住家飯 @ 媽咪屋企 ( 12-NOV-2013 ) + ( 13-NOV-2013 & 14-NOV-2013 )

蒸龍躉仔

白切雞半隻 ( 外賣 )

西蘭花

西生菜

合桃茨實蓮子山斑魚湯

( 12-NOV-2013  TUE )


里奧大人一上大陸就會早過我出門口   咁我臨走嘅時候就會 double check 幾次熄咗冷氣未   熄咗爐未   關好水喉未   關好雪柜門未   鎖好門未咁   精神有 d 緊張呢 ~


早餐食奶油多   其實今朝餓架   不過 lunch 要食好多嘢   所以唔食咁飽 ~   


番到菇場又忙啦   忙到 11 點幾   咁 receptionist 又請咗假   所以我又要行出行入   所以更加覺得多嘢做   好在佢聽日番   唔駛我做多樣嘢嘛 ~


今日食 lunch box 嘅餸同埋叮個超力米粉   下次都係咪搞   又要分開叮   又要洗兩個盒   好辛苦 ~


晏晝可以 hea 過   無無聊聊又諗起家姐   呢個星期佢開始放大假   咁我 whatsapp 佢喺邊啦   原來佢去咗惠州浸溫泉   仲話我知添   我只係知佢會去惠州   但唔知邊日   之後用 Viber 打比我   傾咗陣   又話買甜梅菜比我   咁我實要架   因為我鍾意食甜梅菜呢 ~


放工即走   又落毛毛雨   所以覺得份外凍咁呀   之後越落越大   真係唔開遮唔得   最慘係超勁大風   幾驚把遮會反呀 ~


今晚唔駛等家姐先開飯   咁 6 點半可以食 lu   想早 d 食早 d 番屋企休息 ~



買比媽咪嘅帽

買比家姐嘅 mouse pad

食完又抖啦   次次喺媽咪屋企   食完飯就勁想瞓   喺自己屋企就唔會啦   食完飯仲要洗碗   嗚嗚 ~


媽咪依家跟足哂營養師吩咐   真係食咩嘢都要用水浸下   可以講話係無油無味   咁見到佢肯戒口都好嘅   因為糖尿病最緊要戒口嘛   同埋做運動   好在佢都有做運動   瘦咗好多呀   但臉色黃哂咁呢   無油水嘅臉色真係差好遠   我同媽咪講   其實可以食下其他嘢嘅   不過就唔好一下子狂食同埋日日食咪得囉   去飲茶都可以食蝦餃燒賣牛肉   每樣食一粒都可以   人嘅身體唔可以無油同鹽份家嘛 ~


差唔多 8 點左右就走喇   今晚自己一個走好唔慣添   掛住家姐之餘又諗起朱仔   又落緊雨   個情境突然有 d 悲傷添   哈 ~    


番到屋企無耐   聽到門口有人開門聲   望下防盜眼   原來係里奧大人   佢 7 點半話喺上水家嘛   估唔到 8 點幾就番到屋企呢 ~


我又煲中藥再開機洗衫   里奧大人居然話沖涼先   佢好小會一番到屋企就沖涼   仲以為佢超多嘢做   好感恩原來佢唔駛做公司嘢   仲好 relax 咁上網睇劇添   如果晚晚係咁就好 lu ~


今晚早瞓喇   10 點 40 分就瞓 lu ~


( 13-NOV-2013  WED )


雖然一覺瞓天光   但起身都係頭暈暈   勁似每月一到咁 ~


好在都餓   因為食多定多 d 嘢打底   咁之後無胃口食嘢都唔驚啦   哈 ~

菇場忙呀   眨眼又到 lunch time   唔想叮麵   所以落樓下買雞翼丁丁番菇場食呢 ~

呵呵   終於每月一到啦   個肚都有 d 痛   但就唔係劇痛   好感恩呢   不過有 d 暈   同埋有 d 作嘔   放工即走去睇醫生   拎埋聽日假紙 ~


睇開個醫生下午唔開診   咁唯有去執死雞度睇啦   我掛咗號   5 點 45 分到啦   不過差唔多 6 點半先有得睇   佢好奇怪   個病人出咗黎之後   又唔叫人入去   但我聽到有人講緊電話   應該係醫生講電話啦 ~


執醫生問我痛嘅程度有幾多   話 0-10   之後話同上次比呢   咁我咪話你想我講依家痛嘅程度   定係同上一次比較嘅程度先    唔同架噃   佢講嘢又鬼食泥   聽到我好辛苦   佢叫我食藥   我聽到佢話叫我食嘢   我話要食咩嘢   暈 ~


又等拎藥啦   見到得 2 個人睇    但 d 人 walk-in 黎睇   話要 9 點先有得睇   奇怪 ~


我無胃口呀   拿拿聲沖個熱水涼再食藥   里奧大人差唔多 8 點番到屋企   佢食車仔麵   我都食咗幾啖   因為佢有辣汁   唔想食 d 咁刺激嘢 ~


個肚唔係劇痛   所以都睇下電視   差唔多 10 點就瞓呢 ~    



( 14-NOV-2013  THU  S/L )


個肚都係痛痛地   所以都係請假休息 ~


今次都有嘔   不過肚嘅次數同嘔嘅次數   小過上次好多   感恩感恩 ~


樓上裝修   都瞓得麻麻地   咁瞓到 11 點就熄冷氣   其實都係瞓下醒下   差唔多 3 點都係開番冷氣瞓   感覺靜 d ~


瞓到 5 點半就醒啦   但其實唔想醒   拎埋張冷氣被去梳化度   me 埋隻眼   感覺到自己想瞓   仲係比我熟睡果隻    瞓咗差唔多 40 分鐘就醒喇   果下就真係好精神喇 ~


里奧大人番到黎都 9 點   佢買熱狗餐   咁我又食 d 薯條   熱辣辣又粉糯   超級正呀 ~


今晚 11 點瞓喇   但其實未眼瞓   不過聽日要番工   點都要瞓呢 ~