我覺得今日睇嘅嘢 真係好似度度都一樣咁 哈哈 ~
另一邊
唔同設計
好金呀
金色太撐眼 望番淺紫色就舒服好多呢
又見到佢
綠色呢個設計好靚呀
望上去都好靚
行到都唔知邊 lu
又係一對對的
啲人要影相 所以將頂帽放喺度
我睇住個強國細路仔係咁 fing 終於比佢 fing 甩啦 之後嚇到佢即走呀 佢地破壞力真係好強
好靚呀
有路就行
頭先都見過呢啲塔
唔知係咩建築物 影完相之後 行過啲啲就有陣涼風 勁舒服呀 所以我哋都抖咗成 10 分鐘先再行呢
迷你版好得意
見有地方坐 不過係坐樓梯 照坐喇 因為都幾攰
坐喺度休息都唔錯
地下同樓梯都好乾淨
今日條頸好攰 哈哈
天花板都好靚
靚 我覺得呢日講咗好多次靚咁呀 哈哈
啲衫褲顏色好靚
我地用 2 部相機 + 2 部電話影相 手機唔駛校時間 但相機要 -1 個鐘 所以整相整到我頭都暈 最慘唔知點解 同一地方影 但啲時間相差 10 分鐘 但 10 分鐘內又可以去另一個地方影家嘛 真係好亂
我地周圍行 問人點去 Great Palace 因為我地覺得呢度似廟 (但後尾睇番 原來大皇宮就係咁 哈哈) 我地問嘅人 一個話出面一個話入面 一個話入得一個話已經關咗門 即係點呢下 ?!?! 所以我地最後決定放棄 同埋我地都無去到臥佛寺 蝕咗添 ~
出番嚟呢度
職員話行出去就係大皇宮
出番嚟呢度
職員話行出去就係大皇宮
又見到呢棵植物 好記得去黃山嘅時候 重點介紹呢啲價值連城嘅植物囉
之後都無得行嘅 所以走 lu
飲埋支水就去 Asiatique 喇
3 點半走人喇
3 點 47 分上車 其實都有啲塞車
呢座 Building 設計非常之特別
咁多中文字 唔通又到 China Town ?!
如果可以落去行下 影下相就好 lu
唔記得橙色袍嘅人叫做咩添
好想行呢啲橫街窄巷
中間呢間屋係無嘢圍住 咁落雨咪入哂水囉 ?!
無高樓嘅地方 望落去真係好舒服呢
我見過幾架巴士 架架都好殘舊
終於落雨了
司機無啦啦駛入油站 我以為入油啦 原來佢要去洗手間 但佢條車匙仲留喺車度 好信得過我哋呢 哈哈
4 點 15分左右到 Asiatique 但落毛毛雨呀 所以去 KFC 食嘢 勁好味 ~
到 Asiatique 喇
好在 Menu 有英文 不過無都唔驚 手指指就得啦 哈哈
呢度 5 件雞 (136B) + 1 杯大汽水 (50B/杯)
Chizza (42B/件) - 我覺得一般
52B/3隻 呢隻雞膇勁好味 因為好香辣 下次再來曼谷 我一定要再食
終於無雨喇
即行入去睇喇
里奧大人見到榴槤 Pancake 話想試
我好鍾意睇人煎 Pan Cake
榴槤 Pancake (89B)
我食到一大啖嘅榴槤肉 因為里奧大人食嗰部份係得少少榴槤肉呢 呢刻好感動 佢對我真係好好
睇下其他嘢先
呢間美珍香 Cashier 數完啲紫菜卷 就好大力掉番落去籃度 輕手放唔得嘅 ?! 衰
但繼續行下囉 一場黎到嘛 呢日里奧大人要着長褲嘛 之後佢就全日昅住啲男人 睇下係咪全部都係着長褲 哈哈 我話唔係又點呢下 ?!?!
里奧大人無啦啦同我講 終於見到妳要嘅嘢喇 原來係摩天輪 @@
好天到呢
喺呢度買酒都唔平
我覺得呢個場無咩嘢好睇咁 可能仲未開哂舖啦 我估夜晚黎會好好多 起碼無咁熱
上面對 @ @ 係吹啲冷風出黎架 超勁正
又係呢啲 最搞笑聽到後面個香港男人 叫個女人唔好買鎖掛喺度
唔知幾錢一份呢 ?!
我話同佢地影張相 里奧大人叫我快啲行去影 我話怕咩喎 @@
摩天輪附近有得玩高卡車 價錢都唔平
里奧大人驚我攰 所以佢話自己行前去睇幾點開船 我就坐低抖下 ~
呢度係幾舒服嘅
苦力 諗起啲人抬米
張木櫈同行人路幾乎係平排
都幾多人行
張木櫈同行人路幾乎係平排
都幾多人行
日落了
差唔多行到碼頭 lu
成日就咁放低背囊 我次次都要撓番住佢㗎
一齊影相留念 真係好開心呢
可唔可以唔好咁快晚黑呀
6 點開船 15 分鐘左右就番到碼頭 lu ~
去到碼頭
我以為係我地坐嘅船添
佢煮緊嘢食
比警察休息嘅地方 好似係警察 定係巡邏隊呢 ?!
總知唔比其他人入去啦
飄喇
海邊成堆垃圾
呢隻船滿哂人 見到有人企添呀
18 點 13 分落船 lu
之後見到條人龍排隊 都有 80 人
話咁快就 6 點 20 分
經過呢度先去碼頭 類似公園咁 有長長嘅櫈 我見有人喺度瞓添
又坐番 BTS 去 Phrom Phong 7 點到 Emquartier 咁諗住去 Food Hall 食嘢 但里奧大人又唔係咁啱食 咁行番去 Emporium 但因為之前裝修過 所以好多食店都無咗 lu ~
跳大媽舞 ?!
