冰梅欖角骨 - 呢個又係姑奶必叫㗎 但呢個好味喎 豬扒炸到脆脆哋 個汁又甜甜哋 我識整就好 lu
南乳什菜煲 - 好鹹
豉汁涼瓜燜斑塊 - 姑奶至愛 中午又叫 夜晚又叫 百樂門一日唔摺埋都會叫呢個餸
蒜香九肚魚 - 我叫㗎 但食咗 2 嚿 真係頂唔順啲口感 哈哈 好在姑奶拎走咋 唔係嘥哂
里奧大人今朝唔舒服 所以 S/L 佢應該感冒啦 前晚無啦啦包雲吞 之後就成日話攰 ~
早餐食芝腿治 之後 8 卦又嚟埋 我睇完報紙先同佢傾偈 因為我鍾意睇報紙介紹食嘢同玩嘅地方 睇完都開心啲呢 哈哈 ~
菇場唔忙喇 可以做自己嘢 爽 ~
今日有 Lunch Box 但食完都唔出街 lu 因為落大雨 ~
無啦啦好鬼眼瞓 如果無哂人喺度 我估我應該可以瞓着呢 ~
今晚里奧大人去接姑奶機 之後去食飯 咁我都 Join 佢哋啦 ~
咁放工去惠康買嘢先 再約埋姑奶一齊去百樂門 佢哋 7 點幾都到 可以開飯 lu ~
四舊腹肌笠..早呀! 今日落長命雨呀! 佐涼返好多囉
回覆刪除小奧又會無啦啦感親既~都怪你照顧不周..嘩哈哈哈哈!衰
唔怪得果日見佢都唔太精神啦~大家都要好好照顧自己~小心身體呀
點解住香港都要接機? 其實真係好怪+好依賴咁囉
我姨媽佢地返黎都拎超勁多野~但佢地都係自己落機去坐車出市區架
你姑奶全家都堅依賴人~咩都要人幫手(話時話..都好似阿喂~衰)
我都覺得自己好勁呀 覆咗一個世紀咁 哈哈~
刪除佢無啦啦係咁包雲吞 我以為佢鼻敏感咋
估唔到係感冒 好在佢肯睇醫生同休息
唔係就惹埋我架喇 大家真係要好好保護身體
病一病真係有排先復原呢~~
我講漏咗呀 姑奶喺澳洲扭親腳呀 佢都叫小奧唔好接機
但小奧堅持接佢呀 見佢都gut下gut下慢慢咁行 慘~
不過姑奶成家都係依賴人架喇 但佢地又真係對我地好好
一話去澳洲就話一定要買蜜糖同梘液比小奧
諗住佢得把口 點知真係買哂番黎 所以妳話有時係咪嬲佢唔落丫?!