尋晚一覺瞓天光呀 所以今朝 6 點 15 分起身都好精神呀 感恩感恩 ~
沖埋涼就去食早餐 里奧大人知我鍾意慢慢嘆早餐 所以本來話 6 點起身㗎 但我話唔駛咁早 聽朝慢慢嘆都可以嘛 ~
好好天呀 感謝主 因為今日全日係室外活動呀
經過 Lobby 行入去就係餐廳
地方唔錯喎
次次都係我拎早餐先嘅 所以里奧大人就會影相打發時間 等我番嚟
Thai Food
金黃色嘅麵包蛋糕
好似幾好味
我初初以為係蛋白餅添
一見到鹹蛋就知有粥食 哈哈
Cup Cake
Pancake
Waffle
French Toast
生果區
沙律區
乾果區
老外區 哈哈
睇見都凍
估唔到有泰式奶茶
咖啡機
個蓋好重
雞肉腸
蕃茄通粉
炸豬扒
炒河粉 / 菜
咁早已經比人拎咗一半
食粥嘅配料
我嘅早餐 擺得好求其 我應該用小朋友餐具 咁可以分開有汁同無汁 哈哈
豬肉丸粥
芝士餅好味道呀 又飽肚 但無諗過塊火腿嘅辣椒咁鬼辣囉
咖啡 OK 啦
原來里奧大人整咗個笑哈哈早餐
生果都幾甜 唔似浸糖水 因為唔係死甜 係有西瓜味㗎
咁快天光
食完就上房抖陣 7 點 45 分就出發 但原來酒店 8 點先有 Tuk Tuk 好在我哋預鬆哂啲時間咋 不過行去 BTS 站都只係 8-10 分鐘 直路一條咋 都好快呢 ~
行去搭 BTS
沿途又睇下周圍環境
衰奧 我一望餐牌就實影我
見唔見到 2 隻貓貓 ?!
好似幾正咁
呢個男仔搞笑啦 我唔影佢嘅時候 佢就舉哂 V 字 之後我話影佢 佢就正正經經
@ mercury Ville
現任泰皇
呢度係正門
行去搭 BTS 都好方便 同埋最緊要有瓦遮頭呢
呢條馬路居然無車 真係無咩機會見到
呢個方向都係無咩車
我地搭 BTS 由 Chit Lom 去 Victory Monument 只係 4 個站 所以都算好方便 ~
8 點了
唔知呢啲咖啡好唔好飲呢 ?!
我哋住嘅酒店位屬於 Chit Lom 站
我成日搞錯 Chit Lom 同 Mo Chit
上上落落 唔駛拎嘢都 OK 嘅 哈哈
月台都無咩人
一出站就見到 Century the Movie Plaza 再行前就到集合地點 我離遠已經見到一堆人啦 應該係我哋啲團友 ~
到 Victory Monument 站
街邊檔
唔知賣咩 ?! 但價錢好平喎
我哋 8 點 15 分到 比原定集合時間早咗 15 分鐘 跟團嘅嘢 我寧願早到 因為唔熟路嘛 始終要時間搵 同埋遲到唔等喎 呢下最驚啦 ~
里奧大人即去報到喇
我想去洗手間 比我搵到呢間 Cafe 係有洗手間嘅 感恩感恩
企喺呢度等車
對面有好多架同一型號嘅車
我離遠見到架車好似升起咁
全白色嘅貓 + 綠色眼睛 我覺得好靚呀
無啦啦瞓喺度 但我唔會摸妳
立一立右上角 仲以為有架單車吊住咗添
今日跟 Local Tour 一日遊 我哋喺 KLOOK 網站 Book 咗 One Day Tour (曼谷水上市場一日遊 - 丹嫩莎朵水上市場 & 美功鐵道市場 & 安帕瓦水上市場) 因為里奧大人想去睇美功火車呀 ~
8 點 33 分開車 坐 1 個半鐘頭到丹拿水上市場 呢個團嘅導遊係小英英 司機係小 PP 小英英仲教我哋去到水上市場 點樣做個精明消費者添呀 有佢教哂路 我哋個個都知點做啦 哈哈 ~
今日行程大致上係丹嫩莎朵水上市場 (Damneon Saduak Floating Market) + 美功鐵道市場 (Maeklong Railway Market) + 樹中廟 (Wat Bang Kung) + 泰拳公園 + 安帕瓦水上市場 (Amphawa Floating Market) + 安帕瓦水上市場螢火蟲之旅 咁就可以玩一日㗎喇 ~
