泰驚無險。買買食食嘆嘆嘆 @ 曼谷。泰國 DAY 3 (PART 1/2) ( 2-DEC-2013 )

( 2-DEC-2013  MON  Day 3 ~ Part 1/2 )

呢間房嘅冷氣都好夠   所以瞓得真係唔錯   實在太感恩喇 ~

諗住去美功嘅火車市集   所以 8 點起身   因為唔知一陣又咩環境   所以想早去早回嘛   但我有 d 搞肚痛   可能尋晚嘅晚餐比較油膩 ~

我其實都無打算去 Siam


又係 meme 摩摩都差唔多 9 點先落去食早餐   唔駛問   一定係 coffee 同魚蛋米   哈   里奧大人覺得我真係超級勁鍾意食   因為我好小會講明話日日都要食呢 ~

好鍾意盞燈呀

今朝坐呢度食早餐

有新嘢噃

唔知咩   但好似好甜咁

之後每日都會見到   哈哈

之後我叫里奧大人幫我拎碗米粉   佢擺上枱時我呆哂呀   做咩咁大碗架   佢話個男仔係咁夾 d 魚蛋比佢呀   佢話 no 先停手咋   米粉又係咁   呢度係平時嘅 3 碗份量 @@

今朝叫米粉時   見到無辣椒粉   當堂無哂心機啦   靈魂黎家嘛   咁我問佢地有無 spicy chilli   其實我都唔知係咁咁叫   哈哈   之後佢比咗另一 d 辣椒粉比我   咁之後我腦海叮咗一下   就係比相機 d 相佢睇呀   好在有影相   哈   但佢地話無 stock   嗚嗚   到差唔多食哂嘅時候   有個職員拎咗呢碟辣椒比我   好感動呀

食完又番上房   抖陣就沖涼   之後就出發喇 ~

又黎 @@

走人喇

因為有兩面 lift   所以次次一出 lift 要停一停先   因為之前里奧大人試過開錯人地房門呀

11 點去到 Phrom Phong   又去唱 HK$2,000 ( 4.07 )   唔係一陣無錢買嘢 ~

次次里奧大人一去唱錢   我就會入呢間 Beauty Buffet 睇下嘢   同埋次次都買到 d 新嘢   嘻嘻

由 Phrom Phong 去 Victory Monument 要 42B   仍都係唔平噃

最鍾意有大大個鐘   唔駛成日拎電話出黎睇幾點

11 點 20 分左右去到 Victory Monument ( 民主紀念碑站 )   之後就問人點去車站搭 van 仔去美功   好在冰冰話我知市集火車喺 " 美功 " 咋   唔係都唔知佢地講 " 美功 " 係咩   里奧大人果下覺得我好勁呀   駛咩講 ~

11 點半去到車站   見有人坐哂喺度   諗住差唔多有車   點知買車票時   佢話 12 點先有車   同埋佢地話去美功要個半鐘   火車又唔係準時開   上網睇有 d 話要等 2 個鐘   咁我仲想去埋水上市場嘛   咁一來一回番到出黎可能已經 6 點   我唔去喇   因為示威仍然繼續進行   驚無 BTS 番酒店呀 ~

同埋我驚坐車期間搞肚痛呀   到時無得停車就慘   所以唔去美功   我都覺得唔係一件壞事   哈 ~

一個字 - 熱呀 ~~~~

我就係想去 Maekong 同 Amphawa 呢

又見到亂七八糟嘅電線   曼谷特色嘛   哈哈

露天檔口全部未開 

兜兜轉轉又要搭番 BTS   咁去 Terminal 21 啦   因為我都好想搵番 Chatuchak 買果條裙褲呢 ~

由 Victory Monument 去 Asok 要 37B

遊客區好安全丫 ^^

平日嘅 T21 係無咩人行   所以行得好舒服呀

隻眼咩事 ?!

好想飲咖啡呀   不過唔見有 Black Canyon Coffee   但見到有間 coffee Today 好似唔錯咁   所以就坐低飲喇 ~

Iced Mocha ( 85B )

今次好認真咁行 T21   每個角落都唔會錯過   如果唔係唔知會有呢間 coffee Today ^^

望出去商場就係咁呢   初初 load 相嘅時候   心諗里奧大人做咩影條 boxer 添   哈

帶咗 walkie-talkie 實在太好喇   因為我要買 " baba "   咁里奧大人喺度唔方便嘛   所以佢周圍行   行到我買完叫佢黎比錢為止   呵呵 ~

又 Line   勁鍾意呀   不過一定唔會買   哈   見到有 Line 公仔   不過要差唔多 HK200   同埋個樣好老翻咁   諗住泰國平 d 添   原來仲貴

2 點幾去 Food Hall 食嘢   我最鍾意去 Food Hall   因為好多嘢食咁   同埋 d 嘢食都好好味 ~

Food Hall 係要講總銀碼去買票   之後就自己拎住 d 票去 counter 度買嘢   所以最好唔好計錯數啦   買多都無問題   買小又要再去買過就好煩喇   今次由我負責叫嘢食   全程用 walkie-talkie 同里奧大人講食咩   叫佢幫我計埋數   真係好在有帶 walkie-talkie   唔係就要記住 d 食物名同價錢   又要講多次比里奧大人聽   之後先去買   夠哂煩呢   哈 ~

Spicy Medium Rice Noodles with BBQ Pork Soup 35B - 好味呀  酸酸辣辣

Fried Oyster Orsuan 85B - 必食   哈哈

蠔仔都幾大隻架

海南雞飯 - 都 ok 喎

因為見到醬汁好吸引   所以先買海南雞飯

Cranberry 沙冰 - 好似 40B

芒果糯米飯 ( 大 100B ) / 榴槤糯米飯 ( 細 35B ) - 一樣係咁好味   但榴槤糯米飯就太多椰漿喇

呵呵   食到好滿足   如果唔係飽   我會食多份 ^^

里奧大人自己食哂 2 碗   居然無留比我試 -.-

好多 counter 都好乾淨   唔會痴痴立立

我地坐近窗口   所以好靜

食完都 3 點半 lu   途徑一間精品店   比我見到個杯   覺得係土耳奇出品   所以入去睇下   估唔到真係買土耳奇嘢   d 杯碟真係靚到暈架   不過一隻杯墊要 400B   一隻茶杯碟要 1000B   好貴啦 ~

再翻兜買多對鞋   之後再去 Crazy Horse 買埋 2 個袋   今次要簽卡買袋 lu   買完就走人喇 ~

所有燈罩都好靚呀

5 點唔夠就番到 Phrom Phong   諗住去唱錢   點知 d 兌換店 closed   連續 3 間都 closed 呀   唔通驚 d 示威人士搞亂 ?!

兌換率仍然係 4.06   但 closed 無得唱錢 -.-

呢日未完架