Champer's @ 鰂魚涌 ( 23-DEC-2013 )

一日椰菜絲炒肉碎 - 好味呀   同埋份量都幾多   正

軟煮牛肋黑芝麻咖哩 - 都好味   牛肋好林   不過其實我地想食黃色咖哩   哈

d 飯有粟米同紅蘿蔔   我鍾意食呀 

日式炸雞 - 外脆內嫩   woo

唔記得咩茶   只記得佢話要 $3 茶位

( 23-DEC-2013  MON )

瞓晚瞓得唔係咁好呀   加上今日又係星期一   所以特別唔想番工   哈哈 ~   

早餐食芝腿治烘底   如果有燒賣粉果炒米粉呢 d 就好 lu ~

菇場無嘢做啦   勁想瞓 ~

今日有 lunch box   食完諗住去入票   但都係唔出喇   無咩 mood ~

真係好眼瞓   4 點沖咗 1/3 杯咖啡   飲完又精神 d 噃   之得早 d 飲啦   哈哈 ~

放工去睇中醫   去到地鐵站   一路口 up up 話去鰂魚涌鰂魚涌鰂魚涌   因為上次搭錯車嘛   咁去到彩虹   我以為又搭錯車   仲諗住喺鑽石山先轉番車   之後聽到下一站係九龍灣   原來我係無搭錯   好彩咋   因為我頭先心大心細想喺彩虹轉車架 ~

家姐幫我排隊等   感恩我去到無耐之後就有得睇   咁樣快好多架 ~

醫師又話我血虛   之後好大力按我隻腳   話我勁水腫喎   佢按果下真係痛到差 d 一腳伸埋落佢度呀   嗚嗚 ~

好記得有次里奧大人話兒甥女似水腫   所以係咁按下佢隻腳   點知之後見到兒甥女   佢話佢半夜起咗身   覺得對腳好痛   好驚喎   之後見到瘀咗   笑死我啦   鬼咩   里奧大人係咁大力按   唔瘀先奇呀    哈哈 ~   

家姐飲完中藥一定要食山楂餅   但我又唔駛架喎   飲慣咗嘛 ~

今晚同家姐又試新嘢   其實鰂魚涌都好多小本經營嘅餐廳   食物水準都好 ok 架 ~

食完就同家姐去惠康買嘢   我買三角黑朱古力   佢就買咗幾包桃哈多   我地仲勁   買咗包童星闊條麵一路行一路食   勁有去旅行 feel 呀 ~

我地行去北角搭巴士   基本上我對香港區唔係好熟   所以過馬路真係會等綠公仔先會過   因為我唔知 d 車喺邊度黎嘛   咁今晚見到條馬路無車   所以過馬路啦   點知老遠有架的士好似想駛埋黎我地果邊咁   但我地已經過咗一半馬路    咁我話好驚呀   捉住家姐 "dun" 番後去安全島   點知家姐話唔駛驚啦   照向前行   之後佢話原來佢知道已經係紅燈   同埋話   如果我地 "dun" 後行   架的士咪撞我地囉   向前行先安全   嘩哈哈哈哈   咁又係喎    驚起上黎真係方吋大亂呢 ~

今晚坐 671   喺九龍灣地鐵站落車   所以陪埋家姐等巴士   佢上車之後我就番屋企喇 ~

里奧大人食埋嘢先番屋企   佢仲係早我一架 lift   管理員問我係咪同里奧大人一齊食飯   我話梗係唔係啦   佢問我點解會答 " 梗係唔係 "   我話點會前後 lift 架   一部 lift 時間無可能唔等埋我囉   如果一齊食飯嘅話   除非我買嘢要好耐   我先會叫里奧大人番屋企先   否則多數一齊番呢 ~

番到屋企就即沖涼休息   今晚 10 點半瞓喇 ~