我哋坐呢架車
出發
坐位都舒服 唔會太迫
小英英喺車度教咗幾句泰文 之後問有咩泰文想學 估唔到里奧大人即刻問少甜同少辣點講 ?! 少甜係 "挽來" 少辣係 "劈來" 都幾易記 哈哈 ~
隔離位仁兄瞓到呢
9 點 40 分到休息站 逗留 20 分鐘 比妳去個洗手間 但其實去丹拿水上市場都只係用多 20 分鐘 好奇怪點解唔直接去囉 不過咁 我哋唔急啫 有啲人真係要去洗手間嘅 咁我都覺得有得去好過無得去 車程嘅嘢話唔埋嘛 ~
見到 7-11 又走入去睇 見有時間又食下飛碟 估唔到又幾好味喎 平靚正 ~
藍天白雲 望望下呢張相 啲雲嘅形狀好似鳳凰展翅咁呀 哈哈
我去曼谷都好鍾意行 7 仔 佢地價錢其實同超市差唔多 有啲直頭係同價添呀 同埋有時反而喺 7 仔買到 超市買唔到呢
我第 1 次喺 7 仔食飛碟 我以為係焗熱 原來係叮熱
正呀 但薯片真係好 "牙" 位 只能夠買 1 包
20B 一包薯圈咋 味道又多喎
買咗呢包 因為好泰國口味 哈哈
細細間都可以睇好耐
樣樣都好想試 唔係大牌字嘅薯片其實仲好味呢
自問自答 哈哈哈哈
選擇困難症
芝腿味道最穩陣
好肉緊地影飛碟 因為勁驚拎唔實會跌落地下呀
里奧大人自己影㗎 佢應該幾滿意個味道
飲品無咩興趣 因為好似好甜咁
糖呀 有幾款都好味道 但無買 因為天時咁熱 啲糖好易溶囉
但見到西瓜味道係最新 忍唔住買咗 1 包
出面都有啲檔口
覺得呢個公仔幾得意 後尾諗番起呢隻係忍者龜
我鍾意去加油站 因為一定有嘢食買呢
走人
10 點開車
10 點 15 分到丹嫩莎朵水上市場 (Damneon Saduak Floating Market) 呢個水上市場係 For 遊客 所以唔會買嘢 lu ~
睇見都熱 哈哈
要是影得好嘅話 我都會買隻留念㗎
一陣喺度上船 開始驚了 我真係好驚坐呢啲船仔
都好多人等上船咁喎
原來已經開始排隊等上船
吸引都唔會買 因為價錢一定係貴呀 哈哈
其他船都有救生衣 但我地隻船無嘅 ?! 不過無仲好 我唔想着呀 咁鬼熱
勁塞船 我地坐 F38
見到咁多摩打就覺得危險
可以跳去隔離船
佢哋等食
繼續周圍望
成支炮咁
塞咗好耐船 坐得又辛苦 又熱喎
有啲竹插住 固定架船 ?!
呢度真係好多嘢食
同埋好多嘢買
來來來
呢張相影到好詭異 個女人隻右手好似反轉咗咁 其實係佢後面男人隻手 大家咁啱都係着粉紅色裇衫
呢張就正常喇 哈哈
呢個伯伯隻船得好少生果 好似好慘咁
呢個婆婆就多生果喇
佢同我哋一樣 喺度等
原來上面都好多人
好想買散紙包
以前我一定會買隻船做紀念 但依家唔會喇 始終唔想買完又掉 同埋曼谷可以間唔中去 但如果係第啲唔係成日去嘅國家 就可能會買囉
無生意 幫手推下船啦
講真 去呢個水上市場真係浪費時間 但 Package 一定有呢個景點囉
好熱 所以咩都唔想食
你影我 我又影番你 哈哈
紅色一粒粒唔知咩來 但又唔係提子同蕃茄
懶人生果包 確實食起來好方便 哈哈
粿汁 很好吃
左上角企咗個人 仲以為係 Poster 添
突然間又好想買 但望望下個女人樣好恐怖
阿婆都好悶咁 哈哈
巧驚驚
我好怕啲蛇皮 以我記憶蛇皮好似係凍冰冰 隔離個男人就抱住隻唔知咩
要是我成日咁坐 對腳一定痺 哈哈
公仔好得意
3 架船迫埋一齊
真係覺得非常危險 好在無人食煙
排排坐
另一個上/落船嘅地方
民族袋 以前必定買 依家唔會 lu
里奧大人依家好鍾意影埋啲核突嘢 見到有幾隻蟻嗎 ?!
