勝利大排檔 @ 九龍灣 ( 23-NOV-2013 )

沙爹金菇肥牛煲 - 份量都唔小

椒鹽豬扒 - d 椒鹽超勁辣呀

乾煎燒牛柳粒 - 都幾多牛柳粒

沙拉骨 - 無食

蠔餅 - 無食

蒜蓉炒豆苗 - 豆苗好老喇

金銀蛋白菜仔 - ok

沙薑雞 ( 1 隻 ) - 唔好食嘅

( 23-NOV-2013  SAT )

今朝里奧大人要幫 3 姑奶搬屋   所以陪我食早餐   我 7 點半要起身啦   平時 8 點架   係我陪佢食就真   嘻嘻 ~

依家太興 d 早餐   最低消費要 $31 喇   仲貴過我食 lunch   哈哈

之後就番屋企沖涼   搞掂哂都已經 8 點 45 分   不過其實星期六好多同事都會遲小小番   我都唔例外呀 ~

喺菇場樓下接到里奧大人電話   話佢原來無得跟車   所以要直接去姑奶屋企   唉   點解安排到咁架   真係好浪費時間囉   咁等里奧大人瞓多個幾鐘好過啦 ~

番到菇場忙呀   做到 12 點幾   之後仲有嘢做   不過唔做喇   真係好攰囉 ~

放工就 join 埋里奧大人   好在今次姑奶有 4 個朋友 + 2 個兒甥仔女幫手   加埋我同里奧大人   8 個夠哂啦 ~

間屋放咗炸蛋   咁我同兒甥女就要放工到   所以叫里奧大人等埋我地   再去飲茶 ~

百樂門呀   唔知會唔會一日百樂門   一世百樂門呢   哈 ~

雜菌素餃

燒賣 x 2

排骨

雞扎

醬汁蒸鳳爪

蓮藕餅 x 2 - 有百樂門一日   都會有呢碟蓮藕餅出現   仲要係 x 2 

鮑汁鳳爪

鹹水角

叉燒酥 - 個酥皮有 d 硬   麻麻地好食啦   但因為係我叫嘛   所以一定要搵人食   咁兒甥女好為食家嘛   佢明明話唔食   之後我食一啖話 : 嘩    好味呀   叫佢食件   佢真係即食呀   哈哈 

蘿蔔絲酥

叉燒包

流沙包

馬拉糕 - 見到都驚   里奧大人去到邊都要食馬拉糕 @@    

煎蘿蔔糕

腸粉

唔知咩腸粉

楊枝金露糕

燒腩肉

味菜牛柳絲炒麵 - 希望唔會以後都出現啦 @@

飲到差唔多 3 點幾就走喇   咁經過商場   兒甥女話想買嘢飲   搞到我又想飲凍奶茶   好在兒甥女想飲嘢咋   因為買緊嘅時候   里奧大人話間屋仲煙霧離漫   所以就去麥記坐啦 ~

4 點幾就去姑奶屋企   分配好工作之後就做嘢喇   我同兒甥女負責換衫嘅膠袋   扯膠袋就易喇   但入番膠袋就煩 d   因為吊住對手入袋嘛   有成百件衫呀   換到手攰 ~  

搬運公司今朝 8 點半已經到舊屋   但要 2 轉車呀   超級勁囉   1 個人住之嘛   居然要 2 轉車   不過幫佢執嘢嘅時候   就真係終終真相大白囉   點解佢會咁多嘢架   晴晴番學要着絲襪   所以有成百對未開嘅絲襪   聽大姑奶講仲有一大袋絲襪喺佢度添呀   超誇張 ~

好喇   unpack 廚房嘢啦   又有幾十個 lock lock 盒   煲都有 7 個   好得人驚呀 ~

執呀執   執到 8 點幾呀   姑奶 2 個朋友唔同我地食   咁我地約埋 2 姑奶兩公婆大排檔食嘢   好耐好耐無去大排檔喇 ~

9 點幾食完   我同里奧大人就去日本城同惠康買掛勾   搞到 11 點幾先走呀   勁眼瞓 ~

打的番屋企   沖埋涼抖陣先瞓   因為我沖完涼唔可以即刻瞓   成身熱辣辣咁好難瞓得着   所以成 1 點先瞓呀 ~