滿小廚 @ 九龍灣 ( 24-NOV-2013 )

咕嚕班塊 - 都幾多班塊  

京式回鍋肉 - 菜就好多喇

金銀蛋菜心 - 得白菜仔同菜心   不過我唔鍾意食白菜仔   所以叫菜心   不過配金銀蛋好怪

味菜牛柳絲炒麵 - 姑奶話想食   所以就叫啦   已經第 3 餐食炒麵喇 @@

( 24-NOV-2013  SUN )

今朝 10 點起身   不過就唔番教會喇   因為食完早餐要幫 3 姑奶買嘢   晏 d 要去佢屋企整嘢呢 ~

番到屋企都差唔多 12 點   里奧大人就去剪髮   我就執零食柜   都執咗 1 個鐘   真係唔再買嘢喇   希望 ~

約咗家姐 2 點喺停車場交收   佢拎番 d 扎肉同腸比我呀   仲買咗包夾糖比我   話我成日買比佢食   今次到佢買番比我食喎   哈哈 ~

里奧大人番黎就即沖涼   再做公司嘢   差唔多 3 點半就出門口   餓到我呢   所以一去到就買魚肉燒賣 + 咖哩魚蛋醫肚喇 ~

好味呀   d 燒賣好煙韌   咖哩汁又香   下次再買黎食   呵呵

同埋 3 姑奶一齊去食 tea   但呢間嘢 d 服務態度真係好差 ~

事緣 3 姑奶叫奶醬豬仔包   不過就奶醬分開上   唔好直接倒落包度   因為 d 奶醬索哂 d 包度會好甜   咁想食嘅時候先搽囉 ~ 

之後個侍應就話要加 $2   我地問點解   佢話我地要多奶醬   但其實我地都無咁要求   之後又話水吧師傅話要分開 2 個碗上   所以要加 $2   都痴痴地   完全唔合情合理   簡直天下第一奇聞   咁叫佢地個經理黎啦   等咗好耐先黎   咁我姑奶喺將中度食奶醬豬仔包都係分開上   都無額外收費   點解呢間會有   佢話間間唔同   我地咪話點會 policy 間間唔同   解釋完全唔合理   難度我地要碗仔又要收 $3   離哂大譜   之後姑奶話根本係妳地呢間服務態度差   唔駛講咁多嘢   咁叫佢走啦    佢隔咗陣又走埋黎嬲爆爆話想知邊區翠河唔額外收費   我話妳知黎做咩呀   任何一間食肆都唔會咁樣收人 $2 啦 ~       

初初叫吉列豬扒薯條嘅時候   有個男侍應就好好   remind 我地呢個唔係下午茶餐   所以無嘢飲   咁我再睇下有咩其他餐啦   咁佢就好有禮貌叫我地諗諗先   之後我都係想食吉列豬扒薯條   叫另一個女侍應黎加單啦   我叫完之後   佢問我飲咩 ?!   大佬   呢個餐唔包嘢飲架   佢咁問人   好似有埋嘢飲咁   條友仲懵盛盛咁   佢根本係錄音帶咁   人地講完咩都會問人地飲咩 @.@ 

廈門炒米 - 呢碟唔係餐黎架   味道 ok   不過份量好小 @@

肉絲炒麵 - d 麵唔脆 @@

吉列豬扒薯條 - 香口嘢實好味  不過就超熱氣 ^^      

食完就去配鎖匙   之後又上姑奶屋企   不過佢有嘢整   所以出咗去   我就同里奧大人努力努力 ~   

我就痴窗門   搞掂就執佢間房 d 嘢   里奧大人負責固定網架位置   執執執   執到 8 點   唔怪得腰骨痛啦 ~

8 點幾 call 姑奶番屋企喇   因為要教佢點掛個架上去   所以 9 點幾先開餐 ~

食完都 10 點幾   所以又打的番屋企喇   真係好攰呢   幫人執完屋   但自己間屋就唔得閒執   慘 ~


沖完涼睇陣電視   11 點半瞓喇 ~