泰感動 @ 曼谷。泰國 DAY 2 (PART 2/4) ( 26-JUN-2016 )

( 26-JUN-2016  SUN  Day 2 ~ Part 2/4 )

我地 11 點喺 Bang Wa 坐的士去 Khlong Lat Mayom Floating Market   坐咗 20 分鐘就到喇   好似 130B ~

其實上網睇資料話坐 10 分鐘的士   我地又唔識路   所以果下都驚比人呃   哈哈 ~

里奧大人問咗司機識唔識去先坐架   好在我 print 埋泰文咋   因為司機唔識英文呢

沿途   有自制箭咀燈

零零舍舍一棵大樹

好多藍色   i like

SAY YES 係一間 Bar

唔知呢間 SEACON 係咩呢 ?!

咩都用手機影下   反正坐車無嘢做   呵呵

咁樣望上去   其實都好似一個天幕

睇見都熱呀

好好好舊式嘅建築物

呢啲應該係網上所講嘅雙條車   如果去另一個水上市場   就係坐呢啲車   講到好危險咁㗎

我同里奧大人話想坐下呢啲巴士   但睇真啲原來無冷氣   都係唔好搞我喇   哈哈

唔知係咪唐人街呢 ?!

又見到雙條車喇

燈綠位置係咪 Hostel 呢 ?!

唔通真係喺唐人街 ?!

個女仔好恐怖

好多都無開舖

司機件裇衫條骨咁直嘅 ?!   我都無熨得咁靚呀

呢個水上市場都係近郊   我覺得自己好似去緊機場咁

喺度落車   其實真係唔知個水上市場喺邊架   咁見多人行就跟㗎喇

今日一定要着 Cross   因為驚好熱呀

行咗 5 分鐘都係咁

諗住呢度係去水上市場   原來唔係   又走番出嚟

因為係本土人去嘅地方   所以幾乎全部係泰文指示

唔理喇   行入去睇下先

露體小朋友

夜晚望到   都幾得人驚

我覺得好似塊西瓜皮喺頭頂咁   哈哈

又跟啦喂

寫咩呢 ?!

如果佢地一齊郁   都幾恐怖   哈哈

11 點 35 分喇   搵咗 20 分鐘   終於到喇   所以即行入去睇下咩環境 ~

繼續跟人行呢

希望係去水上市場嘅入口啦   哈哈

又行番呢度   哈哈   之後停一停睇下咩環境先   無理由又行番黎呢度囉

上網睇到呢個牌   就即係到咗水上市場架噃

真係笑鬼死我哋   我上網搵資料   明明見到有個紅色字嘅布牌   但搵極都唔見   原來塊布牌跌甩咗   遮哂啲紅字   唔怪得搵極都搵唔到啦   哈哈   咁即係我地已經到咗水上市場啦

可以買草餵羊仔食

唔知寫咩

一入到就見到幾隻羊

都好瘦下喎

又見到幾隻豬仔   好想拍下左手邊隻豬肚仔   脹卜卜好得意

再行就有啲嘢買咁啦   不過啱都唔睇住喇   因為水上市場 4 點 Closed

浸住對腳   比啲魚仔咬腳嘅死皮   我覺得真係好唔衛生囉

好多檔口

差唔多半個場都係燒魚

唔同檔口嘅燒魚   都好吸引呢

仲有好多林林總總嘅食物   其實想食木瓜沙律同單骨雞翼   但見好多烏蠅飛黎飛去   所以唔買黎食   咁里奧大人話想食湯粉   但真係唔見囉   梗係啦   地方咁熱   仲邊有人食湯粉呀

燒大頭蝦

咁再行入啲睇下係咩嘢嚟先

原來天外有天   同出面係兩個世界囉   無諗過咁多人呀

唔知燒咩

咁見到 有 Long Tail Boat Tour 就即問幾點有船開啦   佢地話 1 點開船   咁我地可以慢慢食完再搵番佢地 lu   因為當時只係 11 點 50 分

