嘉華大酒樓 @ 牛頭角 ( 22-NOV-2013 )

原籠蒜香糯米蒸羔仔蟹

咁細隻蟹都有唔小羔呢

糯米再煙韌 d 就更好

瑤柱貴妃雞 ( 半隻 ) - 媽咪同工人食嘅主菜

燒汁腰果牛柳粒 - 家姐要我補血   所以特登話食呢個   我叫咗蟹同雞先   之後 whatsapp 個 menu 比家姐睇   叫佢揀 2 樣   佢第 1 樣係揀乳豬   第 2 樣係揀呢個牛柳粒   其實我超級感動   因為一睇就知呢兩樣餸係為我而叫呢

蒜茸豆苗 - 好味呀   我超勁鍾意食豆苗

紅豆沙 / 芝麻糊 / 喳咋

西瓜 / 橙

( 22-NOV-2013  FRI )


終於又到 happy friday 喇   凍凍地真係幾好瞓   呢 d 天氣真係好舒服呢 ~


落到樓下先知道落緊毛毛雨   不過都無拎遮   因為完全無諗過會落雨囉 ~


今朝唔係好餓   所以早餐食奶油多   差唔多 9 點就去阿信屋幫家姐睇有無花生醬   今日特價嘛   想買比佢   點知無粗粒   邪 ~

之後打比家姐   家姐話估唔到阿信屋 9 點就開   咁我又話我呢頭嘅萬寧 8 點半未夠都已經開啦   淘大都無咁早開   咁番商場入面嘅萬寧真係着數 d 咁   唔駛咁早開舖嘛   之後家姐好愕然咁問我 : 咩妳咁遲出門口架 ?!   我話咩呀   平時 8 點經過都未開   之後就一齊爆笑啦   嘩哈哈哈哈 ~


菇場無咁忙喇   不過都有 d 嘢做   真係做下抖下呢 ~


唔想出去呀   所以 lunch 食辛辣杯麵   食完覺得好滯咁 ~

依家一田瘋狂勁減   咁家姐見到單張入面有間麵包舖買個咩 " 樹頭忌廉奶油包 "   $18/2 個好抵喎   見佢咁鍾意   放工就去昅下啦 ~


一場黎到   買完個包就入去超市睇下啦   估唔到又唔係咁多人   起碼有條路行到 ~


見到媽咪鍾意食嘅 80 卡餅乾   依家 $33.9/2 包   買咗 4 包比媽咪   因為無哂購物車同籃   所以我捧住佢   之後見到有 johnsonville 腸   $36.9/包   家姐想要嘛   我又買 3 pack   再見到扎肉好平   $88/4 條呀   平時 1 條要差唔多 $30   所以最後忍唔住買 4 條   好重呀   第 1 次雙手捧咁多嘢   最搞笑突然有個賣蜜糖嘅 promoter 伸隻手過黎   幫我隊番條扎肉入膠袋   因為差 d 跌出黎呀   我根本都唔知   哈哈 ~


之後家姐打黎話想買樽柚子蜜   $27.9 咋   原價好似 $6x   咁好彩比我見到有人買   咁我即問佢 d 柚子蜜放喺咩位置   佢話周圍都有   我覺得佢仲衰過唔答我囉   之後又經過蜜糖 promo 果度   佢問我想搵咩   我話想搵柚子蜜   佢話叫我問 staff 仲好   咁我問個 staff   佢話直行   好啦   直行啦   又唔見   其實勁想放棄   因為捧住咁多嘢好論盡   但我又唔忿氣嘛   同埋家姐好小叫我買   所以肯定佢鍾意    所以我再問另一個 staff   佢又話直行   其實好在頭先見到樽柚子蜜係咩樣   咁我先買到咋   因為佢地根本無擺出黎   喺個紙箱入面   真係唔會知係柚子蜜囉   所以都好感恩 ~      


買埋包朱古力比家姐就走喇   估唔到樽柚子蜜咁鬼重   又要等排隊比錢   好在有 4 個 counter   所以都好快   今次我真係要比 5 毫子買個膠袋喇   因為完全無諗過會買到嘢 ~


買完之後就慘喇   有 d 暈同埋勁想嘔   唔知係咪頭先緊張得滯   哈 ~      


差唔多 6 點幾去到酒樓   家姐就差唔多 7 點到   不過媽咪肚餓   所以一路食一路等 ~



樹頭忌廉奶油包

食到 8 點幾就去媽咪屋企拎湯同生果   對手斷完再斷 ~



johnsonville 腸 ( $36.9 ) - 最後 2 pack hot & spicy   感恩買到呢   同家姐每人 1 pack   cheddar 就係家姐嘅

黑胡椒扎肉 ( $88/4 條 ) - 同家姐每人 2 條   黑胡椒好味

tiramisu 朱古力 ( $33.9 ) - 買比家姐架   之後佢話阿信屋好似平 d 喎 @@

柚子蜜 ( $27.9 ) 

80 kcal 餅乾 ( $33.9/2 包 ) - 見到即買比媽咪喇   平時 1 包要 $20 架

番到屋企就煲中藥   之後即沖涼喇   里奧大人就差唔多 10 點就番到屋企   食完蟠桃又食香蕉   其實 d 蕉都未熟   我覺得生勾勾唔好食   不過佢話驚擺得耐之後熟哂   要一過要食哂喎   車   蘋果夠擺到熟哂啦   又唔見佢食   懶切就懶切啦   不過其實我都好懶切生果   嘻嘻 ~


11 點幾瞓喇   如果聽日唔駛番工幾咁好呢 ~