大煲皇煮廚 @ 荃灣 ( 9-JUN-2016 )

蕃茄豬軟骨湯底   阿 mi 話蕃茄魚頭湯   阿喂問邊度寫住蕃茄魚頭湯呀 ?!   阿 mi 之後話睇錯咗隔離嗰行   抵啦   成日話我睇錯嘢   呵呵

墨魚滑 - 好似對鞋裝住咁   哈哈

水餃 - 好味呀   不過唔鍾意有筍絲  

阿 mi 第一時間問呀喂食唔食脆肉腩   我真心覺得佢好細心   佢次次都問我同里奧大人食咩   阿喂食咩   佢唔會話自己想食咩咁先㗎   同埋次次實夾嘢比我哋先   所以真係樣樣一定要有 4 件  唔係佢會無得食㗎

豬粉腸 - 得里奧大人唔食咋   細個成日食及第粥   最鍾意食粉腸呢   蘸豉油胡椒粉好好味呢   我話食呀   阿喂喺度笑   可能以為我講笑

黑豚肉 - 好奇怪喎   明明好鮮紅色㗎   點解影到咁啞色嘅   咁我哋 4 個都唔食牛   頭先我同阿 mi 話依家出街打邊爐已經轉食豚肉   但阿喂居然唔信   慘啦   我發覺同我越來越熟嘅人   就會越來越唔信我講嘢   一係就係阿 mi 成日話我吹水唔抹咀   無理由阿喂會咁對我   哈哈     

阿喂最快手 "北" 嘢   自己 "北" 完   好似無問老婆要唔要   呵呵   不過我唔會怪佢   因為里奧大人都係咁   次次出去食嘢   如果食粉麵   佢拎自己果對筷子㗎咋   所以我會問佢   我係咪要用手食粉麵呀 ?!   但我唔係港女囉   咁一齊食就一定拎埋人哋嗰份家嘛   家姐同我哋食嘢   次次拎嘢都 3 份㗎   唔會就咁拎自己嗰份   同埋我都唔會就咁拎自己嗰份囉

唔記得今次飲咗 6 支定 8 支   

開心黐牙時

椒鹽三文魚 (免費) - 新鮮熱辣   我鍾意食呢

( 9-JUN-2016  THU )

7 點 15 分起身   刷牙沖涼之後即落樓食早餐喇 ~  

食完就番上屋企抖陣   約咗家姐 8 點 45 分喺九龍灣地鐵站   去到葵涌再搭的士上去 ~

我哋 9 點 40 分都到咗   但負責人未到   同埋我哋要等埋馬婆婆先可以見 Fat Fat   佢差唔多 10 點到   簽埋名就可以見 Fat Fat   家姐叫我唔好睇   話唔同哂樣嘅   因為媽咪都係咁   所以我都唔睇喇   其實我唔係驚   自己親人駛乜驚   只係知道自己望完之後   個心會好唔舒服囉 ~

我又係咁喊喊喊   所以其實都唔知儀式幾點開始   負責人問邊個按制   我見馬婆婆都唔想按咁   但其實我一早諗住都係我同家姐按   所以我哋一齊行埋去按   Fat Fat 無牽無掛喇   一路走好 ~

其實媽咪走咗之後   我都無打比 Fat Fat   我都覺得好內疚   但嗰段期間   我連家姐都唔想打比佢呀   真係心情跌到落谷底   總知同邊個講電話就會想喊   同埋我又無家姐咁有心成日拎嘢比 Fat Fat   所以我對住 Fat Fat 又係帶住一份歉意 ~

天文台講話今日會落雨雷暴   感恩儀式進行當中都好好太陽   到搞掂哂   等緊小巴先灑咗一陣雨   之後落車都無雨 lu ~

無諗過落到葵涌地鐵都只係 11 點唔夠   但表妹又未番舖頭   我哋諗住早去早剪   點知原來佢已經有客   同埋講好 2 點   所以我哋坐地鐵去荃灣行陣啦   又去行新之城   我買咗 1 件衫同 1 條褲   家姐就買咗 1 條褲   我覺得今日心情放開咗好多   因為有 Mood 睇嘢同買嘢 ~

咁我叫里奧大人話比阿 mi 知我哋喺荃灣   其實無諗過約食飯   因為我會同家姐食嘢嘛   又唔知剪到幾點   所以唔敢約佢食飯   最搞笑里奧大人問我做咩要同 mi 講   我話我一到荃灣就會同 mi 講啫   無咩嘢喎   哈哈 ~   