好多人搭 BTS
人來人往
呢度就係 Food Hall 喇
行番去 Emporium 我覺得曼谷細心之處 就係當落雨就會開帳篷 咁我又去得小地方 可能其他國家都可能有
行去對面商場 完全唔會濕身呢
我唔肯定係咪之前食過嗰間 所以打開 Menu 睇一睇 一見到個糯米飯 就好肯定係之前食過嗰間喇 勁開心呢 因為真係好好食㗎
我成嚿放入口㗎 最後食剩 3 嚿 真係食唔落
酸甜醬其實都幾漏
Tiger Herbal and Lemongrass with Honey Lemon Juice (65B) - 我想飲多杯㗎 但驚飲完就食唔到嘢
我地坐卡位 所以好舒服 呢餐食咗 894.52B
本身 Book 咗 8 點半按摩 但唔想咁急 所以改咗 9 點按摩 今日出咗成身汗 點都要沖一沖身先去按摩呢 ~
最緊要係 NON SMOKING FLOOR
落大雨呀
我哋揀 (950B/120 mins)
開始篤喇
搞掂
我真係覺得一入去就好 Relax 㗎喇
對拖鞋都好舒服㗎
入去按摩喇
里奧大人換衫先嘛 之後佢第一句就話: 套衫妳實鍾意 之後我換衫啦 啲質地舒服到呢 如果可以買嘅話 我一定會買幾套㗎
好鍾意呢啲水龍頭
仍都好鍾意呢個電話
11 點幾按完 估唔到好快就兩個鐘 環境真係一流 可惜今次好大力 之前上網睇都話裝修之後 按摩員都無以前咁好 個個都好大力 但都係果句 點都要試嘛 點知真係好大力 哈哈 咁好啦 聽晚唔按喇 慳番啲錢 ~
行路番 Marriott 估唔到咁夜都係車來車往 之前真係無咁多車㗎 無嚟兩年半 真係唔同哂 不過條街都係好寧靜 行得好舒服 ~
見到枱面有張 Notice 只有英文同日文 所以更加肯定呢度好多日本人住呢
今日買嘅手信 當日記得價錢 依家咩都唔記得 lu
今晚 12 點先瞓呀 但其實真係好唔捨得瞓 因為無咩幾何坐喺梳化 hea 呢 哈哈 ~
呢日行程完畢
价值连城的植物叫富贵花啊！马来好多人种。因为，好难种太潮湿根部会烂的。
回覆刪除些些打令 妳果然對花有研究呀下 但千其唔好發花顛就得 哈哈~
刪除兩笠..返到屋企未呀? 我開始煮ing飯啦
回覆刪除大皇宮果個花塔好靚呀~全部都係花圖案
依日行程行左好多路~好在你有影你自己
我仲諗ing白色衫果個唔係你呀ma..好明顯係大媽動作囉(哈哈)
(2)aisatique感覺好似夜市先多人+熱鬧咁
刪除幾似清邁行果d形式~不過泰國道道都係咁上下
個榴槤pancake入面全部榴槤肉好正~你睇小奧幾好呀
依d動作通常係我留比阿喂先會咋!嗚..你好幸福
(3)嘩..! 晚餐個五花腩好正呀
刪除睇見到脆~同埋kfc果個雞膇又係正囉
今日講完雞膇已經想食炸雞膇~依家見到勁想食
小奧個湯都正呀~哈哈!如果我都飽而又唔係我叫
我真係唔會飲架~邊個叫邊個負責ma..咁飽飲ed好辛苦
不過杯香茅飲品好正~飲完好消暑咁囉
(4)行左全日..夜晚去按摩勁c服啦
刪除依間環境真係好好~入去已經覺得好c服
同埋..通常又有香薰呢~好relax
房都好舒服呀~獨立房好有私隱
依家全電子化好in~人手都慳返唔少又唔會出錯
(要錯都係自己按錯囉..嘩哈哈哈哈)
除三笠~
刪除1010 我都覺大皇宮果個花塔好靚呀 突然間諗起花塔餅 哈哈~
呢日行勁多路啦 好在係平路 我好OK架~
白色衫個大媽 佢影相時真係忘我境界咁影 當正自己係沙龍主角 哈哈~
(2)除三笠~
刪除Asiatique 係夜晚先多人+熱鬧架 但我唔想留到咁夜
加上又無冷氣 更加想快d走 哈哈~
無錯呀 其實泰國道道都係咁上下~
哈哈 又讚小奧 依家我唔會咁易比佢感動到lu 呵呵~
呀喂蝦妳就堅嘅 哈哈 但佢都好緊張妳 只不過唔表露出來啫~~~~
打1,2,3打到亂哂 哈哈 唔打喇~~~~
刪除除三笠~行到攰再去按摩真係好正 但呢間手勢已經無咁好lu~
我真係好鍾意呢間嘅環境架 真係好RELAX
同埋香薰味道好正 但唔記得係咩味添~~~~
獨立房超級正呀 個心唔駛成日驚比人笠嘢 哈哈~
嘩 呀笠 絕對認同妳呢句 "要錯都係自己按錯囉"
其實我真係唔係咁鍾意電子化 感覺好冷冰冰咁
但依家唔電子化又好OUT咁 哈哈~