泰感動 @ 曼谷。泰國 Day 1 (PART 1/2) ( 25-JUN-2016 )

( 25-JUN-2016  SAT )

今朝 8 點半起身喇   沖涼之後再 Double Check 哂行李   熄好哂煤氣制水制就出發喇 ~

9 點 10 分到巴士站   感恩等唔夠 1 分鐘就有 A22 ~

放行李位置得番 3 個喼位咋   所以最怕中途站上車去機場囉   我哋 9 點 15 分上車   10 點 17 分先到機場   坐咗個幾鐘   我記得之前坐 A 車唔駛咁耐架喎   依家要 1 個鐘呀   即係又貴又耐喎   一程每個人都要 $39   我哋仲要行 15 分鐘先到巴士站   咁下次打的算喇   半個鐘頭搞掂   我唔係心急趕住去機場   而係接受唔到 A 車行車時間耐咗咁多囉 ~

望住藍天白雲   心情真係靚好多呢

里奧大人不停用手機影相

坐極都未到咁嘅

里奧大人全程用手機影相   因為佢要試下點用部機   又想睇下影相有咩效果

的士上面   好似有架飛船咁

未起好嘅公路

白雲又烏雲

阿喂喺 Line 話 T2 好多嘢食   咁我哋以為佢叫我哋去 T2 啦   因為我地次次都係 T1 上機家嘛   但原來我哋係要去 T2 Check-in   哈哈   又要行嚟行去   比着以前實黑面   但依家唔會 lu   脾氣真係好咗好多呢 ~

企定定影相留念   睇番都好開心㗎   雖然次次都影同一個地方   哈哈

仍然係 2 個背囊 + 2 個中喼 + 1 個細喼   咁我講明今次唔會亂買嘢   所以里奧大人話不如唔好帶細喼   我話唔好囉   如果一陣買多咗嘢   咁咪無喼擺嘢囉   都係帶埋穩陣啲   嘻嘻

今次我哋坐泰航 TG601 (13:25 / 15:05)  番嚟就 TG602 (18:30 / 22:15 )   其實真係好想坐早機   不過無計啦   無機位嘛 ~

次次都係里奧大人辦登機手續   之後佢會袋好哂所有証件   我只係得錢跟身   所以佢責任好大㗎   好感激佢成日都咁照顧我呢

里奧大人話以為紫色牌嘅人係真人

曼谷 TG601 (13:25) - Gate 50   好想快啲到 1 點呀   哈哈

勁鬼餓呀   Check-in 完都差唔多 11 點   要即刻去食早餐喇   食完就精神番啲喇   同埋我覺得 T2 好焗呀   焗到有啲想瞓 ~

睇 Menu 啲相就好正咁   點知賣相原來係咁   豬扒無味道嘅

食兩份早餐要 $92   我真係覺得貴㗎   凍飲仲要加五蚊雞添

食完行陣   里奧大人又買咗支原子筆   仲要係佢鍾意嘅款   好在只係 $98 咋   果然係文化界囉   最鍾意買筆同買薄   但買咁多都唔知做乜   哈哈 ~

消磨時間   所以周圍影下相

行完諗住睇下離境位置   點知原來係要去番 T1   咁又好喎   嗰邊多嘢行好多嘛 ~

衰里奧大人話我   一知道有嘢買   真係零舍行得快   大佬   爭取時間嘛   你以為機場會成日來嗎 ?!

12 點又到番 T1   好熟悉嘅感覺呀   呵呵   同埋真係無咁焗囉 ~

12 點 10 分又嚟到呢到喇   呵呵呵呵   但無 Minions 嘅

最鍾意拎住唔知係呀 Chip 定呀 Dale 影相

行到 12 點 40 分就去坐無人駕駛去 48 號閘口   雖然指示清晰   但如果我一個人去搵去搭   我都會驚   實在太依賴喇 ~

里奧大人去洗手間   咁我喺附近行啦   比我喺 MAC 買到支 Orange 色唇膏   $155 咋   我睇開嗰啲要 $2xx 㗎   咁我又唔捨得買囉   唔係成日搽嘛   但搽咗之後   真係判若兩人   個人精神好多呢   哈哈 ~

去閘口喇

我呢期勁鍾意 Minions 嘛   咁啱新 Monday 雜誌有呢個二合一頸枕 Cushion ($88/本)   之前已經諗買唔買好   因為我番到嚟香港   都應該比人買哂架喇   估唔到又會喺機場見到   咁里奧大人話 $88 都 OK   咁我先買咋   因為屋企已經有 2 個呢啲 Cushion 嘛 ~

我一見到有黃色嘢就特別眼利   呵呵

里奧大人好好呀   比佢張八達通我嘟   但嘟兩次都唔得囉   原來佢頭先買完支原子筆   張八達通已經係負數   即係要我自己比番

其實我應該都唔會用㗎喇   唔捨得嘛   同埋我呢日一定唔會用添啦   頭先出咗汗   唔想整污糟佢呢   之後里奧大人摸下佢條頸話無汗   可唔可以借佢用   我好大反應話: 咦   之後佢喺度大笑   話試下我喎   同埋都知道唔會比佢用   哈哈 ~