其實唔太餓   但要搵地方坐   所以去金坊   去到只係 11 點 55 分   佢哋營業時間係 12 點   我話應該開咗門喇啩   所以照上   原來已經有幾枱人 lu ~

泰式甜酸烏頭飯 ($59) - 好味呀   但食唔哂碗白飯   實在太大碗   同埋又唔餓   所以食到飯已經好勁   佢哋直頭唔食飯添呀 

香茅燒豬扒河粉 冬蔭功湯底 ($52) - 我覺得超級大碗啦   我睇個侍應行緊過嚟嘅時候   我心諗唔會咁大碗呀嘛

咁對比又唔係好大   激死            

青木瓜絲沙律 - 我唔記得叫小辣   好在家姐喺度   哈哈 

飛天通菜 (+$25) - 好難食喎   無厘味道   啲菜又老

菠蘿沙冰 (+$6) / 芒果沙冰 (+$11/杯)

冬瓜湯 (餐) - 無胡椒味嘅  

食下傾下   1 點走人   經過正隆行   買咗 2 Pack 檸檬夾心餅   我同家姐講話之前我完全無興趣睇嘢買嘢睇零食   家姐佢話佢都係咁呀   因為我哋都係好為食   一見嘢食會企定定研究嘛   所以我同家姐講話今日終於有番啲心機睇零食   可能今日又搞掂埋 Fat Fat 啲嘢   算係鬆咗一口氣呢 ~

去到表妹度   佢同客剪緊髮   咁我地坐低等下   感恩好快到我哋   哈哈 ~

其實我同家姐洗唔洗頭都得   咁佢可以同里奧大人剪先   咁我話我同家姐洗啦   我正想開水喉   表妹又過嚟   問家姐有無圍毛巾喺條頸度   我哋話無呀   哈哈   比佢鬧死   大佬   我又唔係做呢行    無呢個 Concept 嘛   諗住一瞓低就洗   最後都係表妹同家姐洗頭   哈哈 ~

對於我嚟講   我其實覺得自己啲頭髮好長   里奧大人就最憎   話我個樣好攰喎   我話短頭髮個樣都一樣攰囉   呵呵

之後我剪完就洗頭啦   個水龍頭壞壞哋咁   凍水洗頭呀   洗完頭就成個人凍哂   我望下自己個樣   咀唇係紫色呀凍到   之後係咁搓手   個人先無咁凍咋 ~

無諗過 4 點唔夠就搞掂哂   家姐想飲凍奶茶   附近得一間茶餐廳   咁入去啦   不過麻麻哋   但無計   家姐一陣喺附近坐巴士番屋企   唔想佢行咁遠 ~

食食下   里奧大人話阿 mi 話如果我哋未走   佢哋就搵我哋   咁無問題啦   今晚仲可以一齊食飯添 ~ 

我其實今日全日都無睇 Line   所以唔知道我哋個群組講咗啲咩   反而今日里奧大人就有睇 Line   因為我同家姐買嘢睇嘢   佢無嘢好做   哈哈   真係好在佢睇咋   唔係我都唔知阿 mi 話見面呢 ~

阿 mi 喂 4 點半到   呢間茶記唔掂   所以話轉場   阿 mi 話去麥記   咁我叫里奧大人同阿 mi 喂去麥當勞先   我陪埋家姐去美心買蛋糕再 Join 佢哋 ~

唔記得講咩   阿 mi 無啦啦講 Ban-na-na   我覺得好搞笑   哈哈   里奧大人又成日喺屋企講 Ban-na-na 㗎   因為佢次次一講我就會笑    所以佢成日氹我笑   佢真係好好 (唔衰嘅話) ~

家姐係都要送我去麥當勞   之後話要同阿 mi 喂講拜拜   唔係好似好無禮貌咁   我話阿 mi 喂成日食好嘢㗎   家姐一入到麥當勞   就好認真同我講   佢哋可能去 McCafe   因為 McCafe 啲咖啡好飲啲   哈哈   咁我哋睇過唔見佢哋   之後里奧大人就打比我   以為佢真係轉場   原來佢喺問我飲咩   哈哈 ~

家姐同阿 mi 喂講拜拜之後就走喇   頭先我問家姐   如果佢見到阿 mi 喂會唔會認到佢哋 ?!   佢話認到   之前見過嘛   之後佢問係咪里奧大人朋友 ?!   我話唔係呀   係我朋友黎㗎   寫 blog 識㗎   家姐就話係咪煮嘢食好叻嗰個呀 ?!   整蘿蔔糕比妳嗰個 ?!   我話係呀   佢話阿 mi 唔似識煮嘢食   因為十指纖纖   同埋我話阿 mi 打扮又唔似師奶   哈哈 ~

