麻辣串串香 @ 九龍灣 ( 1-JUN-2016 )

大麻辣燙紅薯粉 (小辣) 

麻辣燙米線 (生根 + 豬腩片 + 墨魚丸 + 潮州魚蛋 ) (小辣)

麻辣涼伴豬手 - 里奧大人唔食嘛   但佢無啦啦同我講話   食多啲骨膠原   唔知佢喺邊度學番嚟呢   哈哈   我食剩一半   所以打包   

手拍青瓜 - 食剩一半   又打包   唔好嘥咗啲辣汁  

( 1-JUN-2016  WED )

尋晚 12 點 20 分去洗手間   見到里奧大人熄電腦   居然追狠牙捧追到咁夜瞓   之後 6 點 15 分又要起身上大陸   肯定唔夠瞓啦 ~

佢起身之後   我都繼續瞓到 7 點 45 分   其實勁想再瞓   因為瞓得勁唔好呢 ~

今朝隻白鴿同 BB 飛走咗喇   見唔到哋地好唔慣呀   希望佢哋搵到一個好竇啦 ~

早餐食蛋治   呢排食嘢都好辛苦下   叫完食兩啖就唔想食   但點解唔見我瘦㗎   唉 ~

菇場唔忙   不過情緒極度低落   可能慣咗星期三會同媽咪 家姐食飯啦   雖然時間會沖淡一切   但唔知要幾耐呢 ?!   依家諗嘢仲係負面   希望我唔會自殺啦 ~

今朝同家姐傾偈   問我食咩   咁我話食三文治   中午再食麥包   佢話點解朝早唔食燒賣粉果   中午食包   咁咪唔駛兩餐包囉   我話里奧大人食唔哂   我食埋去嘛   就係咁   搞到我中午想食燒賣粉果   哈哈   不過我行咗半個鐘先買   因為想食   但唔餓   行下再買會好啲 ~

之後家姐打嚟話媽咪啲骨灰已經番咗嚟   估唔到咁快喎   之前講到要好耐咁家嘛 ~

好攰   好在 Hea 到放工   心情仍然極度低落   好想一路行一路想喊   但唔敢喊啦   嚇死人咩 ~

所以番到屋企就即喊   咁樣舒服啲   本來想煮飯   但真係好無心機   所以同里奧大人講話出去食   其實佢先最慘   成日出去食   唉 ~

里奧大人 8 點番到九龍灣   佢好搞笑   一坐低就係咁望住我對眼   知我喊過呢   哈哈 ~

食完就番屋企喇   沖埋涼就休息   今日真係勁攰   10 點半即入房瞓喇 ~