別府 @ 九龍灣 ( 1-JAN-2014 )

七味炸三文魚骨

鹽燒秋刀魚

飯團 ( 觟 & 明太子 )

飯團 ( 明太子 )

嘅三文魚壽司

吞拿魚壽司

( 1-JAN-2014  WED )

嘩   2014 年喇   希望個個人都開心健康   凡事感恩   珍惜所有呢 ~

一早諗定好去長洲行小長城   不過我地無教鬧鐘呀   瞓到自然醒   但我 10 點都醒咗 lu   咁我就拆信啦   見到 Aeon 寄張新卡比我   仲有 $30 coupon   咁我梗開心啦   所以里奧大人一起身   我就話唔去長洲   去 Aeon 買嘢   但我驚自己睇錯嘛   無理由咁 so   所以叫里奧大人再睇多次   佢問我有無睇 d terms   我求其話有呀   之後佢話   人地話消費滿 $300 先可以用 $30 coupon   都唔知我睇咩   嘩哈哈 ~

梳洗完之後就去太興食早餐   感恩等咗 10 分鐘就有位呢 ~

食完番屋企抖下   想入西貢睇日落   但咁早去又無咩嘢做   咁諗住入赤柱   不過里奧大人話唔好咁遲番屋企   因為佢有公司嘢做   但佢話照入赤柱   我話如果入赤柱   來回真係用唔小時間   咁不如去銅鑼灣啦   所以最後決定去銅鑼灣喇 ~

好感恩去到巴士站   等咗唔夠 1 分鐘就有車喇   因為假期要等好耐架   之後我聽到隔離講話呢班車等咗好耐添呀 ~

咁去旅行社睇下資料   諗住新年去旅行嘛   咁假期唔多都係東南亞啦   台中同台北要 $8,000 一位   但其實我又唔太想去台灣   咁問新加坡啦   佢仲勁   無哂經濟位   只得商務位   初三出發   4 日 3 夜要 $20,850 一位呀   我初初以為佢寫錯呀   之後我問係咪兩萬一位 ?!   佢話係喎   我話講真   去新加坡 4 日 3 夜真係唔值呢個價錢囉 ~   

因為我想買甜糕點   所以去 Sogo 地庫先囉   但我唔記得咩嘢樣   要 d 時間搵   里奧大人對零食真係無咩興趣架   佢一行入去已經打喊露   但佢都會陪我搵嘅   如果唔係我實會話鬼佢   哈哈 ~

不過最後都搵唔到   咁就繼續行 Sogo 喇   行到差唔多 2 點半就走喇   講明唔食南記   所以就行咗 2 條街   睇下有咩食   不過又無咩想食   里奧大人又話餓   所以最後去番南記啦   咁南記其實都 ok 嘅   酸辣米線夠哂開胃嘛   去到又係等咗唔夠 1 分鐘就有位喇   仲要係卡位   非常非常之感恩呢 ~

我嘅春卷魚皮餃小鍋米線 ( 中辣 ) - 食咗咁多年   我依家先知可以咁樣雙拼咋   因為次次都唔係我排隊買   咁里奧大人又唔會咁細心咁逐樣睇家嘛   因為佢眼中只有豬腩肉春卷小鍋米線呢 

里奧大人嘅豬腩肉春卷小鍋米線 ( 小辣 )

我依家鍾意食埋 d 冬菜

食完就去希慎   又入去 GAP 睇下先   又比我買到筍嘢   就係 2 件線衫喇   d 質地真係好 soft 架   仲要係 $148/件   抵呀   之後再去誠品   點知去咗 11 樓   原來係 food court   咁就兜個圈睇下有咩食先   估唔到有 Triple's-O 呀   下次要黎食 ~ 

之後落番去 9 樓誠品喇   依家無咁多人去襯虛   所以行得都幾舒服   又比我見到天仁茶   仲要排隊買添   里奧大人問我飲唔飲   我梗唔飲啦   啱啱先飲完凍咖啡   無理由又飲珍惜奶茶囉    所以話下次要買番黎飲呀   哈 ~

行到 5 點幾走喇   諗住坐巴士家嘛   不過有遊行   所以封哂路   咁唯有搭地鐵啦   又熱又焗勁辛苦呀 ~

好口渴呀   所以去德福麥記食思樂冰新地   飲完之後勁凍   麻煩啦   哈哈 ~  

左手篤電話   右手拎住雪糕筒   雙眼又望住電話   當我唔存在啦   所以我唔準佢成日咁樣   要同我傾計呢 ^^  

番到屋企里奧大人就做公司嘢喇   我就開機洗衫同煲中藥   差唔多 8 點先去食嘢   諗住 8 點唔駛等位添   我地等咗 15 分鐘先有位呀 ~

食完諗住行下   但因為都已經 9 點幾   里奧大人仲未做完嘢   所以都係番屋企喇 ~

沖完涼就休息 lu   我自己 11 點半就瞓覺先喇   呢排夜瞓   濕痕又搵我呀   我唔想見佢呀 ~