八方雲集 @ 九龍灣 ( 19-JAN-2014 )

韭菜水餃 - 勁想食嘛   所以額外叫多 5 隻   但食餃子原來真係好飽肚   因為我要自己食哂呀   嗚嗚   同埋今次唔太熱   有隻仲係生生地咁添呀   恐怖     

招牌水餃

韭菜鍋貼

辣味鍋貼 - 要加 $2.5   加多幾滴辣油咋噃

台灣麵線 - 今次唔熱囉   好在唔係期待食佢咋

紫菜花枝丸湯 - 我無食呀   實在太飽

( 19-JAN-2014  SUN )

今朝勁喇   瞓到 11 點幾   里奧大人一起身就問番唔番到教會   我話 11 點幾喇   點番呀   佢話以為係 10 點幾咋喎 ~

唔食早餐喇   沖埋涼就直接去酒樓同媽咪家姐飲茶喇 ~

我勁想飲咖啡   所以去麥記買杯咖啡就算   但原來都已經 $14.5 一杯喇   咁叫個麥樂雞餐都係 $21   所以又叫咗個餐   拎去酒樓食囉   比薯條家姐食   哈哈 ~

上次里奧大人食雞扎嘅時候   咁媽咪話想食魚肚 + 冬菇   雞就唔食喇   因為食咗雞飯嘛   所以今次里奧大人又叫黎食   諗住同媽咪 share   算佢啦   不過我話囉   唔同媽咪食佢都一樣食雞扎啦   雖然我唔食   但見到都驚   所以佢成日食   依家就更加驚   哈哈   下次應該唔會再食架喇 

又係里奧大人話食艇仔粥架   佢好細心架   每人分一碗   話大家 share 一齊食喎   車   食唔哂就食唔哂啦   懶好   衰人   食粥好鬼飽家嘛

飲到差唔多 2 點幾   飽到無朋友   樣樣食剩小小   所以要猜輸食   不過我話唔得囉   邊個叫邊個食   因為里奧大人叫得最多呀   嘩哈哈哈哈 ~

呃得里奧大人多   依家好難呃佢喇   慘   咁今餐我話猜包剪揼   不過無話猜贏定猜輸請   因為我諗住里奧大人贏就話猜贏請   輸就話猜輸請嘛   點知佢猜之前居然記得問猜咩先   咁我話佢話事啦   佢話猜輸   點知佢輸   之後佢比錢啦   番黎笑哂口   然後話佢嘟咗八達通呀   衰佬   因為我幫佢交卡數家嘛 ~

之後媽咪自己去做運動   家姐就要我地陪佢去阿信屋買糖果   一齊買嘢真係好開心呢   買完就各自歸家 lu ~   

我覺得 2 隻兔仔好得意呀   仲要係太空糖添   所以買呀

我幾鍾意食呢個牌字嘅糖   估唔到出埋薑味   所以又買黎試下

實在勁飽   所以行埋日本城先番屋企 ~

諗住比電話媽咪朋友   再去花園街行下   但又好似好趕咁   所以就諗住只係去花園街就算 ~

里奧大人又要用 gmail 整電話號碼   起碼 2 個鐘   咁我都開機洗衫 lu ~

佢搞掂哂都 5 點幾   又凍冰冰   所以我話唔出花園街喇 ~

呢期勁想食餃子   所以又去八方雲集喇   不過今次 d 食物唔夠熱囉 ~

超勁飽   里奧大人又話口渴   所以去麥記食冰雪新地   坐陣又行去 Market Place 買生果   再行陣商場就番屋企喇 ~

沖完涼就睇電視休息   都係抖多晚先熨衫 ~

其實唔眼瞓   不過 11 點幾都要瞓架喇 ~