Ringer Hut @ 九龍灣 ( 18-DEC-2013 )

辛辣 Champon ( $57 ) - 侍應妹妹 remind 我呢個麵係好辣   提議我要小辣   因為好多客都話辣喎   之後里奧大人問   如果小辣之後覺得唔辣   有無得加辣   佢話有   咁就小辣先啦   不過真係有 d 辣嘅   但我覺得辛辣麵仲辣噃 ( 右上角係匙更   唔係雞蛋 ^^ )    

長崎雙倍野菜 Champon ( $59 ) - 真係超多菜   不過湯底無味呢 @@

軟殼蟹沙律配芝士凱撒醬 ( $38 ) - 我其實麻麻地鍾意食軟殼蟹   成口油咁   不過想叫 d 小食試下咁囉   

熱菊花柚子蜜 ( 優惠價 $5   原價 $10 )

( 18-DEC-2013  WED  A/L 0.5 )

尋晚可能太集中精神去驚   所以估唔到瞓得好好呀   哈哈   因為我仲諗住擔心到瞓唔着添 ~

雖然今朝陽光普照   但係勁凍呀   尋日落雨都無咁凍架 ~

早餐食芝腿治烘底啦   好悶 ~

番到菇場第 1 件事係請假   因為約咗師傅 2 點半黎屋企整窗呀   點知阿 head 講電話講到 10 點 45 分   佢講完我就即入去講請假喇   費事佢講完電話又要整其他嘢 ~

好在無嘢做    可以 hea 到 12 點半即走 ~

無啦啦放半日假   其實係可以陪媽咪飲茶   不過真係無咩心情啦   勁驚隻窗跌落街整傷人呀 ~

幫家姐去銀行入數   之後就去百佳行下   呢個時間無咩人行呀   可以他他條條咁行   樣樣拎 d 慢慢睇   真係好鬼正   哈哈   買咗奇異果同長紹菜就走喇   又無帶環保袋喎   拎住條長紹菜周街走真係好鬼肉酸   哈哈 ~

之後又行下三聯同阿信屋   咁兜多個圈就去生果店買 2 個木瓜   再去麥記買 Big Mac 餐番屋企食 ~


就咁食個 BigMac 已經超勁飽   要隔一個鐘先食薯條   因為凍哂唔好味嘛   不過佢本身都係凍   哈哈   杯汽水就飲到夜晚黑   勁

約咗師傅 2 點半   但 3 點都未黎就打比鋁窗公司啦   佢問我係咪 xx 樓   我話唔係啦   約咗 2 點半都未到   之後佢話師傅有 d 剔手嘢整緊喎   要 4 點半先到   我咪話囉   黎唔到要講聲   我仲有其他嘢要做家嘛 ~

喺屋企越坐越凍   所以又出去行下喇   又去番百佳買燻蹄   之後行多陣就番屋企 lu ~

難得今日咁 hea   可以一口氣睇哂所有飲食男女   屋企又小咗 d 嘢喇   正 ~

師傅 4 點半到啦   好在佢話可以就咁換玻璃咋   因為我驚要搭棚   如果搭棚   $3000 走唔甩 ~

佢打比老闆問報價   但打極都無人聽   所以話如果整就去買料   唔等老闆覆   慳番 d 時間 ~

之後老闆打比我   佢開價 $850 ( 我預咗要整 $1,000 )   咁我話平 d   佢話 $820   之後佢話聽朝一定做到   我話唔得呀   一定要今晚   因為我聽日請唔到假   之後佢話咁就要番 $850   我話唔得咁喎   $820 啦   頭先你地遲咗 2 個鐘   咁佢話好啦  $820   但要比 cash   我心諗   唔比 cash 比咩   哈哈 ~

搞掂哂差唔多 6 點   里奧大人打黎話唔好煮飯   佢有 d 唔舒服   想食拉麵喎    是但啦 ~

佢 6 點 40 分放工打比我   咁啱我同家姐傾電話   真係好邪架   家姐同佢次次都係差唔多同一時間打黎    所以成日 jam 哂線 ~

今晚去 Ringer Hut 食健康拉麵   但里奧大人就麻麻地鍾意   因為湯底無咩味   不過點都要試下嘅   之後開張   有好多人排隊架   依家妳入去瞓都得呀   哈哈 ~

食完就番屋企喇   抖陣就沖涼   11 點唔夠就瞓喇 ~