秋月居 @ 九龍灣 ( 19-JUN-2016 )

三文魚壽司

螺肉軍艦

碰碰秋月居沙律 - 本來叫咗血池地獄海鮮拉麵架   但差唔多食哂個沙律都未嚟   我又勁飽喎   所以叫佢哋取消算喇  

超級菠蘿冰

( 19-JUN-2016  SUN )

尋晚勁慘   12 點半瞓到 3 點醒咗   之後望到對門出面好光   仲以為抽濕機盞燈咁勁   但原來無熄書房燈   但好奇怪喎   我明明熄哂㗎喎   定係真係無熄呢 ?!   

個人又驚驚哋   所以仲更加瞓唔着   哈哈   咁諗下嘢啦   一望個鐘原來已經 6 點幾   又唔係話好眼瞓   但無理由起身囉   好在後尾都瞓到   瞓到 9 點半都醒 lu ~

一起身即問里奧大人尋晚半夜有無入書房 ?!   佢話無喎   咁點解盞燈會着咗㗎 ?!   我記得尋晚摸黑出去睇下有無鎖大門㗎喎 ~

今朝有啲餓   所以快快手刷牙洗臉落樓食早餐 ~

食食下嘢   里奧大人又掛住睇電視   放慢哂嚟食   我話佢唔好成日 "Mark" 大對眼睇電視得唔得呀 ?!   之後佢話番我呀 ?!   唔 "Mark" 大對眼點睇電視呀 ?!   哈哈哈哈   我估我頭先應該想話唔好眼定定睇電視得唔得呀 ?!   哈哈 ~

食完早餐番屋企沖涼   抖到 11 點半就出發去高登買 Laptop 比家姐工人   佢做埋 7 月就番印尼做少奶奶 lu   我之前已經問佢想要啲咩   佢又無答我   咁家姐自己又比咗錢同買咗啲海味比佢   我都諗住比錢算喇   之後家姐話不如 share 送部 Laptop 比佢   佢本身果部開唔到喎   咁我無問題啦   都懶得諗   同埋最緊要實用 ~

里奧大人想去馬莎買四個骨褲   咁去咗馬莎先囉   咁早無咩人行嘛   感恩買咗 3 Pack 襪   本身 1 Pack 要 $199 㗎   依家只係 $99/Pack   咁佢又買 1 件單西   又係半價 $399   再買多 3 Pack 短打   我就只買咗 3 包特價軟糖   今次買咗差唔多 $1,400   其實算抵   因為好多都係半價   正價真係唔捨得買呢   但最後里奧大人發覺佢買咗 1 Pack 係無特價嘅襪囉 ~

原來係差唔多到期   所以做特價

但我哋仲要去高登嘛   無可能拎住成袋嘢周圍走   好在馬莎有得寄存   咁今晚 10 點前嚟拎就得   咁都好   唔係要番轉屋企放低嘢先囉   大佬   今日仍都好鬼焗熱   來來回回真係成身濕哂 ~

去到高登   買咗 4 條 USB Light   之後買埋 Laptop  今次買 Fujitsu   $3,099 都 OK   最緊要有國際保養嘛   比完錢就去食嘢先   因為佢哋要半個鐘頭做 Set-up   食完番嚟啱啱好 ~

$5/支咋   2 條比家姐   媽咪工人同家姐工人每人 1 條

頭先飲咗杯珍珠奶茶   所以好飽   但里奧大人話餓嘛   我話食豬潤麵啦   難得唔駛排隊 ~

豬潤麵 ($30/碗) - 其實我只想食豬潤   但無理由叫一碗   所以食到好鬼飽  

食完再去高登拎 Laptop 就搭地鐵去九龍灣馬莎喇   我要去萬寧買 Eye-Mask   咁叫里奧大人去睇下手機先啦   之後再 Join 埋一齊番屋企 ~

諗住去 Taste 買件冬瓜   不過我覺得好貴囉   所以唔買   走去睇 Tempo 桃味紙巾   成個紙巾 Area 都好香桃味呀   我引唔住伸個頭埋去索   咁香喎   當然合埋對眼大力索啦   之後一開眼   見到前面男人望住我   哈哈   勁樣衰 ~

番到屋企真係咩都唔想做   抖咗半個鐘先執行李咋   之後再開埋機洗衫就休息喇 ~

唔知食咩好   但 6 點要落樓㗎喇 ~

食完番屋企抖陣   7 點半出發去徑步   徑 20 分鐘算喇   好攰呀   又熱 ~

番到屋企即沖涼   之後食埋車厘子就休息 lu ~

今晚 11 點幾有啲攰咁喎   所以即瞓喇 ~