傷心酸辣粉 @ 深水埗 ( 4-JAN-2014 )

精選 2 人套餐

傷心酸辣粉 - 我叫中辣   因為上次小辣唔辣嘛   點知今次辣到爆炸 @@

皇牌口水雞 ( 下例 ) - 好味   但食咗酸辣粉之後   辣到好辛苦   所以我將 d 雞點滷水汁呀   哈哈

滷水拚盤 - 細細碟   樣樣都薄切切   切功好勁呀 @@

紅油蒜蓉青瓜 - 酸酸辣辣咁囉   我都係鍾意食蒜泥多 d  

柑桔話梅雪碧/ 凍菜蜜

( 4-JAN-2014  SAT )

呵呵呵   今日 off 呀   不過都係 10 點起身呢 ~

家姐今朝會去星展搞嘢   我起身就即 whatsapp 佢搞掂未   估唔到佢已經搞掂哂   所以叫佢去太興搵位   我地梳洗完之後就即飛落樓喇   哈哈 ~

辣肉碎扎肉米粉 - 呢個好味呀   下次再食

雞扒腸仔配牛油多士

頂級午餐肉滑蛋公仔麵

家姐轉飲泡沫咖啡   侍應話特登整到咁喎   無嘢好講 -.-

食完就一齊番屋企  等我沖埋涼就一齊出門口架喇 ~

同家姐一齊行去巴士站   之後我地就搭地鐵去尖沙咀拎藥   咁我同家姐手分之後   隔無耐就會 whatsapp 問佢喺邊   直到佢番到屋企為止   我就唔 whatsapp 佢架喇 ~  

咁佢覆我話要去搵媽咪朋友呀   因為電話打極唔通   無理由會咁喎   驚佢有事呀   嘩   嚇瓜我啦   所以我狂打電話   但打極都係留言   屋企電話又無人聽   之後我話可能佢無交電話費呢   我要比番 d 正能量比自己呀 ~

但其實聽完之後我心都離埋   因為我地當媽咪呢個朋友係親戚黎架喇   買咩都會預埋佢   不過我就好小探佢   家姐就有啦   好多時有新年曆呀   新銀紙都會拎比佢   又會年年排隊都買蛋卷比佢架   我就衰啦   無去探人   計落都起碼有 10 年無見添呀   我真係好衰好衰呢 ~

之後我仍然狂打比佢啦   隻手真係不停咁打電話   個口就不停咁祈禱   咁拎完藥就再打比家姐   睇下駛唔駛一齊去佢屋企   但家姐話唔駛   咁我就同里奧大人行下先   不過其實我都無心機行架喇   因為我真係好驚   唯有一路行一路打電話一路祈禱 ~      

因為我之前團購咗個12合1多功能切菜百寶箱同埋張特大矽膠墊   所以要出旺角   咁順便行埋女人街   之後先去換嘢   咁家姐仍都到咗親戚屋企   但無人認門呀   所以家姐就再問管理處   再打去醫院   又周圍睇下見唔見到佢 ~
   
之後我再問家姐駛唔駛一齊搵   佢又話唔駛   咁我地都去咗換嘢先喇   咁去到嘅時候就按飛等換購啦   但要等 25 個號碼   咁家姐打黎話管理處 d 人話幾日無見親戚呀   嚇死人啦   因為要報警嘛   所以我地即走喇   叫家姐打 999 先   我地即飛的過黎 ~

咁里奧大人話口渴   所以去 OK 買嘢飲先   正想打的嘅時候   家姐打黎話搵到親戚喇   嘩   感謝主   我開心到我喊呀   如果家姐遲 1 分鐘打黎   我地都已經上咗的士喇   但家姐話原來打過比我地   不過打極唔通   因為我地搭緊 lift 嘛 ~

咁我地即刻上番去拎嘢啦   喺門口已經聽到我地個 number 喇   所以叫里奧大人飛去呀   因為我地無諗過咁快   同埋無諗過會番上去拎呢   哈 ~

呢兩件事當中   我切切實實感受到神嘅保守帶領   因為前後 1 分鐘時間   所做嘅嘢係完全唔同呢   感恩感恩 ~

之後我地打的去親戚屋企喇   叫家姐等埋我地一齊食 lunch ~

坐緊的士嘅時候   我同里奧大人講話要買部平安手機比親戚   所以里奧大人即上網搵資料   同埋打去問有關資料   仲留埋佢自己電話做聯絡人   我真係好感激佢咁盡心幫我呢 ~   

上到屋企   親戚見到我就非常開心啦   因為真係好耐無見嘛   等佢笑住   我就即刻話佢喇   今次真係比佢嚇死   家姐話我去到嘅時候   個咀唇係白哂架   大佬   真係好驚架 ~      

家姐再同我講   如果佢早 5 分鐘黎到就真係報咗警架喇   因為親戚當時仲未番到屋企   但家姐話其實佢 12 點半已經黎過屋企   不過無人認   所以家姐要走黎走去問人囉 ~ 

丫   原來親戚真係無交電話費呀   所以頭先落去交電話費囉   真係唔知好嬲定好笑   不過佢交咗一年電話費   所以就唔同佢申請平安手機喇   等佢完咗約先申請   同埋好在佢都有平安鐘   咁都好 d ~   

差唔多 2 點 45 分   諗住同佢一齊食嘢   佢又唔食喎   因為佢已經食咗嘢   咁我地都走喇 ~

同家姐一齊去食 tea   估唔到一連兩餐都一齊食   好似啱啱同佢食完嘢無耐又食咁   哈 ~

炸雞肶薯條

干炒牛河

家姐仲搞笑啦   佢話驚到諗埋 d 鬼故情節呀   痴鬼線   叫佢咪睇咁多鬼片架啦   自己嚇自己 ~

食完都 4 點喇   咁去家品店買嘢   之後家姐去美心買 cake   里奧大人無啦啦又話想食栗子 cake   食食食 ~

原來黃色果粒係栗子   我成日見到都唔知係咩黎架   哈

之後同家姐去洗手間   家姐問我有無 tissue   我都未答佢   佢已經講話唔知咩美心餅卡   咁我話我要 1 張 ( 其實我係話要 1 張 tissue )  佢好快咁話話佢無美心餅卡架喎   笑死我啦   我係要 tissue 唔係要餅卡呀   痴線 ~

家姐坐巴士   我就同里奧大人行去黃金商場   因為想買部手機比親戚呢 ~

經過西九龍中心又行下啦   行下行下覺得有 d 攰   之後我話唔行喇   但原來已經行咗個幾鐘 ~

咁去埋鴨療街   我第一次去咋   原來都好多人行   因為 d 嘢真係好平   買開 $59 嘅   呢度買 $20   暈喇 ~

行完就去番黃金果頭   見到牛丸哥哥呀   超勁開心   因為成日唔記得佢喺邊嘛   所以即買鮮蝦卷同墨魚卷   再買埋墨魚丸就去食嘢喇 ~

我勁想食傷心酸辣粉   但今次我覺得好辣呀   慘 ~

食完就去買電話   感恩買到部平靚正 Nokia 112 手機   $378 仲要係行貨   啱哂老人家呢 ~

今晚搭地鐵   不過就去油麻地轉車   因為我想坐呀   哈哈 ~

番到屋企即沖涼喇   頻頻樸樸真係好攰呀   所以 11 點瞓喇 ~   

12合1多功能切菜百寶箱 ( $98 ) / 特大矽膠墊 ( $39 )