煎鮮蝦卷 / 墨魚卷 + 沙茶醬炒油麥菜 ( 5-JAN-2014 )

( 5-JAN-2014  SUN )

今朝 9 點半起身喇   之後去麥當勞食早餐   好耐無食佢地嘅早餐喇   咁里奧大人無啦啦加咗 $1 轉即磨咖啡比我   點知我一開蓋睇   根本係普通咖啡   即刻去換番呀   如果係里奧大人飲咖啡呢   佢一早飲咗添呀   因為佢都唔睇嘢嘅 ~

食完就番屋企抖陣   沖埋涼就番教會喇 ~

奉獻完就走喇   里奧大人去剪髮   我就去街市買餸呢 ~

番到屋企家姐就打黎   話準備開車到停車場喇   我又要急急腳落樓呢   今次係我比把鴻運扇同埋掛衣格比佢   其實我諗住捐出去架喇   估唔到家姐咁啱想買鴻運扇   咁就實比佢啦 ~

里奧大人番到黎都 2 點半   等佢沖埋涼就去食 tea 喇 ~  

番到屋企即開機洗衫   之後就燉肉汁   5 點就飲媽咪煲嘅湯   時間過得好快呀下 ~

7 點預備晚餐   星期日多數呢個時間食飯   咁樣食完之後可以早 d 休息 ~   

是日懶餐 - 煎鮮蝦卷 / 墨魚卷 + 沙茶醬炒油麥菜 

煎鮮蝦卷 / 墨魚卷 - 喺牛丸哥哥買架   一磅 $33   我每樣買半磅   雖然分開袋   阿姐仍幫我打唔同嘅結   不過我都唔知邊樣打邊樣   哈   因為味道同個餡又差唔多咁喎   呵呵   今次超勁有心機煎架   所以無煎燶架   真係好開心呢 ~

沙茶醬炒油麥菜 - 又係好有心機炒架   慢慢逐小逐小落鑊炒 ~

早食早休息   如果平時係咁就好喇   今晚 11 點可以瞓喇   開心開心 ~