泰感動 @ 曼谷。泰國 DAY 4 (PART 2/2) ( 28-JUN-2016 )

( 28-JUN-2016  SUN  Day 4 ~ Part 2/2 )

食完又繼續行   里奧大人去洗手間   咁我喺附近行住等   唔好放過任何睇嘢嘅機會   反正帶咗 Walker Talker   唔怕走散呢 ~

咁頭先睇咗番梘   所以行多個圈就諗住買架喇   去到見到個男仔   咁我再問佢幾錢啦   佢話 130B/3 pcs   嘩   頭先個女仔話 110/2 pcs 咋   好在我無同個女仔買啫   之後我拿拿聲比錢   唔係一陣個女仔番嚟會反口   但我覺得個女仔好唔老實囉   之後落下一層   見到啲番梘仲平   暈喇我 ~

買咗 25B 支嘅薄荷油

又買咗 2 盒呢啲牙膏

再買埋 35B 一盒嘅薄荷膏就收手 lu

里奧大人話頭痛   又有啲發冷   嚇死我啦   之後我話買 Panadol   佢話唔知有無   我話等我黎   第一次咁積極問嘢   哈哈   依家喺泰國呀   病就麻煩   唔係因為驚無得行買玩   而係驚啲藥唔知啱唔啱自己   食完仲衰就慘啦

又黎呢間音樂好強勁嘅舖頭買平嘢   呵呵

100B/2 pcs   咁啱我個卡套爛咗   所以就買 2 個

落番去睇其他嘢 lu   Mister Donut 個位就係以前 Black Canyon 個位呢   所以我以為佢摺埋咗囉

真係底衫貴過面衫   但見啲質地都舒服   所以叫里奧大人買 3 件灰色背心 (600B/3件)

我同家姐每人一件   我長身佢短身 (180B/件)

200B/件咋   仲要係長袖 1 pc   所以買 2 件   實在太抵喇

滿載而歸

里奧大人去洗手間嘅時候   我就將啲衫卷好去   5 件放入 1 個膠袋   咁樣好拎好多呢   佢呢幾日成日偷影人   所以我要全日縮肚戒備狀態   哈哈

4 點半行完   又去 Isetan 睇下   點知有擺攤檔呀   又落去睇下 ~

熱到呢   其實好想去麥當勞食辣雞翼   佢啲雞翼又係香辣惹味   可惜我好飽啦   唔係食番幾隻

Sawadee

曬曬曬

Isetan 出面有個參拜嘅地方

Isetan 入面就有好多 Hello Kitty

我一影相   佢就好自然偷影人   有時我知道佢係偷影緊我   因為我企喺度咁耐   無理由佢仲未到呢

一塊塊係沙糖多士   個樣好脆好好味咁   諗咗兩次買唔買   最後都係唔買   因為太多喇   同埋林咗好難食呢

蛋白餅呀   所以要買喇   我想食好耐呢 (190B)

