打邊爐 @ 家姐屋企 ( 11-JUN-2016 )

家姐同工人分頭行事買嘢   家姐問點解買粟米嘅 ?!   工人話我鍾意食   但就唔記得買豬潤   所以激死家姐   哈哈   因為佢想我食豬潤補血

食剩一半

又係食剩一半

炸魚皮 

家姐話見到金菇即買   知我鍾意食   

芫茜皮蛋湯底   

打邊爐三寶   但家姐最驚係蔥  

呢個麵係   家姐同工人都話辣  

我成日話要試   真係越食越辣喎   所以最後係佢哋兩個要食哂  

( 11-JUN-2016  SAT )

今朝 8 點起身   去到茶餐廳都已經 8 點 40 分   仲見到 8 卦   咁唯有一齊食啦 ~

菇場唔太忙   可以做下私人嘢   呵呵 ~

里奧大人今日同佢屋企人去掃墓同食飯   我就唔去喇   所以我今晚會去家姐屋企食飯   家姐問我打唔打邊爐 ?!   我話唔啦   驚佢買好多嘢食   咁佢話想煮住家飯比我食   我話又唔想   哈哈   所以我話都係打邊爐   佢話會買丸呀炸魚皮呀豬潤呢啲   但之後佢又話會煮龍躉同炒菜心   仲問我食唔食咖哩雞 ?!   我話乜唔係打邊爐咩 ?!   佢話佢都亂咗   哈哈   佢講咗幾次話只係想整我鍾意食嘅嘢   其實我本來諗住同佢食壽司㗎   因為佢鍾意食嘛   不過都知佢唔制㗎喇   因為工人喺度   佢想工人煮嘢我食   唔想我成日食街嘢 ~

放工即走   我勁想濕嘢   所食同里奧大人食麻辣米線 ~

里奧大人見我着水靴   之後問我今朝係咪問佢嘢 ?!   我話就係問你今朝着唔着水靴囉   不過佢答睇下出面點先 (= 無答)   之後佢笑哂話我黐線   人哋瞓緊覺鬼知妳問人乜鬼咩   哈哈   咁又係 ~

一陣格 "甩底味"   之前湯底唔係咁嘅味㗎   同埋係白色湯底家嘛   嗚嗚 

食完番上屋企抖陣   里奧大人 2 點半出門口   咁我就執下衫 lu ~

我執到 4 點半諗住抖陣再執   咁問家姐做緊咩啦   佢話等我   咁我話唔執喇   佢就嚟車我去佢屋企 ~

去到佢屋企就抖下   傾下偈   隔離屋嘅工人整咗碟菜餅比家姐工人食   咁佢哋好想我食   因為要夾辣椒先好味喎   佢哋知我驚辣   所以好鍾意睇我食辣   我一話好辣   佢哋係咁笑   變態   哈哈 ~ 

家姐咬咗半隻辣椒   我已經覺得好刺鼻   連家姐都話辣   所以我一定唔食   哈哈 

工人話未熟嘅辣椒先辣   

呢袋指天椒起碼 1 斤   同我平時買 1 斤菜嘅重量都差唔多

家姐好開心用印花換咗個萬用鍋

點知穿窿   哈哈   咁其實佢應該要換埋另一個囉   好在工人睇到咋   唔係家姐照落水煲嘢就搞笑

B 仔瞓喺我隔離   

麥包就長期避鏡頭   哈哈  

6 點幾車姐夫出去   咁我都出埋去呢   番到屋企坐多陣就開餐喇 ~

今次好在無咁多嘢食咋   但都好鬼飽囉   個肚就黎爆咁   家姐仲問我食唔食薯片   我話飽到連水都飲唔落呀 ~

食完就一齊睇下電視   我話好似上星期六先一齊睇咁   真係完全唔記得上星期六見過唯   之後佢見到有梳乎蛋嘅碗   問我得唔得意   我話千奇唔好買比我   我已經將所以梳乎蛋轉移比里奧大人接管 ~

B 仔好攰 lu

但又八八卦卦周圍望人

9 點半走喇   家姐車我番屋企   里奧大人都沖埋涼添呀   所以佢又睇狼牙捧   我就去沖涼   之後就睇下旅遊書   差唔多 12 點就瞓 lu ~