2018年8月8日星期三

新興小菜火鍋 @ 官塘 ( 21-JUL-2018 )

飲勝   飲啤酒要講飲勝先過癮   哈哈



阿喂 hea 影   好在阿 mi 話佢   呵呵




椒鹽鮮魷 ($89) - 味道 ok 呀   但味道偏鹹
 


新興小炒皇 ($89) - 呢個好味呀   最鍾意佢有 d 脆脆地嘅蝦仔 



金牌炸乳鴿  ($65) - 里奧大人唔食   阿喂食咗 2 件   我食 1 件   又唔留比老婆定啦   好在家姐唔食 



銀芽豉油皇炒麵 ($65) - 我同阿喂食第一啖   都話唔夠乾身   如果乾身就一流喇   哈 



川辣回鍋肉 ($89) - 我叫嘅   阿 mi 以為我食羅漢齋定啦   哈哈   呢個完全唔掂   仲諗住川辣好辣添 



蜆芥鯪魚球 - 阿喂叫架   呢個好味呀   新鮮炸起   真係乜鬼都好味   哈哈   不過味道仍然係偏鹹   呢餐飯我飲咗 2 罐忌廉呀    




蜆芥醬好鹹 



( 21-JUL-2018  SAT )

今朝同家姐食早餐   我話轉場呀   唔鍾意 Toast Box 個通粉湯底   以前係蕃茄味   依家係公仔麵湯底   唔係咁鍾意   同埋次次食完   個口好苦咁 ~

去 Delifrance 食早餐   味道差哂呀   唉 ~



自選特級早餐 (煙火腿 / 烤雞 / 珍寶腸 / 法國貴族牛角酥) ($43) - 得個牛角酥最好味



煙三文魚炒蛋配全麥百吉包 ($42) + $4 (中杯咖啡)



咁家姐隻腳仲有 d 痛   但傷口好番好多呀   之前鮮紅色   依家粉紅色   感恩感恩 ~

最搞笑係佢個肥妹同事   成日讚支傷口藥膏好正   因為佢見住家姐個傷口痊癒程度   家姐一打比我   佢就會問家姐   妳有無同妳阿妹講好好用 ?!?!   之後家姐再打黎   肥妹又話有無同妳阿妹講 3M 膠布好貴   但真係好好用 ?!?!   佢話佢只買細細塊果 d 膠布咋   咁呢 d 膠布都係里奧大人買嘅   我之前比暖水袋淥傷咗嘛   所以里奧大人咪大包圍囉   所以我都好感激里奧大人   佢真係緊張埋家姐個傷口架   仲話我唔得閒比家姐   佢幫我比家姐呢 ~~~~

食下傾下   當中又知道家姐真係好錫好錫我   唔係只係得把口   不過我成日都話架   唔駛擔心我   最緊要佢健康開心   人生為咩先 ?!?!   就係呢兩樣先最緊要 ~~~~

差唔多 8 點 50 分就走喇   各自搭巴士番工 ~

菇場唔忙   可以揀相  ~

但又係 12 點先忙   不過好在唔趕 ~

家姐 12 點幾打來問我今晚食咩   我都知佢想約我食啦   不過我話阿 mi 即慶約咗我地今晚喺官塘食飯   咁我叫埋家姐來囉   反正大家都差唔多時間喺官塘   但我話要睇阿 mi 佢地有無問題先   哈哈   咁阿 mi 話無問題   我就再講埋地點比家姐知啦   今晚我一定非常之開心   因為我所愛嘅都喺哂度   呵呵 ~

