長洲遊 + 上海姥姥 @ 尖沙咀 ( 21-OCT-2020 )

姥姥家鄉粗炒 ($74) - 份量好多

   

酸辣湯雲吞6件 ($56) - 酸辣湯都夠酸辣   同埋最緊要熱

雲吞都 OK

招牌小籠包4件 ($40) - 一般啦   唔係太多肉汁

諗住影肉汁   但其實個小籠包係跌緊落嚟   哈哈

( 21-OCT-2020  WED )

今朝 10 點起身   梳洗之後就食早餐 ~

里奧大人要清假期   咁我都陪佢清啦   所以加埋紅假就連放 6 日   我同里奧大人話唔好瞓咁晏   驚放完假第 1 日要 7 點半起身好辛苦   但佢話瞓到就瞓   話就係要瞓番咁嘅時間先有精神 ~

食完抖陣   差唔多 12 點出發去尖沙咀碼頭 ~

搭天星小輪過中環

呢個時候應該無咩人

依家好似 $2.7/程

入到去都無人喎

包船

坐有冷氣嘅位置   因為里奧大人知我怕熱   哈哈

坐天星小輪再搭快船去長洲   交通費平過搭兩轉過海巴士   同埋時間又快一陪 ~

從未去過呢邊   依家用遊客心態影相留念都唔錯   哈哈哈哈

始終係平日   應該唔會多人

隻窗乾淨啲就好   哈哈

見到南丫島

職員提醒市民戴口罩

好平靜咁

去到已經 2 點 10 分   咁即搵食喇 ~

到碼頭了

睇緊小長城係邊個方向

近碼頭呢邊方向就比較多人行   因為多食店選擇 

迷利嘅石油氣車

行另一邊方向   就係主要食海鮮 

天氣好好   感恩感恩

差唔多 2 點半食下午茶喇   我哋 Order 完之後有 2 個客人入嚟   聽到職員話 3 點落場   我睇隻錶原來已經 2 點 40 分   好在我哋嚟得早咋 ~

我始終都係要去有冷氣嘅地方食嘢

好泰 Feel

咁樣最安全

蝦膏肉鬆炒飯 ($52)

炒飯好味道呀

泰式炒金邊粉 ($52) - 呢個唔好味道

青檸梳打 / 椰汁冰

@ 清遘海鮮燒烤餐廳  

3 點 10 分由食店開始行去小長城   其實係超級易行   只係行行下有啲熱 ~

有啲海鮮酒樓都無開

呢棟住宅好有特色 

東堤小築   次次聽到呢個名   都係有事發生

有人氣好啲   哈哈

經過海灘一定要停一停   望住個海真係好舒服

行人止步   其實我好怕聽到浪聲   唔知點解

無人游水   因為無救生員服務

我哋周圍望都見唔到個亭   之後再望到好遠先見到呀 

去小長城方向

有人玩撐艇

我問里奧大人做咩佢行落水 ?!   里奧大人話要推隻艇出海   我真係完全無呢啲概念㗎   哈哈

都好用力

比我撐   我覺得會反艇

我覺得睇開心過玩   哈哈

曬住個頭頂   呢個休息位置嘅設計都幾特別 

華威酒店 

淍零嘅感覺

準備行入去小長城

滑浪都要保持 1.5 m 社交距離

好尖嘅石頭 

呢啲路真係好好行 

@ 觀音灣變電站

方向呢樣嘢   真係要靠里奧大人喇 

比我真係分分鐘直行   哈哈哈哈

有個廟 

正式行小長城喇

應該好快就行完

熱

行呢啲路真係絕對無問題   哈哈

 

舒服

唔知係咩品種嘅花

又望下海

繼續行

企呢個位置好舒服

行樓梯落去

好多時里奧大人行到咁上下   就會叫我停一停   就算行平路都係   佢驚我會好辛苦   所以同佢行家樂徑都要比其他人耐   哈哈哈哈

玉璽石就係到小長城嘅盡頭   我同另外個女人一齊講話好快行完

望下左手邊巨石 

花瓶石   但我覺得好似隻羊

行上去係花坪路   但好似有排行咁   所以我話唔好行喇   等下次早啲嚟先再行

咁行番出去 lu 

 @ 觀景亭

都開始暗了

又見到呢啲花

呢個牌無處不在   哈哈 

慢慢行又影下相   4 點 45 分左右到沙灘   里奧大人話要食紅豆餅   食完就去買雞屎滕 ~

我坐喺度抖下   因為好大風好涼呀

又番嚟喇

大船拖細船

唔知佢哋做緊咩呢 ?!

佢好大力將支杆插落海

我唔記得呢幾塊係咩   里奧大人話啲人要回氣就會坐上去抖下   最搞笑係問我游唔游到過去 ?!   我話我都唔識游水   如果有水泡都可以啩

我覺得父女場面係溫馨過母子場面   哈哈

美少女個動作搞笑   成隻青蛙咁

@ 故鄉茶寮

新鮮熱辣嘅紅豆餅

好似酒店有好多鐘   顯示唔同國家嘅時間

隔離店有雞樹藤   所以即買

齊齊飲勝

情人鎖

估唔到無開

芒果沙冰 ($20) - 好飲喎  個芒果味唔假   哈哈

周圍行下又 5 點幾   諗住食埋晚餐先走   但海鮮又唔太啱   無理由又泰菜嘛   所以都係出番去尖沙咀先食晚餐   哈哈 ~

龍珠

老人與海

我影相嘅時候   無啦啦有個人喺我面前行過   有啲比佢嚇親   咁里奧大人都影緊相   但我無話佢知有人行緊嚟   之後佢見個女人喺佢面前出現   個人呆咗   笑死我   不過其實都知佢喺上船㗎喇  

新興海傍街

 

今日我睇啲人影相   有個中年女人話要縮肚先影得   有個少女就話要影瘦啲   我就叫里奧大人唔好影到咁肥   原來咩年紀嘅女人都係有咁嘅要求   哈哈哈哈 ~

影埋日落又行下   咁我坐碼頭食雞屎滕   里奧大人好認真話係雞樹滕   以為佢整鬼我   點知睇相真係雞樹滕   佢問我有咩分別 ?!   我話應該無分別啦   可能覺得個屎字好核突啩 ~

最鍾意睇鹹蛋黃

雞屎滕咁似海上面塊浮板嘅   哈哈哈哈   里奧大人好緊張咁問好唔好食 ?!   我話夠哂煙韌但無咩味道   唔係諗住我會話好有雞屎味呀嘛   哈哈哈哈

見到月亮 

係時候走人喇  

我哋坐 6 點 20 分船   去中環碼頭再坐天星小輛去尖沙咀碼頭   勁快呀 ~

一到中環碼頭就最開心   哈哈

7 點 20 分上船去尖沙咀碼頭   7 點半都到 lu   咁我話去上海姥姥食晚餐   因為夠近   哈哈 ~

落船再上船   話咁快就到尖沙咀

8 點幾食完飯就走人喇   番到屋企沖埋涼就開機洗衫   沖埋涼就要休息 ~

估唔到膝頭哥痛呀   真係無鬼用   行平路咋   哈哈 ~

睇埋新聞   11 點幾都瞓 lu ~