冬蔭功雞扒 + XO 醬蒸帆立貝 + 金銀蛋菠菜 ( 10-NOV-2013 )

我覺得煎到勁樣衰呀   燶到呢   塊雞皮直頭煎到燶哂添呀   慘   下次都係用光波爐算喇   之前用開黎焗雞扒   所以到煎嘅時候   先記得無落生粉   但一切已經太遲喇 @@

( 10-NOV-2013  SUN )


今朝 10 點起身   好耐無番教會喇   所以今日一定要番呢 ~


食完早餐就番屋企抖陣   之後番教會喇 ~

奉獻完之後就去 Market Place 買生果   今日又買滿 $100 有 95 折呀   勁開心   但生果只係買咗 $96   唔抵嘛   所以里奧大人叫我睇下第 d 嘢   之後買咗 2 枝細麥啤    又見到 Balieys 做 promo $179   其實心大心細買唔買好   年年想買又驚飲唔哂   不過佢話擺喺雪柜可以放半年   咁都好   咁就試酒啦   試咗 hazelnut 同 焦糖味   好似好甜   雖然飲開原味   但飲飲下好似好多酒味   唔太鍾意   之後里奧大人話 coffee 味好飲   咁我又試   真係唔錯   所以買 1 枝啦   同埋試咗咁多杯   都唔好意思唔買囉   其實飲咖啡酒都好得意   咖啡提神   但飲酒又眼瞓 ~       


明明買生果咁健康   無啦啦又買埋酒 ~


我要去街市買餸呀   所以同里奧大人分道揚鑣喇 ~


其實好鬼大風   但喺街市滕黎滕去   所以好熱呀   有汗添呀   所以浸好哂菜就去沖涼喇 ~


呢日都要開冷氣   係因為太大風呀   好驚吹甩隻窗   情願開冷氣好過 ~


差唔多 3 點食 tea   之後里奧大人買 scraf   呵呵   我又買咗個袋呀   開心開心 ~

番到屋企都 4 點幾喇原來   拿拿聲煲中藥同燉肉汁   再開機洗衫   再望鐘又已經 5 點   抖陣又預備煮飯 lu ~


( 豬肉檔阿姐話肉排先甜   同埋價錢同瘦肉一樣   所以叫我買肉排呢 )

又唔餓   咁 7 點半先開始煮飯   8 點幾開餐   其實算夜食架喇   但 7 點真係食唔落啦 ~    


是日晚餐  - 冬蔭功雞扒 + XO 醬蒸帆立貝 + 金銀蛋菠菜 


冬蔭功雞扒 - 好在開一開雪柜   完全唔記得自己醃咗雞扒呀   今次試新嘢   咁之前淥冬蔭功麵比里奧大人   多數淥 2 個   但只用 1 包嘅調味粉   所以我會留番黎用   今次試下醃雞扒   醃嘅時候覺得好濃味咁   因為係咁打乞痴   不過原來係無咩味   所以要點泰式酸甜醬叮   當堂好味   呵呵 ~  


XO 醬蒸帆立貝 - 雪柜擺哂生果 中藥同肉汁   所以要清咁 d 嘢   咁就清埋樽 XO 醬啦   本來諗住蒜蓉豆豉架 ~     


金銀蛋菠菜 - $6/扎好抵喎   又青青綠綠好靚   又記得要清埋鹹蛋皮蛋   咁就一定要買啦   哈 ~  



執碗嘅時候   里奧大人又要做公司嘢喇   咁電視播緊 " 吾淑唔食 "   我問里奧大人仲要做幾耐呀 ?!   佢話唔知  唔夠 2 秒   電視機好大聲講口號 " 吾知唔得 "   真係笑爆咀呀   係咪咁啱呀   不過唔夠上次里奧大人咁驚   唔記得去邊度   行行下我叫佢幫我影對腳   佢影嘅時候聽到有人話 " 唔係咁變態呀嘛 "   嚇到佢即刻望後面   原來果個人係傾緊電話   但一定唔係話緊里奧大人   因為里奧大人聽到佢地仲係講緊同一樣嘢   但唔關影相嘅嘢黎呢 ~


沖埋涼就食提子睇電視   里奧大人差唔多 10 點做完嘢   之後佢沖完涼就食提子   佢一食就知道喺 MP 買   因為百佳果 d 係大粒   但一 d 都唔甜   所以依家好多時都情願行遠小小去 MP 買呢 ~


今晚又 11 點幾瞓   如果聽日唔駛番工就好啦   所以我最鍾意係星期六   唔駛番工真係瞓都瞓得好 d 咁架   無壓力丫嘛 ~