放工即走   番到屋企抖陣   2 點半出去食 tea ~~~~



食完又番屋企   咁阿 mi 話想一齊行下官塘   咁我地 5 點幾都出發   里奧大人順便去拎埋雜誌 ~

我同里奧大人講話官塘有咩特產   想買比阿 mi   衰奧笑到差 d 噴咗粒糖出來呀   話佢都想知官塘有咩特產   哈哈 ~

呢度已經無人住架喇   舊區嘅官塘   永別喇  



6 點左右到   我地熱烈歡迎荃灣區代表   哈哈 ~

要我地做導賞團   里奧大人話官塘無嘢行   咁阿喂話去街市睇有無靚海鮮   買完叫飯店煮 ~

咁行咗個圈都無靚嘢   所以直接去飯店喇 ~

估唔到都幾爆場   好在阿喂訂咗位咋 ~

一路飲住一路等家姐   佢 7 點到咗   仲諗住帶佢上來   點知佢自己上黎 ~

咁開始叫嘢食喇   家姐其實對中菜無咩興趣   所以都係我地話事啦   因為姐夫同糟糟好鍾意食中菜   次次出去食飯都係去酒樓   哈哈 ~

佢又 3 點先食完 tea   基本上唔會咁快餓   咁佢坐阿 mi 隔離   可以一齊傾計   佢地仲好好傾   里奧大人講咗 2 次   話估唔到佢地咁好傾   不過都係人夾人緣   家姐同我 d 朋友確實好好傾   佢有時見到 CC 都會傾一大輪嘢架   糟糟都係我朋友黎嘅   之後佢同家姐仲更加 frd   幾乎日日 whataspp 添呀 ~~~~

里奧大人話阿 mi 愛屋及烏   哈哈   咁事實係   阿 mi 都好錫家姐架   手信又買比佢   整嘢食又預埋佢   又成日叫佢黎屋企食海鮮   但家姐好多時星期六都 OT   今晚佢地可以親自問佢   我無老作架   嘩哈哈哈哈 ~

全場幾乎係麻甩佬   又嘈到死   我地真係要好大聲講嘢先得 @@

講開舅父   阿喂話喎   做得人地舅父   年紀唔會細   點知家姐好快咁答佢: 唔係喎   你知唔知我鄰居就係 10 歲做人舅父   仲有   可能阿婆遲生   所以最細個舅父年紀唔會好大   哈哈哈哈   笑死我地   唔講以為家姐下下頂到行呀 ~~~~

咁最搞笑   老闆推咗阿喂張櫈前少少   行入另一張枱   之後喇   阿喂好驚咁指住前面方向   話點解老闆喺前面嘅 ?!?!?!   我同家姐阿 mi 同 tone 同時間一齊話: 佢出咗黎好耐啦   之後阿喂又喺度笑   以為我地又串佢   阿 mi 話阿喂一定以為老闆要推佢張櫈   先出得番來喎 ~

阿 mi 問我同家姐官塘有咩好嘢食   我同家姐都好大反應同一個 tone 話: 官塘 ?!?!?!   阿 mi 都話駛唔駛咁大反應   哈哈 ~

之後我地 3 個一齊去廁所   老闆話女廁果邊   家姐話又會知我地去廁所   佢話聯群結黨咁一定係去廁所啦   哈   佢形容得好搞笑 ~   

家姐知阿 mi 煮嘢食好叻   咁家姐工人會買幾日餸   阿 mi 仍都會買幾日餸   但阿 mi 係買完再諗煮咩   家姐即刻話阿 mi 好似肥媽咁   買完先諗煮咩   我地成日覺得佢好勁囉   咩都識煮   要是我係咁   里奧大人唔駛咁慘   哈 ~

阿喂都貓貓地扮清醒   之後仲話講得出邊區有 100 條村   我幫佢數   講得 9 條村咋   衰奧即幫住哂   話喎   你求其講乜村物村佢都唔知啦   嘩哈   咁又係   我真係唔識呢 ~   

佢地飲呀飲   一共飲咗 9 支大啤   堅勁呀   不過睇佢地飲得咁開心   就算我唔飲都睇得好開心   哈哈 ~

話咁快就 11 點   係時候走人喇   比錢又爭來爭去   好在家姐清醒   唔係我地就比錯錢比阿喂 @@

番到屋企都即沖涼   等埋哂佢地平安回家   我都即瞓喇 ~~~~

沒有留言:

發佈留言