別府 @ 九龍灣 ( 25-DEC-2013 )

山葵八爪魚軍艦 / 三文魚壽司

九洲拉麵

( 25-DEC-2013  WED )


聖誕連放兩日假期   實在太開心喇   不過去旅行又貴到離譜   如果唔係都幾好架   好多星期六都唔駛番工嘅   咁樣可以自制長假期   請 3 日可以放 9 日   woooooo ~


今朝瞓到 10 點 45 分呀   開機洗衫之後就到自己梳洗   唔駛心掛掛   哈哈 ~


咁晏先起身   所以去金姆指食早餐   因為早餐時間至 11 點半呀 ~



我一睇碗麵就覺得 d 麵好淋   最衰里奧大人啦   成日要淋 d 淋 d   搞到我一齊落單嘅麵都淋 d 淋 d   不過佢話唔關佢事   係擺得耐喎   哈哈

里奧大人之前成日問呢兩日有咩節目   依家唔駛諗啦   因為機頂盒壞咗   咁啱又要幫晴晴買 ink   所以就去深水埗喇 ~


食完早餐就番屋企   之後沖埋涼又抖下   差唔多 1 點幾先搭地鐵出深水埗 ~


出到去都差唔多 2 點 15 分   咁見到阿明無人排隊   所以就去食啦   次次話唔食都會去食   哈 ~



加多加多飯團 ( 大辣 ) - 終於問到一嚿嚿白色係咩來   原來係飯團   我今次要大辣   不過一 d 都唔辣   所以又係好反胃   今次真係最後一次食架喇

黃薑飯 ( 巴東牛肉 ) - 我覺得咁樣裝住都幾好   因為唔駛洗碗

里奧大人仍然食番同一樣嘢   最穩陣   同埋黃薑味真係好好味嘅

甜茶冰 - 我覺得味道有 d 似銀菊露   唉   等我仲諗住用黎解辣添

食完就去高登買機頂盒同 ink   不過真係好驚去高登   太焗喇 ~


買完都 4 點幾   里奧大人去買椰汁   我就買珍珠奶茶同炸豬大腸   因為我唔想拎住杯嘢飲   所以快快飲啦   加埋食埋 d 珍珠   所以飲完成個肚脹哂   有 d 辛苦   哈哈 ~


坐 van 仔番屋企喇   估唔到一上車就見到教友   尋晚先同佢打招呼   今日又見到   因為好小同呢位教友打到招呼架   因為佢要做司事   唔會同埋我地一齊坐嘅呢 ~


里奧大人番到屋企即整機啦   咁我就煲菊花茶   之後就執書房   原來自己買咗好多 day cream 同 night cream 都無用   慳鬼哂   嗚嗚 ~


執執下嘢   里奧大人話部機無啦啦無哂晝面   點開都唔得   所以又只能力用舊機睇高清台   仍即係話聽日又要去番深水埗喇 ~


8 點半先餓呀   咁去別府食啦   勁想食壽司 ~


食完兜個圈就番屋企喇   睇下電視又睇下雜誌   原來差唔多 1 點喇   要瞓架喇   不過我又唔話好眼瞓喎   唉 ~