釀雙色椒 ( 3-JUN-2016 )

( 3-JUN-2016  FRI )

星期五喇又   時間過得好快   我只想 2016 年快啲過   仍都好想快啲過咗 20 年   咁我無咁悲傷 ~

早餐食魚柳餐   咁 Whatsapp 比家姐睇   家姐話好大塊   里奧大人話難得我食到   叫我食多啲   哈哈   原來家姐之前同里奧大人傾偈   里奧大人話我無瘦到   但肚腩細咗   佢哋驚我唔食嘢   但其實我唔食嘢都唔會餓親啦   大把脂肪燃燒 ~

菇場忙下停下咁囉   家姐今朝請假去胡中搞媽咪上位啲嘢   但因為今個星期二請咗半日   唔敢又突然間請假   唔係我勁想陪家姐   次次諗起請假就諗起個死西瓜   話所有嘢有程序   唔會突然間要做   咁依家就係突然間要搞手續囉   只不過有啲嘢可能唔駛西瓜自己搞   佢就以為係咩都跟程序囉   諗起都激氣   哼 ~

家姐去大酒店約埋上位時間就搞掂哂   都差唔多 12 點都搞掂哂   佢都即番公司 lu   呢排晏畫佢都同同事出去食 Lunch   咁我就放心哂   因為佢之前唔食嘢㗎   又成日 OT 到 10 點幾   驚佢餓壞呀 ~

Lunch Time 出去買零食比家姐   再買 4 Pack 豆豉鯪魚   今日惠康 92 折呀   所以一定要買   哈哈 ~

再買多包 Pocky 比家姐   呢排真係無記性   家姐話 Blueburry 味先好味   原來我尋日買嘅係 Grape   咁今日即買番 Blueburry 味道   最搞嘢我每買一次都係得一款味   所以見到就買囉   買咗 3 次比佢   3 次都係唔同味   但其實佢話 Blueburry 先好味   是但啦   哈哈   

勁想食粉果同腸粉   咁買啦   但食咗幾條腸粉就好後悔買咁多嘢   餓辛苦但飽都好辛苦   呢期一食啲嘢就脹胃咁   煩呀 ~

今日已經飲咗支夏枯草   但都仲係好攰   咁伏喺枱啦   真係瞓着咗呀   瞓咗 8 分鐘   好記得我最後望個時間係 16:45   我一醒已經係 16:53   嚇死我呀   因為老闆喺度家嘛   但果下真係好鬼攰囉 ~

之後我好肯定自己瞓着咗   因為好鬼精神   我再試下伏喺枱度都瞓唔到呀   哈哈 ~

放工去街市買鯪魚肉就番屋企喇   條街超級勁焗熱呀 ~

里奧大人 7 點半放工   咁我都開始煮嘢 lu ~

是日懶餐 - 釀雙色椒 

釀雙色椒 - 本身係 3 色椒架   不過隻青椒壞咗   買咗半斤鯪魚肉   再釀雙色椒   份量都好多   好在我夠懶   將辣椒一開四   咁就有啖啖肉效果喇   哈哈 ~ 

食飯嘅時候同里奧大人傾偈   之後佢同我講嘢   我呆咗好耐   之後 Feel 到佢眼定定望住我   我先知我又發呆   所以我話我依家最開心係睇 Minions   佢就第一時間開比我睇   其實我睇嚟睇去都係果幾 Part   但睇完之後真係開心番啲咁囉 ~

搞掂哂就開機洗衫   之後沖涼休息喇 ~

咁里奧大人話想聽日睇 X-men   上網見仲有位   所以即落樓買飛   果然好想睇呀下 ~

我 11 點都瞓先喇   難得瞓到 ~