做冬 @ 姑奶屋企 (大埔) ( 21-DEC-2013 )

火雞 @ 大家樂

自家制手撕雞 x 2

自家制燒肉 x 2 

炒三色椒 x 2   仲有灼西蘭花同芥蘭   不過無影到呢

白汁闊條麵

炸春卷 x 3

沙律

壽司 (外賣)

壽司 (外賣)

壽司 (外賣)

( 21-DEC-2013  SAT )

今朝同 8 卦食早餐   咁我當然食先啦   佢食嘢實在太快喇   好耐無食五香肉丁米   覺得有啲辣添呀 ~

菇場無嘢做   諗住 Hea 到放工   點知 12 點先嚟忙   忙到放工呀   仲要遲多 2 分鐘走得呀   哈哈 ~

番九龍灣 Join 埋里奧大人去 Mega Box   又係去飲茶   飲到 2 點幾就走 lu ~

龍蝦片好味呀

花旗參上湯鮮竹卷 - 里奧大人自己食哂   呵呵

沙律明蝦角 - 里奧大人話喉嚨唔舒服   所以唔食呀   不過我話唔得囉   又唔早講   點都要食 1 隻   最後我唯有咬哂啲脆邊   咁就會少咗啲熱氣   哈哈 

潮州蒸粉果

皮蛋瘦肉粥 - 我講明唔食薄撐同馬拉糕   呢啲太飽肚嘛   咁里奧大人話好啦   之後話要食粥

薄脆又係我食哂

勁想食呀   所以去大班買嚟食   不過食完超級漏

因為會 join 埋水姑入大埔   所以就周圍行下咁啦   唔想又番屋企之後又出嚟 ~

咁水姑又話可以早啲走   咁其實 Mega Box 無咩好行   又差唔多 4 點   啲時間唔拖唔水咁   所以我話去 McCafe 飲咖啡   其實去完泰國之後   我好想坐定定 Relax 咁嘆杯咖啡呢 ~

薑餅人咖啡 / 薄荷朱古力咖啡

裝到好滿㗎   好在係里奧大人拎咋   如果我拎就應該漏哂出嚟 lu

好喇   有得飲喇   但已經唔熱啦   哈哈哈哈

真係唔想行 Mega Box   所以坐 Shuttle Bus 走人   去水姑屋企坐好過   我覺得今日係九龍灣一日遊 ~

等到佢 6 點就出門口喇   坐 74X 入大埔   勁塞車呀   坐到我呆呆滯滯 ~

落車之後   水姑話想食蛋撻   咁就買嚟食   之後再食咖哩魚蛋   咁我要去阿婆豆腐花度買辣椒腐乳   里奧大人同佢又每人食碗熱豆腐花   但我唔食㗎   因為咁樣食都會好飽肚囉 ~

去到原來已經 8 點   原定係 7 點半開餐   不過無計啦   塞車之餘無啦啦又食埋嘢   所以遲咗   哈哈 ~

食到 9 點半   諗住 Call 的士   但估唔到無人覆   所以最後都係搭巴士番屋企   呢日真係好邪   諗住打的入打埔   最後水姑早咗就可以坐巴士   諗住 Call 的出九龍   但最後都係搭巴士番屋企   其實咁都好   因為始終要兜 3 個地方   車費每程都可能要 $2xx   坐巴士慳好多囉 ~

番到屋企 11 點幾喇   超勁攰   沖埋涼抖陣就瞓喇 ~