   仲要得幾件咋

Berry 真係由細到大都只係咬家姐對拖鞋   真係企喺度着住都照扯出來   點解有咁嘅行為㗎 ?!

有次我摸佢   唔小心摸到佢條尾   之後即轉身大聲吠我同埋想咬我   真係比佢嚇到命都無 ~

咁樣影到好大隻咁

眼瞓又唔瞓   就會變咗慘慘眼

影完呢張相   佢即刻瞓哂落梳化

其實縮埋一嚿   就代表眼瞓㗎喇   但心野   點都唔會瞓

今日唔駛執嘢   可以好多時間同家姐傾偈   但家姐成日叫我陪 Berry 玩   其實唔係我唔想同佢玩   係佢唔同我理咋   姐姐 ~

唉   姐夫又做埋啲白痴嘢   仲要同我講   之後家姐都一齊話佢   咁大個人真係白痴兼無腦   好在糟糟都係同我哋同一陣線   佢成日仲激氣過我同家姐添呀   哈哈 ~

差唔多 7 點就走喇   我成日話如果 Berry 聽話坐定定就好啦   可以一齊送我番屋企   真係好掛住佢細細隻嘅時候   起碼正正常常   哈哈 ~

番到屋企就大清潔廁所   之後沖涼 ~

8 點幾放工   我都開始預備晚餐 ~

是日懶餐 - 焗海鮮卷

焗海鮮卷 - 唔係執冰格   真係完全唔記得仲有海鮮卷   但屋企一定要有呢啲儲備   因為星期六真係好懶煮   咁唔叫外賣   就咁開焗爐就搞掂   最緊要唔駛大清潔廚師呢 ~

今晚煮個泰米比里奧大人   我就食海鮮卷就夠   可能頭先食咗幾粒齋燒鵝好滯呀 ~      

食完就即洗碗   之後休息喇 ~      

今晚 11 點唔夠都瞓   聽朝要好早起身呢 ~