大快活 @ 九龍灣 ( 26-DEC-2013 )

穀飼肥牛 ( 沙爹湯底 )

好似已經淥熟咁   因為好林 @@

鐵板牛扒 + 司華力腸 ( 黑椒汁 ) 

( 26-DEC-2013  THU )


今朝 9 點醒咗喇   諗住再瞓   不過懶床 15 分鐘都瞓唔到   正想出廳睇雜誌之際   咁啱里奧大人都醒咗去廁所   之後佢話都醒咗唔瞓 lu   我一睇就知佢實唔會再瞓啦   有心事嘛   因為部機頂盒用唔到   佢梗係想快快去整啦 ~


去太興食早餐   估唔到要等位   感恩等咗 5 分鐘左右就有位   因為諗住走架喇   企喺街等位好凍呀 ~   

番到屋企抖陣就沖涼   因為里奧大人要買手機   所以 11 點就出門口喇 ~


今次里奧大人終於買 Samsung Note 3   無計啦   佢之前 download d 歌無哂呀   同埋部 iphone 間唔中又 shot shot 地   所以要換機   影相顏色唔靚都要接受架喇   哈 ~   


依家加 $699 有部 Samsung Tab 7   里奧大人話好抵喎   因為出面買要千幾蚊   所以佢買黎送比家姐呀 ~ 


搞到 12 點半   企到腳都軟埋   之後又去深水埗喇 ~


尋日買個機頂盒要 $689   咁里奧大人番到屋企上網睇   標價係 $499 咋   咁去番間舖整機嘅時候   咁啱有個男仔買同一部機頂盒   佢買 $499 咋   頂   咁里奧大人問番職員   佢話個男仔買埋個 mon   根本講大話啦   個男仔明明只係話買機頂盒   之後佢又話買之前可以講價   嘥氣啦   所以里奧大人當面講話佢地根本唔老實囉 ~


不過我同里奧大人講算啦   我地唔上網睇就唔知原來只係 $499   唔好比負能量影響我地呢 ~


再幫晴晴買埋 ink 就走喇   佢 daddy 尋日話想買多 2 支 ink   咁里奧大人就 whatsapp 同佢講今日會買   嚇到佢 daddy 即打黎話唔急架   搞笑啦   其實我地咁啱要去換機   所以先買埋呢   咁講真   買多 d 比佢地好過   唔係次次比運費仲貴囉   同埋最慘係唔可以 by air   寄去澳洲要 37 日   佢地又急用   因為佢地每個月起碼要 print 3000 paper 備課   佢地買 ink 要 HK$240 一盒  香港買就 HK$125 一盒   所以點都會幫佢買架喇 ~


買埋 2 張 SD 咭就走喇   任務完成   所以即刻去食嘢喇   因為我好想坐呀 ~


去泰國人海南雞食 lunch   里奧大人又拎部手機出黎整   我唔準佢整呀   因為想傾下計嘛   之後佢話有聽我講嘢   所以我問番佢   我之前第 3 句嘅尾音係咩   答唔到就要收埋手機   不過佢答啱都會話佢錯   哈哈 ~



海南雞飯套餐



雞都 ok 啦   唔好有要求

個汁酸酸辣辣好開胃呀

肉碎扎肉金邊粉 - 超級勁大碗囉   不過又幾好食喎   可能我落咗辣椒粉 ^^

食完就去買電話套   之後再行多一個圈就番屋企喇 ~


同里奧大人一齊實係坐 van 仔番屋企嘅   唉   真係好唔明白 d 人咩心態   一個人坐 2 人座位   但佢個大盒就唔係擺喺自己腳底   妳知啦   d van 仔唔會等妳坐定先開車家嘛   如果唔想擺個大盒喺自己腳底   咁咪打的囉   唔好咁自私丫嘛 ~


番到屋企差唔多 4 點   咁里奧大人又係第一時間整機頂盒   感恩終於睇到喇 ~


我勁攰呀   所以喺梳化瞓咗半個鐘   瞓醒都 5 點   咁煲中藥 lu ~


7 點有 d 餓   咁里奧大人咀角爆瘡   但我又勁想打邊爐   所以去大快活喇 ~


食完又去商場兜一個圈就番屋企   第一件事就係沖涼   真係好鍾意番到屋企即沖涼嘅感覺   因為代表已經做哂所有嘢   哈 ~


一路電視一路食花生糯米糍   估唔到芝麻糕都超級煙韌   勁好味 ~

聽日要番工   今晚 11 點瞓喇 ~