Food Court @ Piago ( 九龍灣 ) ( 17-NOV-2013 )

炒麵 / 八爪魚球 @ 匠工房秀吉 - 勁想食八爪魚球   不過今次麻麻地噃 

黑椒牛肉飯 ( 加大 ) @ pepper lunch - 里奧大人加多 $5 做加大餐   咁都要 $47   真係越食越貴   之前係送埋汽水都好似係 $3x   依家連最好味嘅辣椒醬都無埋   無哂靈魂啦   同埋每食一次加一次錢   份量又小咗   汽水又無埋   咁我覺得又唔係咁值 lu      

( 17-NOV-2013  SUN )


隔離單位之前生咗 BB   但佢就無喺屋企坐月   所以係無 BB 聲   之後佢地番到屋企   真係晚晚都有 BB 喊聲架   9 點幾實喊   總之周不時聽到喊聲   咁都覺得無咩嘢嘅   但尋晚就慘喇   依家無開冷氣瞓嘛   所以唔會關門   個 BB 喊到差唔多 2 點呀   搞到我無覺好瞓   嗚嗚   依家真係到我喊喇 ~


要番教會嘛   所以 10 點起身   好在起身果下又唔係好辛苦 ~


因為要買拖版   咁就行遠小小食早餐   當新環境都唔錯   哈哈   其實有時都會喺度食 tea 嘅   但就真係好小喺度食早餐囉 ~

食完就番屋企沖涼   抖陣就番教會喇   崇拜完畢之後就坐巴士出旺角   因為里奧大人想買相機鏡頭   感恩買到呀 ~


買完都 2 點半   里奧大人話開始有 d 餓   咁去雲桂香食米線喇 ~



我嘅豬軟骨小鍋米線 ( 小辣 ) - 唔辣   但好酸   慘 @@

里奧大人嘅紫菜豬腩肉米線 ( 小辣 ) 

去埋花園街行下   比我買到個斜揹袋   留番去旅行用最好   可以將個袋放喺前面   安全 d 咁呢   但如果將背囊揹喺前面   我覺得辛苦   因為背囊會裝好多嘢家嘛   阻住視線   睇唔到想買 d 咩   哈 ~


之後買多個環保袋就走喇   開始有 d 熱   因為條花園街真係好多人行呢 ~


坐 van 仔番屋企   又可以洗多機衫喇   天氣都好乾燥   唉   我仲係好飽   所以熨 2 機衫當做運動 ~   


黑色 $3,300   但銀色居然要 $3,500   所以要黑色   買埋保護鏡 $200   之後有本記事薄送喎 

拎出黎用都咪話唔驚  哈

大紅唇 @@

搞掂哂都 6 點幾   咁諗住去 Unilqo 買嘢   所以去 Piago Food Court 食嘢   因為我勁想食八爪魚丸呀 ~


又係飽到呢   所以要行下 Piago  同 Unliqo   之後再行 MP 同百佳   喺百佳買咗 d 生果   因為香蕉好平呀   之後番屋企喇 ~


沖完涼就 hea 過喇   睇陣電視   好快又 11 點 lu   又要瞓啦 ~