咁今次去旅行   最唔慣係唔駛打比媽咪   但我會向住天空同媽咪講我去旅行呢 ~

但我一定打比家姐嘅   其實我打嘅時候已經開始想喊   好在佢同同事飲茶   地方好嘈   所以我講完 "我上機喇" 即收線   即轉去飛行模式   因為我已經喊緊 (我番到香港之後   家姐問番我上機係咪喊呀   話把聲好似喊   想打番比我   但已經唔通呢) ~

就係因為咁   我一路排隊一路係咁喊   喊到上機坐低為止   嚇親里奧大人了 ~

坐低無耐   見到電視銀幕上面有小強   嚇鬼死人咩   即刻叫里奧大人同我消滅佢呀   嗚嗚 ~

一見到紫色就會即刻諗起家姐

估唔到有熱辣辣嘅濕紙巾抹手

2 點派餐   點都要食下嘅   不過麻麻哋囉   其實次次去泰國食飛機餐   我最期待係佢哋嘅甜品   因為勁想食芒果椰果布甸呀   哈哈 ~

我成日覺得   如果去泰國   飛機餐應該整泰國菜   有番啲特色嘛

睇 Just for Laughs   我好鍾意睇㗎   因為真係幾好笑   哈哈

當地時間 3 點唔夠落機喇   好多人 Check-out 呀   所以我都係鍾意坐早機多啲   哈哈 ~

感恩去到行李輸送帶就見到自己嘅行李   當時都 3 點半 lu

唔會買啦   因為睇唔到阿 Tim 個樣   同埋要 299B   好貴囉

拎完行李就即去買電話卡喇   仲諗住去 Dtac 買卡   原來已經無咗   咁去 true move 買啦   因為多人買呀   夠穩陣 ~

搞掂哂都 4 點   去搭的士喇   等咗 5 分鐘車   依家改為按飛   真係樣樣都電子化 lu   之前仲係人手幫妳截的士㗎 ~

落去搭的士 lu

都有唔少人排隊搭的士呢

電子化了

拎飛仔

綠色燈位置係顯示 Lane Number   不過我影唔到   雖然有的士黎緊   但唔知佢停喺邊囉   我覺得幾亂下

其實真係唔方便   因為佢哋都唔知會有幾多人同行李   好在我哋坐大車   唔係又要去番排隊按飛

曼谷好多唔同顏色嘅的士   真係唔知佢哋分別係啲乜   好在呢架都乾淨呢

4 點 06 分開車   勁興奮呀   哈哈

奇怪點解天橋會有天窗 ?!   原來係的士塊玻璃反射出來嘅

藍天白雲呀   希望之後幾日都係咁啦

有烏雲

呢架的士貼咗好多 "唔比踏腳" 嘅 Label

十字架

仍然係無乜車嘅公路

我覺得呢隻象好恐怖

好小機會見到紅噹噹嘅屋

要收費喇

差唔多到㗎喇   我記得轉左轉左又轉左咁   去 Marriott 最正嘅地方   係唔會經過好似去 Siam 塞車嘅馬路

初初覺得係吉盒   但見有膠條封住㗎喎   即係有洗衣機啦   佢好勁呀   因為洗衣機好重家嘛   轉過彎真係隨時反車都似

塞緊車呀

可以 Snapshot   好難得影到唔同顏色嘅的士   哈哈

見到中文字   好有親切感   同埋比我感覺係一間老舖呢

其實都幾想試下坐街邊食嘢   但見到車來車往就唔係咁敢試 lu

唔知呢啲屋有無人住呢 ?!

差唔多 4 點 50 分到 Marriott   勁興奮呀 ~

里奧大人第一時間 Check-in   仲做埋 Member

依家有 Welcome Drink 喇   之前無㗎   毛巾好大陣香茅味   勁香呀

呢間 Marriott 喺曼谷排第 8 位   好勁呀   因為曼谷有 8xx 間酒店嘛

5 點 05 分可以上房 lu   抖咗 10 分鐘就坐 Tuk Tuk 出去喇 ~

依家多咗公司喺度搞講座   因為我見到好多人喺度出嚟   個個着哂 Suit 咁   真係睇見都熱   哈哈

望番出去 Lobby

上到房喇   呵呵呵呵

好多零食呀   最搞笑里奧大人好緊張咁叫我 "千奇唔好食呀   要比錢㗎"   我話鬼唔知咩   哈哈

仍然加錢住 Suite   每人比多 HK$100/晚   雖然比多 HK$800   但我都覺得值得

斜望係呢座 Building   都應該係貴嘢㗎喇

左手面係一個空蕩蕩嘅停車場   泊得 6 架車咋

今次住 27 樓   好開心呀   低中高層都住過哂   呵呵

呢日未完㗎 ^^