嘉華大酒樓 @ 官塘 ( 6-DEC-2013 )

鴛鴦鯧魚 ( 涼瓜炒魚身 + 原條炸骨底 ) - 根本只係起咗肉黎炒   魚骨都無炸過嘅

上湯波士頓龍蝦

生炒上肉排 - 雖然好味   但覺得好多色素咁

花枝丸什菜煲

玫瑰豉油雞

( 6-DEC-2013  FRI )


又係差唔多10 點半就醒喇   第一件事係開機洗衫   之後先梳洗 ~

去 KFC 食早餐   因為難得無咩人   好舒服呢 ~

我無咩胃口嘛   所以只食個加嘅通粉   因為細細碗   我同里奧大人講無匙更嘅   里奧大人話 d 人覺得係我一個人食哂個餐 + 通粉   之後佢拎隻更比我   我先話佢衰   無計啦   啱啱瞓醒黎唔切反應   哈 ~

塊雞扒嘅顏色好靚

KFC 係即磨咖啡   不過我飲即磨咖啡係唔會提神   好奇怪

里奧大人話想去影下相   所以我話去石板街   順便去水記食牛什河 ~ 

1 點幾出門口   搭地鐵到中環   行去吉士笠街   見到水記好開心啦   不過呢   去到現場就唔會食呢 @@

外牆幾特別

到水記喇

咁我其實已經有 d 餓   所以見咩食咩   比我見到羅富記   媽咪話 d 粥好好食   不過我就一定唔食粥啦   好熱呀   所以食粉麵   都好好食喎 ~

蜆芥鯪魚球 ( 大 ) - 大大粒又新鮮炸起   但食落唔會成口油   蜆芥又唔會過鹹   好味道

Size 同隻碟仔差唔多   呢張仲係縮咗水   唔係仲大   哈


雲吞河 - 雲吞一般啦   但河粉就好正   好滑又有 d 彈性  ( 耶  咁似講緊我塊臉咁嘅 ^^ )   食完唔覺滯   平時我食河粉會覺得好脹胃好滯咁架

水餃麵

水餃好爽口   好味呀

余均益辣椒醬

食完就去石板街影下相咁啦   我第一次去架咋   所以都覺得好有新鮮感   又買咗 d 聖誕裝飾   里奧大人話我去到咩地方都可以買一餐   嘻嘻 ~

留個念先

靚仔 BB

喺 Platinum 有胸圍手袋賣   估唔到香港更激   有乳房手袋 ( 上 )   暈 

好多聖誕裝飾   睇見都開心

靚

 

都幾多人行架

一定影到腳

同里奧大人講話不如買番隻   叫佢得閒就買 d 禮物放入去   等我 boxing day 有得拆禮物   不過佢唔係傻的   哈

Batman 

跟住佢 ( 其實我係要行上去影下相呢 )

到此一遊

好耐無見過嘅鐵皮屋

走人喇

原來可以坐 619 嘅 @@

影完相無咩嘢做   所以坐叮叮去銅鑼灣   等咗好耐車呀   感恩可以上到車   同埋去到第 2 個站有位坐   因為我都好攰   呢個時候坐電車都幾舒服   有 d 風吹吹下   所以都差 d 瞓着呀 ~

唔記得行呢度添

妳影我影你

唔想再 shopping   咁就陪里奧大人去佢最愛嘅南記食酸辣米線啦 ~

今晚同媽咪 家姐食飯   所以差唔多 5 點就走喇   今次搭地鐵走   因為見到塞車   驚呢 ~

番到屋企抖咗陣又出發喇   拎埋手信比家姐   順便擺番個喼喺媽咪屋企   呵呵 ~

喺泰國 Emporium 買番黎架   咁我當然會同家姐 share   呢次係我有史以來唔捨得分比家姐食呢   哈   所以今次比佢細份 dd   但其實都同我差唔多嘅  

7 點開餐喇   其實唔太餓   不過點都要食啦   唔係媽咪以為我唔舒服仲煩 ~

食完就上媽咪屋企   家姐要我即開喼呀   勁心急我買咗 d 咩比佢   佢最鍾意食薯片同 Belly Jelly 糖架   希望佢夠食啦 ~

今次買得好小零食比家姐咋   只係買咗 10 包 jelly bell + 7 包薯片 + 4 包大辣魷魚片 + 2 包紫菜   我最開心係買到件八哥 tee 同塊鏡比佢   因為勁想買比佢好耐   但次次都搵唔啱心水呢  

今晚又拎咗湯同生果   不過有里奧大人幫手拎   我唔駛咁辛苦喇 ~

番到屋企即沖涼喇   再熨 4 機衫   熨下熨下又唔覺熨咗 4 機喎   勁 ~

又 12 點幾瞓添   聽日仲要番工   嘿嘿 ~