坐到悶 開始想食榴槤糯米飯 哈哈哈哈 不過頭先見隔離船食榴槤 我問佢哋好唔好食 ?! 佢地答唔好食呀 所以想食都唔會買呢
做咩咁樣呀 ?!
我地坐 Motor Boat 就好啦
有塊鏡會好啲 哈哈
其實 Floating Market 真係好有特色嘅 感恩係無落雨 如果唔係都幾麻煩
大家喺度游來游去 哈哈
沙冰正呀
呢個婆婆又係好少嘢賣
唔知有無人買呢 ?! 要拚埋上身先知好唔好睇㗎噃
呢隻船係無遮無檔 比着我真係中暑都似
明火喎 我覺得咁樣好危險 因為有好多 Motor Boat 經過嘛
好想上岸呀
仲要坐幾耐呀究竟 哈哈哈哈
轉埋個靚彎 咁應該出大海了
住呢啲屋 我會驚有條鱷魚爬上來
好亂咁
成日有船經過 所以佢地買嘢都好方便
熱狗
插旗
個樣好慘咁 但我覺得好得意呀
準備衝出大海喇
呢間屋就穩陣喇
點開窗呢 ?!
一堆椰子殼 ?!
其實唔熱都幾舒服嘅
就嚟可以上岸喇
原來船頭係咁
終於埋岸
唔知係咩店舖
Welcome to Floating Market
一望無際 哈哈
頭先見有人 Order 食物 之後佢就開始煮了
行上行落都勁驚 所以里奧大人成日話我無鬼用 哈哈
啲木板 "e e at at" 聲㗎
大黃人 但呢件衫同條褲真係好鬼舒服
居然有博物館
到咗喇 無嘢睇嘅
@ 老噠叻 (The Original Floating Market)
唔同色嘅屋 住呢啲屋真係好舒服
靚呀
又見到大蛇 我對呢啲真係零興趣
曬到呢
呢到唔曬但焗熱 哈哈
周圍睇下
又到水上市場上面行下
啲嘢唔係咁吸引
食物咁曬法 唔會溶咩 ?!
繼續行
5 Baht 嘅洗手間 唔好預佢會好乾淨 但呢個又 OK 喎 起碼地下唔係濕濕立立
行呢度無咁焗熱
出番去行下
睇下有咩嘢食
食物無標明價錢 而身為遊客嘅我 就一定唔會幫襯啦 哈哈
影完呢張合照 我就比蜜蜂針喇 好在里奧大人幫我 "猛" 番支針出來咋 人生第 1 次比蜜蜂針囉 好痛呀 嗚嗚 勁驚之後會死咗 其實呢張相係試下自拍角度 但比蜜蜂針完 我都唔敢再去影喇
唉 無哂心機呀 我係咁問里奧大人比蜜蜂針驚唔驚㗎 ?! 半個鐘問咗幾十次都有呀 哈哈 ~
佢安慰我 話佢都比蜜蜂針過 我即問佢比咩蜜蜂針呀 ?! 同唔同我果隻㗎 ?! 有無毒㗎 ?! 佢講完我仲多嘢問 令我更驚 哈哈哈哈哈哈 ~
感恩無腫呀 要是腫嘅話 我會即打比家姐 留低幾句說話比佢 ~
之後嚇到行咩都無心機 哈哈
好熱 見到 7 仔就即刻飛入去嘆冷氣喇
Ham Cheese Sandwich 真係好味道
Tom Yum Shredded Pork with Chili Paste Sandwich
甜甜辣辣幾好味喎
里奧大人話呢支 Coconut Milk 唔好飲
比蜜蜂針嘅位置真係痛㗎 痛咗半個鐘都有 之後我再問里奧大人 我個咀唇有無腫到呀 ?! 印象中如果中毒係會眼腫咀腫嘛 好在佢話無腫咋 咁我頭先又係咁搽薄荷膏 里奧大人問係咪有用 ?! 我話無㗎 我覺得薄荷有殺菌作用咋 佢個樣當堂呆咗 哈哈哈哈
咁睇條河都闊落 哈哈
唔知呢度係咩地方呢 ?! 住宅 ?!
