稻香 @ 九龍灣 ( 7-NOV-2013 )

熱辣豬軟骨雞煲 - 呢個雞煲 $88 送 6 罐嘉士伯啤酒   不過因為我地叫咗孖寶   所以無得送啤酒   仲好啦   我都唔飲啤嘅   估唔到又幾好味   都有 d 麻辣   同埋個汁好杰   但我地無加火鍋料呀   因為個個都好飽呢 

晚市孖寶之一 ( 脆皮乳豬件 - 例 ) - 好味呀   勁想食好耐喇   家姐叫我食多 d   媽咪又唔食皮   嘩哈   食得超滿足呀我

晚市孖寶之二  ( 清蒸寶石魚 ) - 好大條同厚肉   有驚喜   最緊要唔腥

干 "火扁" 四季豆 - 好惹味   下次會再叫黎食

沙薑雞腳 - 好入味呀   勁正

( 7-NOV-2013  THU )

今朝一起身   諗起沖涼就凍喇   好在里奧大人幫我倒熱水   咁我唔駛拎咁重嘅熱水壺嘛 ~

早餐食熱狗餐   都係大家樂好食 d   因為個包係脆嘅   咁樣好味好多架 ~

番到菇場有小小嘢做咁啦   之後就靜哂 lu ~

今日有 lunch box   叮完出黎好有煲仔飯味咁呀   勁正 ~  

依家 cc 無咁忙喇   所以同佢 skype   太耐無同佢 skype   成日搭錯線   同埋佢諗到就想講   明明講緊婦檢 d 嘢   但未講完無啦啦問我鍾唔鍾意食合桃紅棗糕   等我聯想到唔通食呢個糕係對女性身體有好處添   原因佢話一諗到就講   暈 ~

放工即走喇   約咗媽咪 工人喺稻香等   煤氣公司師傅話 6 點鐘黎   咁我 5 點 50 分問佢喺邊   原來佢仲有其他單位未整   起碼要 7 點   遲成 1 個鐘   真係好在打比佢啫   唔係白等 ~

家姐同姐夫今晚楂車黎   所以 6 點 45 分就到稻香喇   實在太好   因為我叫咗 d 餸嘛 ~

食到差唔多 7 點   師傅話 20 分鐘後到   咁我要食快 d 囉   我走先嘛   佢地就繼續食   我又唔知整幾耐   所以佢地叫我唔好再落黎呢   不過家姐就同我上屋企   因為佢要拎番 d 衫走呢 ~

原來 code 14 係 fuse 問題   師傅話條 fuse 燶咗   所以要換就要收 $203   咁當然要換啦   之後再 whatsapp 比業主   之後佢同我講有 d 業主好衰架   租客換咗嘢之後   業主唔肯比錢   叫師傅番去拆番喎   咁呢個業主真係夠衰格喇   煤氣爐壞咗好危險家嘛 ~

好感恩 10 分鐘左右搞掂   之後打比媽咪   原來佢地仲等緊 lift 去停車場   所以我又落去停車場見下佢地   佢地話我痴呀   滕黎滕去見一見   哈 ~

番到屋企煲中藥同開機洗衫   之後沖涼   終於用得番熱水爐   一開熱水果刻   我真係覺得自己好幸福架   大佬呀   依家天氣都叫做凍嘛   真係沖唔到凍水囉 ~

里奧大人 9 點先放工   又話番黎食杯麵   我話杯麵係不時之需   唔係咁樣食囉   之後佢話心淡呀   仲以為我話無益唔好食   咁係丫嘛   附近餐廳又唔係收哂   做咩要食杯麵啫   佢之後買咗唐記牛肉飯同鮮竹卷番黎食   都好食得下 ~

傾下計又睇下電視   不過今晚有 d 攰   所以我自己 11 點瞓喇 ~