咁諗住一陣食飯   所以地方要坐得耐啲   但佢哋話我首要條件係要有冷氣   之後阿喂話有間飲啤酒好平   $20/2支 Asahi   咁就呢間啦 ~

喺麥記坐到 5 點幾就走喇   其實呢間麥記地方幾大   但就好焗囉 ~            

阿 mi 帶我買胡椒粉   但無開舖   最搞笑有個呀叔企喺店鋪前面   佢好激動同我哋地講話今晚收 6 點   因為頭先佢嚟到   話店員同佢講收 6 點   可能人哋唔做佢生意   所以咁激動   哈哈 ~      

我話想買車厘子   阿 mi帶我去買   順便買埋恐龍蛋就去食店喇 ~

今日我哋成日講錯嘢   唔記得邊個話啤酒 $20/3 支   我就講咗 $10/2 支   衰 mi 即時串話平過飲汽水   咁又係呀   汽水細細支   啤酒大大支 ~   

次次一叫嘢食   里奧大人就最大反應   話成日叫人叫乜叫乜   最後又話唔好叫乜叫乜   所以佢唔叫嘢食呀   衰衰咁   呀 mi 都係衰   成日和應佢   哈哈 ~

講開煮嘢   我有次好開心同 CC 講話會煮粟米湯同炒脆肉瓜   條友就話就咁粟米湯無肉碎 ?!   脆肉瓜就咁炒 ?!   我阿媽會加啲瘦肉炒㗎   咁樣好食啲   所以我成日話佢   佢唔識煮仲咁多要求 ?!   人哋唔知以為妳自己煮嘢好勁   家姐又係㗎   又話煮呢啲   點解唔加乜加乜   阿姐姐   妳個妹煮嘢唔係好掂㗎咋   用蒜蓉炒菜已經好勁㗎喇   以前只係灼菜咋 ~

好喇   我呢晚又講呢單嘢   阿喂居然話: 係啦   唔識煮咁多要求   哈哈   講完出嚟比自己老婆串番轉頭   佢仲唔醒   之後講多次佢先知串緊佢   所以呢   里奧大人好好㗎   成日話出去食   曲線話我啲嘢唔好食   哈哈 ~

傾呀傾   阿喂講開佢媽啲嘢   我又忍唔住喊咗出嚟   頭先同家姐食下午茶   又係一講媽咪即喊   不過都係喊兩嘢   所以我好驚咁囉   一喊就個氣氛變得靜哂   嚇死阿喂   哈哈   因為我喊唔關佢事嘛   只係我諗起媽咪   同埋其實有時話題牽涉到阿媽   真係好難避免 ~

食下傾下   兩杯落肚   阿喂問我同阿 mi 識咗幾多年 ?!   阿 mi 話 18 年   我嗰下都覺得原來咁耐㗎喇 ?!   再諗番應該無咁耐喎   所以阿喂話 8 年呀嘛   呵呵 ~

我飲咗半杯啤酒   但突然間好凍好凍   呀 mi 即問我要唔要熱茶   我本來話唔要㗎   始終夜晚飲茶驚瞓唔着   但實在太凍   所以都係要囉 ~

4 個人傾   好多時未講完東就講西   所以有時里奧大人同阿喂傾   我同阿 mi傾   講極唔完   不過都 10 點喇   阿喂驚我哋夜   所以埋單走人 ~

佢哋送埋我地坐小巴   我回頭一望仲見佢哋   好在我回頭望咋   唔係好似唔理佢哋咁   哈哈 ~

我同里奧大人一前一後坐嘛   之後坐喺里奧大人隔離個叔叔好好人   話同我哋調位   我哋話唔駛   但佢好快企喺身行出嚟   咁我都快快手轉位喇   因為差唔多開車呢 ~

咁同里奧大人傾偈啦   我係咁手指指   唔知點解我講嘢真係要手指指咁㗎   人哋唔知以為我鬧緊人   之後我話頭先都成日手指指住阿 mi 傾傾添   可能阿喂以為我鬧緊佢老婆都未定   哈哈   呢個手指指習慣真係要改   因為好似好無禮貌咁 ~

番到屋企都係 10 點半左右   即沖涼喇   之後又 Line 下   差唔多 12 點先瞓呢 ~