( 26-NOV-2013 TUE )
尋晚瞓得唔錯 今朝都幾精神 實在太開心喇 ~
都係唔覺得好凍咋噃 我覺得係涼咗好多 未至於凍咁囉 ~
早餐食芝腿治烘底 依家我一坐低 阿姐就會話咖啡 我食三文治烘底 佢自動波話大火同埋問我走唔走油 其實佢地做嘢都好有 heart 同埋佢地成日有傾有笑 咁樣真係做食客都開心 d 啦 雖然有時都幾嘈 但都好過口黑臉黑嘅 ~
番到菇場又忙喇 又係忙完抖陣又忙過咁囉 ~
好在有 lunch box 連續兩餐食臘潤腸 再加埋飲肉汁 都幾滯咁 ~
忙呀忙 終於忙到 5 點就搞掂哂 d 嘢喇 好快可以放工呢 ~
今晚唔駛買餸實在太開心喇 時間好用好多 番到屋企就預備晚餐 不過今晚想早 d 食 所以 7 點就煮喇 7 點半有得食 食完抖陣就沖涼 爽 ~
唉 里奧大人 8 點半先放工 番到黎 9 點幾先食 對我黎講真係好夜呀 ~
椒氣boot boot四小之~ 午安喇 話咁快又星期四喇 今日有冇lunch box呀..我地去食粥呀 鰂魚涌開佐間舊粥鋪 $14碗碎牛粥咋 好抵好抵
回覆刪除其實咁既態度番工先得架嘛 黑口黑面又係咁番..笑笑口又係咁番 不過公司總有啲黑口黑面既同事....攪到我有時都唔敢同佢地講早晨
平時我唔去買餸先夠時間8點食飯咋 放早真係好 都好彩我住得近咋..唔係唔駛指意有住家飯食
係咪啲牛仔骨肉質唔靚所以先韌咋 1分鍾真係冇理由韌
老奧都like食呢款啫喱架 b媽之前瘋狂愛上桃味 一日要食一杯先安樂 哈~
豬氣 boot boot 二呀木 都係我呀 係咪好有驚喜呀 哈 ~
刪除$14 碎牛粥真係抵喎 我呢邊都要 $15 啦 ~
係啦 都唔明點解 d 人番工番到黑口黑臉 咪做囉 見到佢地 d 樣簡直係影響埋人地添呀 ~
我都係一次買兩晚餸 唔想日日都做同一樣嘢 好悶 ~
d 牛仔骨好新鮮架 點解會咁呢可 ~~
老奧依家鍾意食喺泰國買番黎嘅布甸 媽咪買果 d 就等我食哂啦 嘩哈哈 桃味都好食呀 woo 依家好想食添 ~