大快活 @ 九龍灣 ( 16-NOV-2013 )

( 16-NOV-2013  SAT )


今朝瞓到 8 點 15 分   番到菇場附近已經 9 點   不過我都會堅持食埋早餐先番工   最多食快 d ~

菇場唔係好忙   執依樣執果樣又上下網咁   好快又放工 lu ~


仲係有 d 頭暈   所以本來今晚去大埔食飯都唔去喇   每月一到真係元氣大傷架   我想休息多 d   一來一回幾個鐘   真係好辛苦   咁里奧大人都無去呀   因為無人買嘢比我食呀 ~


勁想食譚仔   所以差唔多 2 點就去食喇 ~


依家里奧大人用緊隻 face lotion   話覺得縐紋小咗架喎   最搞笑係我一路行   佢又一路講   問我覺得唔覺得佢小咗縐紋   我好快答佢話 " 真係唔覺 " 喎   我其實雙眼係望緊有無位   佢又無啦啦問嘢   之後佢笑   我都笑   佢應該知我講咩   之後我驚佢 get 錯意思   我強調話 " 真係唔覺 " 意思係 " 真係唔覺小咗縐紋 "   唔係 " 真係唔覺有縐紋 "   哈 ~ 


食到好飽呀   勁滿足   食完個人真係無咁暈   但其實我暈又唔係因為肚餓架噃 ~

番到屋企就開機洗衫   之後 hea 過喇   里奧大人就瞓咗陣   不過我唔瞓啦   又要沖涼好煩   天氣乾燥   唔想沖咁多次涼呢 ~


勁想打邊爐   不過里奧大人生痱滋   所以我話去大快活   我有我打   佢有佢食飯 ~


飽到爆肚呀   所以行去馬莎買嘢   之後再去 Market Place 買生果   不過又無咩生果想食   之後又去買啤酒   因為又係買滿 $100 有 95 折   我以為係星期六有 95 折   但問 cashier   佢話唔定架喎   鍾意幾時 95 就 95   好有性格呀   哈 ~


番到屋企都已經 9 點   即刻沖涼喇   里奧大人又唔駛做公司嘢   所以佢又飲啤酒睇劇   話飲下邊個牌字好飲就再買   不過我話唔好預我飲呢 ~