茜廊 @ 九龍灣 ( 5-DEC-2013 )

酥皮忌廉湯

好熱呀   除咗頂帽先 ~~

蒜蓉包

紐西蘭肉眼牛扒

廚師紐西蘭西冷牛扒

紅莓茶

( 5-DEC-2013  THU  A/L )

今朝 8 點醒一醒   之後開機洗衫再瞓    差唔多10 點半就醒喇   去金姆指食早餐 ~

喺聖安娜買架   $8 有 2 隻   咁我排隊嘅時候問有無粉果   點知前面個女人知道有粉果   就話要 5 隻   好在收銀姐姐問我要幾多個   咁啱有 7 隻粉果   咁佢就可以買到囉   

食完就番屋企喇   之後又開多機衫   買衫嘅時候真係超勁開心   但番到屋企一諗到要洗衫就超級驚心   起碼仲要洗 10 機衫   暈喇 ~          

約咗 3 點喺尖沙咀驗眼   所以差唔多 2 點就出門口   今次搭地鐵喇   唔想遲到 ~    

原來 3 點係第 1 個   咁又幾好噃   唔駛等嘛   驗完眼就滴完眼藥水要等瞳孔放大   要半個鐘頭   所以就落去香港仔魚蛋粉食嘢喇   呢間嘢完全唔掂   態度又差   份量又小   但其他區又唔係咁架噃 ~   


牛什米 - 賣相衰到呢   

招牌魚蛋粉 - d 河粉小到呢   

瞳孔放大哂喇   驗埋有無白內障同青光眼   好感恩對眼無事呀   之前對眼成日濛查查   真係好驚有白內障架   原來我眼濛原因係淚水喺眼球入面只係 hold 1-2 秒   但正常係 hold 10 秒   所以對眼成日好乾囉 ~

丫   瞳孔放大之後   其實睇嘢真係好鬼辛苦   所以行路一定要捉實里奧大人  佢仲衰啦   成日以為我咩都睇唔到亂咁 up   所以我叫佢拎 d 銀紙出黎   估啱就比哂我   哈 ~

搭地鐵出旺角   喺星際買咗個保護 pad    之後再買個電話插蘇頭比媽咪   依家無固網電話   所以買咗部 Samsung 摺機   $399 再有 75 折   又抵喎   開埋張電話卡就走人 lu ~

途經 Innisfree   買咗 3 塊 mask   $10/塊買黎試下先 ~

買完都差唔多 5 點幾   咁搭地鐵番九龍灣 lu   行一陣就去茜廊   用埋張 $108 coupon   不過應該唔會再去呢間食架喇   實在太嘈喇 ~

食完去 Market Place 買青提子   今日又有 95 折   所以里奧大人好自然又去睇下啤酒   今次 Stella Artois 抵喎   8 枝裝仲有隻杯送都係 $89/set   買咗 2 sets   重鬼到呢 ~  

番到屋企即沖涼抖喇   雖然放緊假   但都唔可以 chur 到咁行   哈 ~

不過睇埋之後錄咗嘅劇集   睇到差唔多 12 點幾先瞓   但仲未睇完架   所以我自己瞓先   里奧大人繼續睇呢 ~