叉燒 ( 外賣 ) + 炒油麥菜 ( 8-DEC-2013 )

( 8-DEC-2013  SUN )


今朝諗住番教會   所以教 10 點鬧鐘響   不過里奧大人話好攰   都係唔番教會想再瞓   咁我都瞓啦   12 點先起身呀   勁 ~


肯定無得食早餐   咁就食午餐啦   其實午餐同早餐嘅食材都係一樣   哈 ~

食完就去買餸   里奧大人就番屋企開工 ~


番到屋企已經 2 點   瞓得太晏 d 時間真係好唔見駛   所以拿拿聲又執衫   之後就順便執廚房 ~


5 點再飲碗湯   里奧大人話對眼好攰   想出去行下   話陪我食粉果喎   所以出去食 tea 喇   之後再去德福行下就番屋企 lu ~


今次 d 皮唔煙韌   仲要好粉添   最搞笑係我之前同里奧大人   叙苑 d 粉果皮好煙韌好好味   咁佢食咗 1 隻先   但唔敢同我講話 d 皮唔好食   因為佢驚我先入為主喎   不過我都話今次 d 皮完全唔掂   佢話好在   因為好驚我話好食呀   哈   

西多士 - 里奧大人話要有花生醬餡先好味喎   我對西多士就無咩興趣喇   因為細個食到驚 ~

燉埋肉汁   抖一陣又煮飯   其實今晚唔想煮架   不過尋晚食剩 d 餸   咁就煮啦 ~



是日懶餐 - 叉燒 ( 外賣 ) + 炒油麥菜


叉燒 ( 外賣 ) - 我連排骨都懶蒸呀   就咁喺太興買 $25 半肥瘦叉燒就算 ~    


炒油麥菜 - 尋晚食剩咗大半碟豆豉鯪魚油麥菜嘛   咁我就去街市買多 1 斤油麥菜啦   唔駛落油都可以炒成斤菜   出面食嘢 d 油真係好勁   里奧大人食菜嘅時候話碟菜好抵食   咁我唔為意   之後佢食食下又笑住講碟菜好抵食   咁我知咩事啦   佢以為係尋晚食剩果碟豆豉鯪魚油麥菜呀   佢話就係覺得好奇怪   點解會咁大碟   我話我頭先咪講咗   我加咗 1 斤油麥菜黎炒架   唔聽人講嘢 ~


搞掂哂就沖涼喇    食埋生果同零食就休息喇 ~


喺泰國買番黎嘅 Honey Comb   超好味呀  好後悔只係買咗 1 包   不過當時又無諗過買包黎試   好味再買   因為餐餐都好飽   好飽之下試食   咩都會變唔好食囉 @@