元氣壽司 @ 九龍灣 ( 24-JUN-2016 )

帆立貝裙邊

芥辣八爪魚軍艦 / 飛魚籽軍艦

元氣卷 / 炸蝦卷

三文魚卷 / 三文魚腩壽司 / 海鹽赤海蝦壽司

@ 滿記 

( 24-JUN-2016  FRI ) 

番埋聽日就放假   實在興奮呀 ~

好餓呀   食芝腿治   叫完又唔係太想食   好在有時間慢慢坐慢慢食   呵呵 ~

依家我每逢星期五都會 Whatsapp 比媽咪工人話 Happy Friday 咁咁咁   等佢知道我哋好掛住佢   但平時就唔會㗎喇   驚佢比人鬧佢玩手機嘛   之後佢話好開心   因為我咁關心佢   又話依家一掛住媽咪就會喊   搞到我即入廁所喊   嗚嗚   但我話媽咪依家生活得好開心無病無痛   叫佢唔好唔開心喇   我哋大家都要一齊開開心心生活呢 ~

其實除咗我同家姐喊得最勁之外   佢都喊得好勁   仲要係坐喺地下好激動咁喊   感覺佢係失去咗媽咪咁   而唔係失去一份工而喊   火化當日   佢唔同家姐工人坐   自己坐另一個位   我問點解唔同佢哋一齊坐呀 ?!   佢話想望住媽咪   我好感動   去到食飯   佢都係無心機食嘢   咁之後到 Fat Fat 嗰日   佢同家姐講話想請假添呀   佢諗住幫手燒嘢   不過我哋話唔好呀   始終啱啱番工   咁快就請假就唔係咁好啦   其實有心就可以   好過啲人得把口   但行動就出賣咗妳自己囉 ~

菇場忙呀   都預咗   只係唔好臨放工先叫我做就得喇   因為真係要清埋先可以放假囉   哈哈 ~

Lunch Time 出去買車仔麵番菇場食   但真係要少米粉   唔係飽到上心口 ~

呢幾日都焗咗當參北芪水   係時侯要補下氣 lu   其實最麻煩係切碎   所以次次都係等到 10 點幾先焗嚟飲   因為 Pantry 唔會有咁多人   呵呵 ~    

好嘢   終於放工   聽日要好好享受 9 日嘅假期呢 ~

番到屋企就抖下喇   里奧大人放工去深水埗買電話套   咁家姐 7 點 45 分先放工   咁里奧大人就差唔多 8 點先番到屋企   所以叫佢番屋企等啦 ~

感恩家姐 8 點半左右到   啱啱有迴轉卡位 ~

食到 9 點幾就去滿記食甜品   其實大家都好飽   所以 Share 食一個芒黑白算喇 ~

之後家姐上嚟拎部 Laptop 比佢工人   家姐同工人講話如果下年番香港玩   叫佢通知家姐   咁買機票比佢過嚟香港玩   但唔好買國泰喎   因為直飛貴好多嘛   同埋可以去佢屋企瞓   但工人無反應   家姐話可能佢鍾意坐國泰機   之後 Agent 打番比家姐   話工人好驚訝話家姐買機票比佢番香港   佢話無僱主咁做過   所以比唔到反應佢   哈哈   怪錯工人添 ~

咁家姐番到屋企比部 Laptop 比工人   家姐話佢勁開心   即開嚟叉電添呀   之後打比我講多謝多謝   平時我哋買嘢比佢   佢唔會咁㗎   因為家姐話佢唔抵得我哋對媽咪工人都好   話買咩都預埋媽咪工人   所以家姐就同佢講   唔好成日以為我哋唔錫妳   妳鍾意啲咩我哋都會買嘅 ~

沖埋涼   再 Double Check 哂所有嘢都已經 12 點   要瞓喇 ~