泰驚無險。買買食食嘆嘆嘆 @ 曼谷。泰國 DAY 5 (PART 1/2) ( 4-DEC-2013 )

( 4-DEC-2013  WED  Day 5 ~ Part 1/2 )

Last day 喺泰國喇   所以今朝要 8 點半起身   9 點落去食早餐   yo   唔知幾時再可以黎食呢   同埋下次再黎   我仍然係每朝食 2 碗魚蛋米   哈哈 ~

今日都多人呀   因為記得上年嘅平日係無咩人食早餐呢

呢個男仔好怕羞咁問我係咪攝影師   因為見我咩都影一餐   哈

又影下白淨哥哥先   因為我覺得佢咁白淨唔似泰國人呀

原來每日都有新嘢   可能我之前雙眼只有魚蛋米   哈哈

比哂我就好 lu

今日坐呢度   咩位置都坐過哂   呵呵

真係好鍾意張 Placemat

我望完杯咖啡之後就好驚訝同里奧大人講   原來男仔杯咖啡係大 d   女仔果杯係細 d 架   佢點頭話係   之後無啦啦問我要唔要落奶   我話唔駛   佢話佢果杯落咗奶   車   咁即係唔係男仔大杯 d 啦 -.-

呢幾餐都有食蛋   我自己都估唔到會咁 ^^

Over Easy ( 黃身半熟 )

Sunny Side Up   我食到好飽   所以呢隻係孝敬里奧大人

我嘅至愛   跟我番香港啦

其實有時一啖可以 ko 哂 d 米粉架喇   里奧大人都話我勁   真係可以日日食   駛乜講   都係果句啦   一碗得 2 啖米粉   根本唔會太飽肚囉   算啦   我都算係有食力嘅 ^^

求求其其咁擺   一定係里奧大人嘅   今日終於見到炒飯喇   哈哈

好味道   所以要打孖上   我真係飲哂架

就係呢個男仔特登拎碟辣椒粉比我架   佢見我問白淨哥哥有無辣椒粉   佢都好主動問我要咩   之後見佢好落力咁開哂 d 柜桶搵架   感動呢

我鍾意 d 酒店係插卡上房   好安全

沖埋涼搞掂哂 d 行李   11 點 check out 喇   咁將 d 行李放喺酒店 lobby   食埋 lunch 先再番黎拎 ~

我好有手尾架   執番乾淨張枱先走人 ^^

3 喼 + 2 袋 + 1 背囊 + 2 箱

終於可以日頭揹住佢喇

塞住 lift 口   唔比人入

呢個職員放緊電   哈哈

其實 Total 係 7 件   因為最後加埋個 Backpack

靜靜地等我地番黎

Book 咗 11 點去按摩   所以坐 Tuk Tuk 出去 Asia Herb Association   由於時間關係   所以做普通按摩 ( 1,100B ) ~

啱啱影到 Tuk Tuk 司機   佢好好笑容架   同埋特登等我影完先開車走呢 ^^

日光日白嘅 Asia Herb Association   好有火熱嘅感覺   吼 ~~~~~~~~~~

呢幾次我都係要 Medium   但今日個按摩員超勁大力   我要番 Light 呀   尋晚里奧大人學人要 Firm / Deep   之後佢果樣係十級痛苦   最後要改番 Medium   樣衰衰  ~ 咁我番到香港之後 2 日   里奧大人見到我隻腳瘀瘀青青  問我點撞到   我話無撞到喎   之後佢話應該係最後果日按摩按到瘀   嘩   我都話果日個姐姐特別大力架啦 @@

我鍾意咁樣比妳揀   唔駛成日問黎問去   咁樣可以安心比佢地按呢

終於儲齊印花喇   希望下次可以用到啦   哈

上次黎嘅時候   天書有 coupon   送咗 2 個 Herbal Balls

如果屋企有微波爐都會買嘅

好整齊嘅 Menu

我最鍾意係咁樣洗腳   唔係個個用同一個桶洗腳呢

我好鍾意嘅 Pattern

衰里奧大人問我買唔買番對 -.-

唔會伸到 d 腳指出黎架   哈

我地面向牆   所以無咁陽光普照架

最後都忍唔住買呢個 Key Holder   里奧大人話唔知買黎做咩喎   HK$25   佢話係得我一個會買咋喎    嘩哈哈哈

個紙袋仲靚過 Key Holder 呀

呢日未完架