泰驚無險。最谷。泰國。美好回憶記錄 ( DEC 2013 )

因為里奧大人要清 12 月嘅大假   所以一定係去旅行啦   而我 d 假一早都已經係 advance 架喇   嘿嘿 ~

本來今次又係想去越南   已經買埋天書   做哂 research   不過之後發覺原來同跟團價錢差唔多   咁就唔自由行喇   懶得諗 ~

好喇   計過條數   5日4夜 ( 午去早返 )   每人差唔多要 $8,000   其實去越南最想係去下龍灣   之後睇 d 行程都無咩吸引   同埋行程好似好趕咁   但自己 plan 呢   其實又無其他地方想去   所以最後決定唔去 ~

呵呵呵呵呵   其實我係勁想去泰國曼谷架   因為想 shopping 同食嘢同埋按摩   加上 package + 雜費都係差唔多 $4,000 一個人   抵玩好多呢 ~   

今次去泰國曼谷   又係撞正示威活動   上年嘅示威活動好快停止   但呢次就耐啦   由我出發前幾日到我番到香港   示威活動仲未停止 @@

媽咪超級勁擔心我呀   睇到新聞見 d 暴徒拍打巴士同的士   佢驚我會去到果區呀  好在我會同家姐 whatsapp   咁佢就知我安全   佢要幫我話比媽咪聽嘛   之後我番到香港   我 whatsapp 比家姐話我平安番到香港   佢叫我即刻打比媽咪呀   話媽咪好掛住我喎   其實我一落機就打比媽咪啦   媽咪把聲真係鬆哂呀   之後我問佢泰國依家咩情況   佢話我已經番咗黎   唔理喇   搞笑 ~  

媽咪睇到咁情況   點會唔擔心我地呢

今次去旅行有種窩心嘅感覺   因為知我去泰國嘅朋友好都擔心我   CC 更要一有 Wfi 嘅就好同佢 say hi   之後日日又 whatsapp 問我咩情況   大食表妹又係咁   其實有危險嘅地方就當然唔會去啦   生命可貴   我仲有好多嘢未食呢   哈哈 ~      

上年去完 Marriott 之後   我耐唔耐就會同佢講   我好掛住 Marriott   仲話如果再去曼谷   一定要住番 Marriott   就算去芭提雅   我都要喺曼谷住 2 晚   哈哈   我好小會咁鍾情一間酒店架   因為我每次 book 酒店   我會話只用黎瞓   唔駛咁大咁靚 ~

事實上 Marriott 比我感覺真係好 relax   就算全日留喺酒店都無問題   同埋可能係 Apartment 關係   所以無大陸遊客喺度住   多數都係日本人同外國人   所以感覺好寧靜   我上年住係無見過香港人出現添架   今次終於見到有 2 個香港女仔   因為佢坐喺我地隔離枱食早餐   嘻嘻 ~

Marriott Executive Apartments Sukhumvit Park
( 99 Sukhumvit Soi 24, Klongton, Klongtoey, Bangkok,  10110 Thailand )

@ 12/F

感恩我地住嘅 Apartment 係距離示威區有一段距離   相距 4 個 BTS 站   同埋我都無打算去 Central World 買嘢   但去 Platinum 就會經過囉   但如果真係有激烈示威活動   咁都應該唔會去架喇    因為沖哥話唔好去 CW 附近嘅地方   比較危險呀 ~  

我每日都會第一時間 check 沖哥嘅資料   先再決定點樣行程   其實都無咩行程   只係會避開哂 d 示威區   同埋最緊要知道有無 BTS 呢 ~

泰國粉絲大本營   沖哥會每日即時更新有關資料

身處曼谷   其實都無新聞報導所講到咁危險囉   但當然都要樣樣小心 d 啦   無謂惹到不必要嘅麻煩 ~

Walkie-Talkie 同電話真係唔小得呢



紅色喺呢段時間係好敏感架   里奧大人喺翟道翟買咗 d 紅色頭巾   咁賣頭巾嘅婆婆拎住條紅色頭巾   縐哂眉頭好擔心咁   之後用半鹹半淡英文講咗幾句   當中聽到 in Thailand 又 red   咁我知咩事啦   依家咁多紅衫軍示威   所以紅色嘢真係盡量唔好帶喺身嘛 ~

紅紅紅

今次買得真係好開心   唔似上年衝衝衝咁去買嘢   係會比自己抖一抖   唔好咁急   今次我主攻買裙褲   里奧大人就買裇衫   上年買夏天衫   今年買冬天衫   所以里奧大人話每 2 年去泰國入一次貨都唔錯   嘩哈哈   好呀   最鍾意買嘢呢 ~

至於食物方面   今次我覺得每餐都有驚喜呀   特別係件 Coffee Merignue   至今回味無窮呢 ~ 

Coffee Merignue @ Ging Kalpapruek ) - 我總共食咗 3 件   我自己都唔相信會食咁多呀   里奧大人話下次不如買一個番酒店慢慢食   嘩哈哈

Mocha @ The Black Canyon ) - 咖啡   真係要慢慢享受   咁先 relax   哈

Sticky Rice with Grilled Crispy Pork @ Ging Kalpapruek ) - 無諗過咁好味   woo

呢次行程講好每晚都要去按摩   之後我都試埋推拿 + 按摩   真係舒服到呢   同埋我次次都差唔多瞓着咗添呀   不過我唔敢瞓   因為驚有鼻寒聲   里奧大人就次次瞓着   所以下次再去泰國   我一定要做推拿 + 按摩   嘿嘿 ~

@ Asia Herb Association

今次真係好感激里奧大人陪我顛   因為我喺翟道翟買咗條裙褲   我話買 1 條算喇   佢就叫我買 2 條啦   不過我無買   驚唔啱嘛   我咁 fit   點知番到酒店試完好鍾意   所以同佢講   要再買   所以佢再陪我去多次 Platinum  一見到就會叫我買 2 條   唔通佢都比我潛移默化   買嘢格言係 " 寧濫莫缺 " ?!   哈哈 ~

所有戰利品

總括今次泰國之旅   除咗認路同兌換之外 ( 因為我成日計錯數 )   里奧大人好相信我 plan 嘅行程架 ( 其實同上次一樣   嘩哈哈哈哈 ) ~

估唔到今次買小咁多嘢都會 overweight   罰咗 700B   因為唔醒起 hand carry 係唔可以帶 lotion   嗚嗚 ~

2 大喼 + 1 細喼 + 2 個環保袋 + 1 個背囊 + 1 箱米粉 + 1 箱媽媽麵



行程 : BKK Thailand   30-NOV-2013    SAT    OX203 ( 815am - 955am )
           Hong Kong      04-DEC-2013   WED   OX200 ( 1735pm - 2130pm ) 

酒店 : BKK Marriott Executive Apartment  
           1 Bedroom Suite  ( STDBL )

Adult Charge : HK$3019 x 2
HKG Airport Tax : HK$120 x 2
Airport Security CHG : HK$40 x 2
Fuel Surcharge : HK$488 x 2
代收機票徵費服務費 : HK$40 x 2
Adult Tax : HK$195 x 2
Highseason Surcharge : HK$250 x 2
Insurance : 約 HK$170