走人 lu

頭先間 ABC Cooking Studio   睇唔到佢地煮啲咩添

坐番 BTS 番 Phrom Phong 喇    如果買 2 張飛就要入 2 次錢   我覺得呢方面要改善下

5 點番到 Emporium   咁等 Shuttle 啦   兩大袋嘢唔想行   今次真係要等 Shuttle 喇   5 點 10 分都行定去等喇 ~

@ Emporium 多數買貴嘢   所以我無咩興趣

試包先   好味再買

好一般啫   上網睇啲人講到唔買必後悔咁   不過我都買咗 3 包唔同味   真係好抵   同埋我都鍾意食呢啲蔬菜片   但香港買就好貴   所以唔捨得食呢

沖埋涼抖陣   6 點半出發去頌通 ~

好好瞓

我就影下相咁啦   比我望到 BTS   不過唔知係邊個 BTS 站

望下其他 Apartment   比我見到 Tesco 標誌   呵呵

咁知道 Tesco 對面係 Big C Extra   所以都應該知道條路點行 lu

唔想嘈住里奧大人   所以入房影下相   房望出去係咁嘅

洗手間   有 4 條大毛巾同  8 條細毛巾   最正係有浴室磅   呵呵   同埋我第一日都摸過洗手盤係爽架   咁即係真係日日抹呢

浴室用品   估唔到用 Thann 品牌

我一定唔會照頭淋架   個鼻入咗水係好辛苦呢

Conditioner / Shampoo / Shower Gel

浴缸   我無浸呀   因為我懶得洗缸   同埋企缸嘅花灑水力都好勁   所以次次沖涼完都好舒服

洗衣籃   用完佢咃啲毛巾就放入去   咁樣整齊好多呢

再額外多 1 盒紙巾 + 1 卷廁紙

關了洗手間門係咁嘅

打開係咁嘅

衣柜   個夾萬好穩陣   我唔記得去邊間酒店   個夾萬係鬆鬆地架   恐怖呢

開了門嘅房間

6 點半 lu

呢個入口係去 Cafe 嘅   即係食早餐嘅地方

Marriott 嘅露天茶座

搭 BTS 就向左走

我地去頌通   所以向右走

沿途車來車往

呢度好多 Apartment

原來呢度有間麥當勞㗎   咁下次再嚟   可以 Check-in 完就嚟食雞翼 lu

真係好想入去呢啲住宅睇下

唔知係咪放工時間關係   度度都好多車呢

6 點 45 分黎到   但話入面已經 full 哂   咁熱都照坐出面啦   好感恩唔夠 15 分鐘   有個人走埋黎話入面有位   叫我地入去坐呀

見到 Red Ruby   其實諗住飯後甜品   不過最後太飽   乜甜品都無食呀

Pork Satay 150/300   係大同小嘅份量價錢   我哋一定係要小份量嘅   兩個人食唔到咁多  同埋里奧大人驚肚痛   所以我想食咖哩都無得食

猛火炒通心菜 (100B) - 有鑊氣   正呀

Pork Satay 150B - 勁正   下次嚟嘅話會再叫

最緊要有酸青瓜   食完無咁滯

炸蝦飯 (180B) - 唔知係咪已經飽飽哋   所以覺得麻麻哋好食   雖然係新鮮熱辣

里奧大人唔食塊皮   咁我慢慢拻塊皮啦

唔記得係乜嘢茶同幾錢   但有一大壺比我地嘅   每人可以飲 2-3 杯㗎   個侍應好細心   問里奧大人係咪一個人飲 ?!   佢話係好大壺   驚我哋飲唔哂呢   而全場得我地飲熱茶咋   哈哈   但其實飲熱茶好舒服   因為呢幾日飲得太多凍嘢呢

頌通酒家門口

喺呢度燒豬肉串

8 點行到 Big C Extra   舒服過行水門果間呀   因為無咩人   咁第時我可以黎呢間買嘢 lu   咁行番去 Marriott 又方便   唔駛行上行落搭 BTS   所以我真係好鍾意住 Sukhumvit 區呢   行到 8 點 40 分就走人喇 ~

見到 Big C Extra 喇

勁興奮呀   我自己

終於見到 Beauty Buffet   之前喺好多 BTS 站都有佢踪影架

好多 Trolley

殺入去睇喇   真係好鍾意行外國嘅超市   好鬼大間囉

好在仍然係 99B/支   所以即買多 2 支

仲買咗支細嘅剃鬚膏   方便去旅行用

上網睇話源順號胡椒粉好出名   又買 2 支試下先   我同家姐每人 1 支

嘩   終於搵到喇   價真棧係 $18/10包架   呢度 152B/30包   即係 HK$1.13/包   話時話   又唔係平好多咋喎   哈哈

香港超市仲未有呢隻青檸味   但九龍城好似有得買   不過一定貴啦   我依家唔係薯片狂   所以買 2 包比家姐之外   我都只係買咗 1 包比自己咋   因為 35B一包真係好吸引

家姐鍾意 Honey Butter 味道   所以我點都要買 1 包比佢

原味反而要 55B   定係大包啲呢 ?!

薯片呀   點解妳要咁脹卜卜呀   咁樣好難帶哂妳番屋企喎

又諗起呀喂話啤酒好平   但真係唔覺囉

嘩   HALLS 呀   即掃幾盒

估唔到里奧大人話要買 2 包花生   咁先係路嘛   主動話買下零食   哈哈   佢今次醒喇   佢話要 wasabi 味道   我見綠色就拎啦   點知原來係紫菜味   好在佢睇到咋   唔係買錯就慘   因為係難得佢話要買嘅零食嘛

我覺得買得好小零食咋   不過咁都好   年紀大都係唔好食咁多零食

9 點番到 Marriott  就即沖涼   之後 pack 嘢喇   冷氣好夠   真係 pack 得好舒服呢   之後再影埋相做紀錄   攰過番工   哈哈 ~

里奧大人知我執嘢影相   驚我悶   係都要開 Despicable Me 比我睇   真係當我細路仔咁

成堆零食放哂喺枱面分類

無影到一箱冬蔭功麵   所以我覺得今次買得好小零食咋

就係呢 30包即食麵   所以好在帶咗細喼   可以放哂落去

Day 4 @ Platinum

Day 4 @ Platinum

Day 4 @ Platinum

Day 4 @ Platinum

我的戰利品

里奧大人的戰利品

執呀執   入哂喼同環保袋就最安心   聽日可以一拎就走得嘛   所以今晚成 12 點先瞓呀 ~

呢日行程完畢