好想周圍睇下有咩好食   但實在太多人   再睇就無位架喇   所以最後見到想食就即買喇 ~

買埋等埋   我地 12 點 15 分食嘢先   就算啲嘢幾咁好味   都要快快趣食   因為實在太熱熱熱喇   同埋超級多烏蠅飛黎飛去   好驚囉 ~

咁里奧大人拎魚嘅時候   坐我隔離枱對面個男人望住我兩次   咁我就周圍望啦   驚丫嘛   之後里奧大人番嚟   我哋就一路食一路傾下偈   之後個男人用國語問里奧大人喺邊度嚟 ?!   里奧大人答香港啦   阿奧又問番人哋喺邊度嚟   對方答廣州   里奧大人笑哂同佢話   廣州人就用廣東話啦   哈哈 ~

咁大家又傾下偈啦   佢話頭先坐低食嘢   見親都係泰國人   話我唔似本地人   所以望咗我好耐   之後仲聽到我講廣東話   所以覺得好有親切感呀   哈哈 ~

好似好香辣好惹味咁   如果可以樣樣買啲嚟食就好啦

買咗一盒榴槤糯米飯 (60B)

泰國嘅沙爹串燒都好味道

里奧大人想話要 6 串   點知佢比咗咁多   言語不通無辦法啦   最後買咗咁多   好似 60B

我好驚拎發泡膠碟架   輕飄飄好易反   跌哂就慘咯   同埋又一手拎住電話同糯米飯   耳又帶住 Walkie Talker   里奧大人仲叫我拎風扇仔出來   我話邊有手拎喎

喺呢檔買燒魚

坐嘅地方   一律都係長枱

我地坐中間就最辛苦啦   同埋前後都好迫囉   所以熱上加熱   我發覺自己真係唔同咗   因為我無發脾氣   我覺得感受下當地生活都唔錯丫   出下汗又當排毒   不過我最驚里奧大人熱啫   佢揹大機好重嘛   所以佢應該辛苦過我 lu

里奧大人出去拎燒魚   估唔到佢都會影相   人地仲要捧住比你影添   你有無 Say Thank You 呀 ?!

好大條呀   我其實係好驚   但真係好想食囉   199B 咋   即係 HK$45 左右   香港食一條起碼要過百啦

燒魚嘅配菜藍仲長過條魚   其實我只係要佢地嘅辣汁   里奧大人話食完條燒魚   隻竹碟就要拎番比店主呢

正呀   都好 Juicy喎   但其實又驚食呢啲口感   哈哈

綠色辣汁好辣   雖然勁正   但唔敢食咁多囉   食得太辣   我會搞肚痛

呢個榴槤糯米飯都好好味呀   就算唔落練奶   糯米飯都好濕潤呢

食完就行啦   諗住拎番部相機出嚟   點知原來條相機帶個扣甩咗   我都唔知幾時甩添呀   好在無趺爛部相機咋 ~

仍然係咁多人

行呢橋樓梯過對面睇嘢   無嘢扶住嘅   又望到下面條河   呢下最驚囉

安全到埗   依家喺河嘅中間位置

有啲小店舖咁啦   無咩嘢好睇   哈哈

盡頭喇   之後又再行番去前面   前前後後咁行呢   里奧大人問我敢唔敢行上去   我好利落咁答佢 "唔敢"   佢話估唔到答得咁快   哈哈

我初初以為坐呢啲船添   好在唔係咋

行到差唔多最前   見到好多大魚

超級勁多魚   條條都勁大條   長過我前手臂㗎   所以覺得勁恐怖 @@

唔夠 10 秒就唔咗條麵包 lu

再黎

差唔多食哂 lu   佢哋啲樣真係好恐怖   可能我真係好驚咁大條嘅魚啦   之後里奧大人無啦啦同我講   頭先食嗰條燒魚係咪呢啲魚呀 ?!?!?!?!   我整佢咩   當堂反胃囉   咁我哋望下個魚頭   又唔似頭先條燒魚頭喎   不過呀   就算似都話唔似啦   衰   我話唔好再同我講燒魚呀   嗚嗚

沿線都有船隻

隻船好似幾闊咁噃   咁都幾好丫   可以傾下偈   無咁悶嘛

呢隻就係賣生果同盆栽   影完又過番對面睇下

另一邊就似街市菜檔咁呢

好多本土人黎買嘢

青檸同香芽   真係睇見都想買

都有地方食嘢嘅   不過坐矮櫈仔

呢度好似乾淨啲咁噃

呢度就無咁多熟食檔口   主要乾貨濕貨居多

我叫里奧大人影比我啦   佢勁驚定啦   影到咁   佢話唔買唔好影相喎

再行番出去睇下   原來要烏低身行㗎

呢日未完架 ^^