Pizza + 香蒜大蝦炒意粉 ( 12-JUN-2016 )

( 12-JUN-2016  SUN )

今朝 9 點 45 分起身喇   刷牙沖涼落樓食早餐 ~

食完就番屋企抖陣   之後番教會喇 ~

講完道都已經 1 點   遲咗好多呀   所以我哋都要走喇 ~

里奧大人同廣州親戚去長沙灣飲茶   我就約家姐同媽咪工人去 Pizza Hut 食嘢 ~

媽咪工人特登黎探我哋㗎   家姐話佢見到家姐即喊   嚇鬼死家姐   原來佢話好掛住家姐   見到好開心   所以就喊喇 ~

依家佢新屋企好遠   所以我比番錢佢搭車   一比錢佢就喊   係都話唔要   話我哋對佢已經好好   只係好想見我哋   不過我點都要比囉   話叫佢慢慢用 ~

佢食咗好少嘢   我哋係咁叫佢食嘛   佢話見到我哋兩個都好飽   哈哈   即係話見到我哋好開心   唔駛食嘢都得 ~

周打蜆肉湯 / 蘑菇忌廉雞湯 & 紅莓夢幻 x 2 - 呢個套餐原價 $348   用 Enjoy Card 就 $313 

野莓雜菜沙律 

蜆肉焗薯蓉

香蒜大蝦炒意粉

海鹽 Tabasco 烤雞 (車打脆香芝心邊)

之後買埋蛋糕比佢拎番屋企食   佢約咗朋友去銅鑼灣   咁我同家姐送佢搭地鐵   佢又喊呀 ~

里奧大人同我講話   佢家姐話如果我情緒仲係咁   即係仲係咁喊   可能要去睇心理醫生   其實初初真係驚自己情緒有問題   樣樣嘢對我都毫無意義   好負面咁   但依家諗諗下   我喊真係好正常啫   媽咪嚟㗎   媽咪走咗個幾月咋   我情緒未平復真係唔出奇喎   可能佢同阿媽啲感情無咁好啦   可以個幾月就復原囉 ~

我熨埋衫就抖陣   6 點開始煮嘢 lu   其實今晚只係焗番熱啲嘢   同埋炒熱啲意粉就搞掂   不過咁都要搞半個鐘 ~

洗埋碗就諗住落樓下散步   點知落雨   咁沖涼休息 lu ~

家姐去 AEON 買嘢   係咁打嚟問要唔要乜   總知佢買嘅就會打嚟問我要唔要   之後佢又買咗咖啡同甜豉油同餅乾比媽咪工人   我話對佢好過對我   我明明要 2 支甜豉油   佢第一時間話比支媽咪工人   哈哈   不過如果媽咪工人要哂都無所謂   最緊要佢鍾意就得喇 ~

今晚 11 點都瞓喇   聽日要番工 ~