阿明印尼餐廳 @ 深水埗 ( 9-NOV-2013 )

加多加多飯團 ( Gado-gado Lontong ) - 今次要大辣   真係幾辣   其實我鍾意食加多加多原因係好多菜呢   但之後 d 沙爹醬就開始好甜咁   有 d 反胃

次次 d 蝦片唔脆嘅 @@   白色果嚿唔知咩來  d 口感好得意   不過次次都係食唔哂 d 豆腐同白色果嚿   好脹胃咁呀

黃薑飯 ( Nasi Kinung ) - 佢地話小咗茄子   後尾用個碗仔裝番 d 茄子比我地   其實唔比都唔知   我其實只識讀 Nasi   之後教里奧大人讀   佢覺得我好勁呀   之後我求其再 up 整鬼佢   嘩哈哈

加咗茄子

巴東牛肉   我覺得唔辣

蝦醬蝦米炒通菜 ( Cah Kangkung ) - 都 ok 好味   最緊要有菜食

里奧大最鍾意飲嘅椰汁

( 9-NOV-2013  SAT )


一覺瞓到 9 點醒一醒   其實都精神   但見里奧大人唔喺身邊   咁我都懶下床   差唔多 9 點半   佢仲未入房   原來佢話個有 d 搞肚痛   所以費時入房出房   不過我都起身 lu   想早 d 去 CCBA 開戶口   咁里奧大人之後就入房再瞓 ~


初初約 11 點架   諗住自己遲起身   估唔到 9 點半都醒咗   早 d 去 d 搞掂   因為上次里奧大人喺呢間銀行搞 d 嘢   排咗 45 分鐘   因為 counter 得 1 個人   做得又慢   但果時都有成 10 個人   都唔明點解唔開多個 counter   真係完全嘥人時間企喺度等囉 ~


10 點幾搞掂喇   里奧大人都起身 lu   咁即刻沖涼換衫去 Mega Box 喇 ~


差唔多 11 點左右到 Mega Box   第一件事係去 UA 換飛睇戲呀   睇 " 雷神奇俠 2 : 黑暗世界  (Thor : The Dark World )   因為生日飛要即場買   今日唔睇   之後又唔得閒就嘥咗張飛架喇   好感恩買到嘅位置都唔差呢   雖然係細院   但時間啱嘛   最正唔駛睇 3D   我真係好驚帶副 3D 鏡   次次帶完之後   個鼻樑會好痛架 ~


又去飲茶   呢間開始飲到有 d 厭喇   飲到 1 點半就走喇   想去大眾幫家姐買 mouse pad 呀   感恩買到 ~



第一次早餐食蝦片咋   雖然爆緊瘡   但都照食   呵呵

法式焗雞批 - 新鮮焗出黎真係好好味   同埋細細隻唔漏

鮮蝦翠苗餃 - 爆蝦呀   隻蝦好似我隻手指尾咁大隻   抵食喎

蜜餞叉燒腸粉 - 我唔鍾意食叉腸   不過里奧大人就鍾意食  

蟹籽燒賣皇 - 唔知叫咩好   所以叫燒賣   想食 d 傳統嘅點心

菜家鄉煎薄撐 - 今次幾好味噃   之後里奧大人話想叫珍珠雞   我話可唔可以叫 d 唔好咁飽肚嘅嘢呢 @.@

之前喺荃灣買架   係我最鍾意嘅紅色

我最鍾意嘅碎花

我鍾意有間線   如果唔係會越寫越上   同埋 d 字會越寫越細粒   唔知點解   哈

之後去睇戲喇   睇 1 點 15 分   買埋爆谷套餐就入場 lu ~



爆谷套餐 ( 中爆谷 + 2 杯大汽水 ) - 爆谷食極都有咁   不過食得好滿足   嘻嘻   但汽水真係飲咗 10 啖左右就無飲   嘥哂添

其實睇過第 1 集   覺得唔係咁吸引   但最慘係呢排好似無戲好睇咁   所以咪揀 "雷神 2 " 囉   估唔到超有驚喜   我覺得勁好睇呀   有感人有搞笑   我覺得無冷場添呀   之後里奧大人話我真係好鍾意睇   因為我講咗幾次話雷神 2 好好睇呀 ~


睇完都係 3 點幾   又唔餓   所以去 Aeon 行下   買咗頂帽比媽咪呀   咁佢朝早做運動唔駛驚大風呢 ~


之後到我買咗 Line 嘅八達通套同生日公仔   勁開心呀 ~

坐 shuttle bus 去九龍灣   再搭地鐵去深水埗高登   要幫晴晴買 printer ink   佢唔夠 1 個月就用哂   真係肯定係又 print 唔係又 print 啦   但澳洲買 ink 好鬼貴   所以我地買咗 5 盒加大寄比佢   咁樣實夠用喇啩 ~


買完都差唔多 6 點   今晚去阿明食印尼菜   不過食完有 d 反胃   應該唔會再去架喇 ~


食完就行去坐 van 仔   途經寵物店   有隻白色松鼠狗咬住隻公仔好過癮   之後里奧中人話唔係公仔黎架   但我望嘅時候   佢係完全唔郁嘛   再望真 d 原來係芝娃娃   之後佢地係咁咬頭仔撐腳仔打交   勁鬼可愛呀   里奧大人都覺得佢地可愛   仲一齊入去睇呢   佢居然同我講話屋苑唔比養狗   如果唔係想買咗佢地呀   呢句說話以往完全唔會喺里奧大人口中出現嘅   我問佢點解咁講嘅   佢話隻芝娃娃望住佢好耐呀   好似好想跟佢咁喎   嘩   咪講到咁慘啦   我都希望佢有戶好人家收養佢啦 ~


坐 van 仔嘅時候見到 d 舖頭嘅捲簾   吹到想跌咁呀   大風到好似打風咁   好犀利呀 ~


去埋百佳買生果就番屋企喇   第 1 次去完街   番到屋企都係 7 點幾咋   實在太好呢 ~


沖埋涼   一齊睇之前錄咗嘅戲   又食薯片   勁驚架   不過勁想食   呵呵 ~


聽朝番教會   所以 12 點要瞓喇 ~