12 點 15 分上車 差唔多 1 點就到樹中廟 (Wat Bang Kung) & 泰拳公園 ~
我地行咗一陣 見無咩好影 又熱喎 所以上車等喇 ~
今日真係好好天呀 感恩感恩
Don't touch or climb the state
拜神 ?!
好多 Local Tour
無咩好睇
@ 樹中廟 (Wat Bang Kung)
樹廟
另一邊係咁
入去拜神
@ 泰拳公園
前面好似有幾隻馬比妳睇架 不過無興趣
唔知係咩呢 ?!
見到領隊同司機 所以即問可唔可以上車等呀 ?! 佢咃話可以 所以即跳上車喇
好冰凍嘅水
熱完真係好鬼眼瞓 真係一開車就瞓呀 仲幾好瞓添 ~
2 點到美功鐵道市場 (Maeklong Railway Market) 係里奧大人最期待嘅環節 但就係最失望啦 太多人喇 ~
我成日叫里奧大人幫我影 Tuk Tuk 因為真係好有特色
企喺度影火車就發達喇 哈哈
小英英講解
開始行喇
我行埋邊無咁熱
第一次行火車路軌
行入去市場喇 鬼佬坐嘅位置 好似係要額外比錢㗎 咁樣就可以喺有利嘅位置 睇到架火車經過呢
好多嘢買呀 好似街市咁呢
路軌其實都幾難行
已經落定布喇
當堂暗哂
應該係真魚 因為好腥 哈哈
一粒粒係咩來呢 ?! 好似頭先喺水上市場都見到喎
呢啲泰國原材料 過到香港就好貴㗎喇
魚肉 ?!
好大粒荔枝 勁想買嚟食呀
行咗陣 我覺得大開眼界呀
都唔係好平啫 可能知道係遊客先買來做手信 哈哈
好有特色 但真係 Very Very Very HOT
行喇行喇 我啲汗係咁流
臭豆
青蛙
唔知咩來
我覺得啲魚嘅型狀好怪
咁火車 2 點半到 我哋行到最盡嘅位置 已經企滿哂人 咁我同里奧大人仲分開咗添 佢行得好前 咁唯有大家企喺唔同位置影啦 我嗰邊嘅店主好緊張咁叫我同後面個女仔 Inside Inside 個國語人死都唔比我哋行入去 之後店主都忍唔住叫個國語人 Inside 佢先縮開比我哋行入去咋 我知你個位係可能影到火車 但我無諗住企你前面喎 ~
火車經過完之後 就即打比里奧大人啦 佢都好失望 話太多人呀 根本影唔到相 只拍到 Video 咋 ~
火車來了
我只能影到咁咋
里奧大人就可以影到咁呢
真係唔會碌過啲物品
里奧大人影到火車正面喇 但佢都比前面個男人阻住 哈哈
你影人影你
我哋今日咁辛苦為咩呀 哈哈哈哈哈
多人到呢
我都鍾意紅色 + 黃色
影番張相先 原來火車顏色同我背囊差唔多色 哈哈哈哈
真係乜都影下喇
要飲椰青降溫 但唔冰凍嘅 哈哈
25B 真係好平
我哋出大路行 點知認錯路 勁驚呢 ~
周圍行下
我係番咗香港先睇里奧大人影咗啲咩 怪不得佢成日唔比我喺街邊買生果食啦
好有香港 Feel
好鍾意行呢啲街 但可惜無時間
有我鍾意飲嘅 A & W
我可以食嘢唔飲嘢 但唔可以飲嘢唔食嘢 唔知點解
都唔知自己行咗去邊
我哋 3 點 15 分先去到集合地點 遲咗 5 分鐘呀 勁唔好意思 ~
呢日未完㗎 ^^
沒有留言:
發佈留言