瑤柱燜節瓜 + 黑胡椒扎肉 ( 12-DEC-2013 )

( 12-DEC-2013  WED )


瞓得唔錯   不過黑眼圈仍然好勁   無咗黑眼圈   個人都後生幾年咁架 ~


今朝唔係太餓   所以早餐又食奶油多 ~

9 點半要同 partner 去隔離倉搵 file   之後搞掂哂都 11 點 lu ~


今日菇場唔忙   阿 head 又唔喺度   可以盡情 load 相 ~


晏晝有 lunch box   依家換咗細嘅 lock lock 盒   感覺好似輕好多   同埋唔想比自己食咁多嘢呀   哈 ~


洗碗嘅時候同同事傾計   講開蒜蓉同洋蔥   我話蒜蓉會買現成一樽果 d    咁有時想食洋蔥   但唔想切咁耐   所以改為食乾蔥   唔駛切咁耐嘛   之後佢話我懶呀  話睇我個樣好似煮嘢食好勁咁喎   衰 CC 仲衰   問我沙律用咩粟米   我話罐頭粟米   之後佢居然話我衰過佢喎   佢都係諗住買雪果 d 粟米   估唔到我懶到買罐頭粟米喎   大佬   佢一年整一次嘢食咋   所以樣樣都想新鮮   我話叫佢自己種埋粟米等修成慢慢拻黎食   有一年時間預備   衰   咁樣打擊我   嗚嗚 ~


放工唔駛去買餸   所以番到屋企又開機洗衫   抖一陣就燜節瓜   差唔多 7 點   里奧大人打黎話放工   問我煮咗飯未   我話煮咗啦   之後佢用好可惜嘅語氣話仲想出去撐枱腳   我話今晚煮媽媽麵   佢用好開心嘅語氣話都好喎 ~


是日懶餐  - 瑤柱燜節瓜 + 黑胡椒扎肉 


瑤柱燜節瓜 - 媽咪之前幫我浸咗 d 大粒瑤柱   所以想快 d 食   清哂雪柜 d 嘢 ~  


黑胡椒扎肉 - 燶咗 d   因為無咩心機煎   不過都好好食架   哈 ~   


搞掂哂就沖涼   難得里奧大人咁早番到屋企   仲唔駛做嘢   實在太感恩喇   所以佢可以一路食布甸一路睇電視劇   我見到佢咁 relax   我就最開心呢 ~

北咗小小都已經見到椰果   真係一啖一椰果呢    

今晚佢 10 點 45 分瞓覺   咁之後我都瞓喇   天氣凍真係好快眼瞓咁架 ~